ཨ་ལེས་པེ་ཀོར།
ནམ་ཞིག་མཐོང་ཡང་འཛུམ་མུ་ལེར། གང་དུ་ནེམ་ཡང་འབུལ་ཤིག་གེར། སུ་ཡིས་ཉོས་ཀྱང་སྤྲོ་སྣང་སྟེར་བའི་ཡིད་འོང་གི་ངའི་ཨ་ལེ་པེ་ཀོར། ཁྱེད་ནི་བྱིས་པ་ཆུང་ཆུང་དག་གི་སེམས་ཁོང་ནས་གཅེས་པའི་དགའ་རོགས་དང་རྩེ་རོགས། གྲོགས་མེད་ཁེར་རྐྱང་གི་སྡུག་རོགས་དང་སྐྱོ་རོགས་ཤིག་ཀྱང་རེད།
ཡིན་ནའང་ངས་དགའ་བའི་སེམས་གཏམ་གླུ་དབྱངས་སུ་བླངས་ཤིང་བརྩེ་བའི་དུང་སེམས་མེ་ཏོག་རུ་བཞད་པ་དག་ཁྱེད་ཀྱིས་ནམ་ཡང་མ་གསན་མ་གཟིགས་པའི་ཚུལ་བཞུགས་དོན་གང་ཡིན་ན། སྙི་མོ་བལ་འཇམ་གྱིས་རྩེ་ཆས་ཆུང་ཆུང་ཁྱེད་ལ་མཁྲེག་པོ་ངར་ལྕགས་ཀྱི་སྲོག་སྙིང་སུས་བསྒྲིགས་སོང་ལགས། གསུངས་དང་། །