2011/10/11

འདི་ནི་སྨན་ཞིག་རེད།

ལེ་དབར་འབུམ་གྱིས་ཆོད་པའི་ཕ་རོལ་ནས། །
ཆེམ་ཆེམ་འོད་མདངས་མཚེར་བའི་སྐར་ཆེན་ལགས། །
ཧམ་པའི་ལག་རིང་བསྙབས་པར་མ་ཕོད་ཀྱང་། །
འགོག་མེད་མིག་ཟུར་ཤོར་སོང་དགོངས་ཡང་གནོངས། །

དཀར་དམར་མཛེས་པའི་རྒྱ་སེ་མེ་ཏོག་གི། །
ཡུ་བ་དུག་གི་ཚེར་མས་དཀྲིས་གྱུར་ཏེ། །
ལག་ཟུང་གྱ་ཚོམ་རེག་པའི་ནག་ཉེས་སུ། །
སྙིང་ལ་ན་ཟུག་བྱིན་ཡང་བློ་འགྱོད་ཅི། །

ཆོས་གྲོགས་ལ་ཕུལ་བའི་སེམས་གཏམ།

བདག་གིས་ངོ་ལོ་བཅོ་ལྔའི་གོང་ཙམ་ལ་བྲིས་པའི་སྙན་རྩོམ་ཞིག་ཉེ་ཆར་ལོ་ཤས་སྔོན་དུ། རྒྱ་གར་ལྷོ་ཕྱོགས་མཻ་སུར་སྔ་འགྱུར་རྙིང་མའི་ཆོས་སྡེ་ཆེན་པོ་རྣམ...