སྐྱོ་གླུ།

གླུ་གཞས།


སྐྱིད་ཉི་མ་དྲོ་ན་བསམ་དུས། །
དགུང་ཨ་སྔོན་སྤྲིན་པས་གཡོགས་སོང་། །
ཆར་སིལ་མ་བབས་ན་བསམ་དུས། །
རླུང་ནག་པོས་མཐའ་ལ་གཏོར་སོང་། །
འདི་སྲིད་པའི་མནར་གཅོད་ཨེ་རེད། །

དཀར་འོ་མ་འཐུང་ཁ་ལ་མོར། །
ཉམས་ཆུང་བའི་བྱི་ལ་སླེབས་སོང་། །
ལྟོགས་ཞི་ལས་འཐུང་ན་བསམ་དུས། །
མངར་འོ་མ་ཐང་ལ་འཕོས་སོང་། །
ཡིད་ཕངས་བའི་ལས་ཤིག་ཨེ་རེད། །

ང་ཁ་རོག་འདུག་ན་བསམ་དུས། །
སྨན་བུ་མོས་གཡས་སྐོར་གཡོན་སྐོར། །
ངའི་འཁྲིས་ལ་འཁོར་ན་བསམ་དུས། །
སྨན་ཁྲེལ་མེད་གཞན་དང་བསྡེབས་སོང་། །
འདི་སྐྱོ་བའི་ལས་ཤིག་ཨེ་རེད། །