2011/03/29

གྲྭ་པ།

ལས་འབྲས་ཀྱིས་འཇིགས་སྐུལ་བྱུང་སོང་། །
འགྱོད་གདུང་དང་བཤགས་པ་གྱིས་དང་། །
མིག་ཟུང་གིས་སྙིང་རྗེ་འཕང་སོང་། །
གསོལ་འདེབས་དང་སྨོན་ལམ་སྐྱོར་དང་། །
ཚུལ་འཆོས་ཀྱིས་ཚུལ་ཁྲིམས་སྲུང་འདུག །
དད་པ་དང་དག་སྣང་སྒོམས་དང་། །
གྲྭ་ཆུང་ཞིག་མནའ་མ་བླངས་འདུག །
གཞིས་ཁྱིམ་གྱི་འདུག་ཆུས་མཛོད་དང་། །
མོ་ལུང་གི་བརྟག་པའི་ནང་དུ། །
ཞབས་རིམ་གྱི་ལེ་འུ་བསླངས་སོང་། །
སྐུ་རིམ་གྱི་རྩིས་ཁྲ་ནང་ནས། །
བླ་གྲྭ་ཚོའི་འཚོ་རྟེན་བརྡོལའདུག །
མཐོ་བརྗིད་ཀྱི་གསེར་ཁྲིའི་སྒང་ནས། །
སྤྱན་ཟུང་དེ་མཛེས་མར་ཟུག་འདུག །