རྨི་ལམ་མེད་དོན།

རྨི་ལམ་མེད་པའི་གཉིད།
གཉིད་འདི་དག་རྨི་ལམ་མེད་པ་རྐྱང་རྐྱང་རེད།
ངས་དེང་སང་རེ་བ་ཚང་མ་རྨི་ལམ་ལ་བཅོལ་ཞིང་།
རྨི་ལམ་ནས་སྒུག
ང་ལ་གལ་སྲིད་རྨིས་ཀྱང་རབ་རིབ་ཞིག་དང་།
ནག་ནོག་ཅིག་ལས་མེད་དོན།
ད་དུང་ངས་རྨི་ལམ་ཁོ་ནར་སྒུག
ངས་རྨི་ལམ་འདི་ལྟར་སྒུག་དོན།
མི་ཚོས་ཟེར་སྲོལ་ལ་རྨི་ལམ་ནི་རྫུན་མ་ཞིག་རེད་ཟེར།
འོན་ཀྱང་ངའི་རྨི་ལམ་འདིར་བདུད་རྩི་ལྟ་བུའི་བྲོ་བ་ཞིག་ཡོད།
འཇལ་ཚོན་ལྟ་བུའི་མཛེས་སྡུག་ཅིག་ཡོད་རྐྱེན།
ངས་ད་དུང་བསྐྱུར་ན་མི་འདོད།
ངས་ད་དུང་རྨི་ལམ་རུམ་ནས་ཉལ་ན་འདོད།
མཛེས་པའི་རྨི་ལམ་ལ་འཁྱུད་ན་དྲན།