2011/06/01

འབུ།

དབྱར་རྩ་དགུ་འབུ་བརྐོ་རྒྱུར་བྲེལ་བས། །
མྱེས་པའི་ཕ་ཞིང་རྩ་སྐྱས་བརྒྱངས་སོང་། །
བརྐོས་པའི་འབུ་ཤ་རྒྱ་ལ་བཙོང་སྟེ། །
འཁོར་རིགས་སྟོང་གིས་ལུང་པ་བཀང་སོང་། །

སྐྱུར་རྩི་བསྒོས་པའི་རོ་འཛིན་དིག་པོས། །
ཚིག་གསུམ་གཏམ་སྒོ་མ་ཕྱེས་སྔོན་ནས། །
གློ་འདོགས་གྲི་གུ་ཤུབ་ནས་ཕྱུང་སྟེ། །
སྤུན་ཟླའི་ཟུང་ཁྲག་ཐང་ན་འཕོས་སོང་། །

ཤ་རུལ་དྲི་ངན་གང་དུ་འཐུལ་སར། །
སྦྲང་ནག་འཚང་བ་དངོས་པོའི་གཤིས་ལྟར། །
མ་རབས་ཤོ་རྒྱན་གང་དུ་འཛུགས་སར། །
བསགས་པའི་འབུ་དངུལ་བསྐྱེལ་དུ་བྲེལ་འདུག །

ཆོས་གྲོགས་ལ་ཕུལ་བའི་སེམས་གཏམ།

བདག་གིས་ངོ་ལོ་བཅོ་ལྔའི་གོང་ཙམ་ལ་བྲིས་པའི་སྙན་རྩོམ་ཞིག་ཉེ་ཆར་ལོ་ཤས་སྔོན་དུ། རྒྱ་གར་ལྷོ་ཕྱོགས་མཻ་སུར་སྔ་འགྱུར་རྙིང་མའི་ཆོས་སྡེ་ཆེན་པོ་རྣམ...