2017/08/07

ཆ་བེ་ཆོབ་བེ།

སྤུན་ཆུང་རྣམ་རྒྱལ།
སྔ་དྲོ་ཆོས་ཁྲིའི་ཁ་ནས་གཅིག་པ་ཟེར།།
ཕྱི་དྲོ་འབོལ་གདན་སྟེང་ནས་ཁ་ཁ་ཟེར།།
དོན་དུ་ང་གཉིས་འགལ་ཟླ་བཟོ་བའི་རྒྱུ། །
བླ་མ་ཆ་བེ་ཆོ་བེ་ཉུང་ན་བསམ། །

ཁ་ནས་སྐད་ཆ་བཤད་ན་གྲུབ་མཐའ་གླེང་།།
ངག་གིས་གླུ་དབྱངས་བླངས་ན་ཕྱོཌ་རིས་འབོད།།
དོན་དུ་ང་དང་གངས་ཕྲུག་སུན་པའི་རྒྱུ།།
གླུ་པ་ཆ་བེ་ཆོ་བེ་ཉུང་ན་བསམ།།

ཕྱི་ལ་དམར་དམར་མཚོན་གྱི་ཞལ་བ་བྱུག།
ནང་གི་སྙིང་ཆུང་དམར་པོས་སྒོར་མོ་སྒོམ།།
དོན་དུ་ང་དང་གྲོགས་པོ་གཞོ་མཁས་པའི།།
བུ་མོ་ཆ་བེ་ཆོ་བེ་ཉུང་ན་བསམ། །

ཆོས་གྲོགས་ལ་ཕུལ་བའི་སེམས་གཏམ།

བདག་གིས་ངོ་ལོ་བཅོ་ལྔའི་གོང་ཙམ་ལ་བྲིས་པའི་སྙན་རྩོམ་ཞིག་ཉེ་ཆར་ལོ་ཤས་སྔོན་དུ། རྒྱ་གར་ལྷོ་ཕྱོགས་མཻ་སུར་སྔ་འགྱུར་རྙིང་མའི་ཆོས་སྡེ་ཆེན་པོ་རྣམ...