2011/04/02

གྲྭ་པ་ལགས།

སེམས་ཁོང་ནས་གཟེར་བའི་གནོད་པ་ཞིག་བྱུང་ན། །
ནམ་ཞར་དུ་དྲན་པའི་ན་ནད་གཅིག་བྱུང་ན། །
དྲན་སེམས་ཀྱི་གློག་བརྙན་འགོག་མེད་དུ་ལྟ་དུས། །
གྲྭ་པ་ཁྱེད་རིམ་གྲོ་ལ་ཕེབས་དགོས་ཤིང་བྱུང་ཡང་། །
ཁྱིམ་བདག་མའི་འཛུམ་ཞལ་གསོལ་ཇ་དང་བསྡོངས་ཀྱང་། །
དམ་ཚིག་གི་བཅད་ཁྲ་ཀློག་རྒྱུ་དེ་མ་བརྗེད། །
ཁྱིམ་སྦུག་གི་གཡང་སྒམ་ཟུར་མིག་གིས་གཟིགས་ཀྱང་། །
ལག་ཟུང་གི་ཕྱག་རྒྱ་མདུད་རྒྱ་རུ་སྡོམས་དང་། །
དད་ལྡན་གྱི་མིག་ཟུང་ཡིད་ཆེས་ཀྱི་བཙུམས་དུས། །
ཁྲིགས་ལྡན་གྱི་གྲྭ་པས་གསོན་མིག་དག་མ་བྲུས། །
ཁྱིམ་ཆེན་ཀྱི་ཕ་མ་བློས་གཏོང་རང་ཐུབ་ཀྱང་། །
ཁྱིམ་ཆུང་གི་གྲྭ་ཕྲུག་སྐྱུར་ཐབས་འདི་མེད་ན། །
འཇིག་རྟེན་ཀྱི་འཚོ་བ་ངོ་མ་དེར་རོལ་དང་། །
རང་བཞིན་གྱི་དྲོ་སྐྱིད་ཐོབ་རྒྱུ་རང་ངེས་སོ། །

ཆོས་གྲོགས་ལ་ཕུལ་བའི་སེམས་གཏམ།

བདག་གིས་ངོ་ལོ་བཅོ་ལྔའི་གོང་ཙམ་ལ་བྲིས་པའི་སྙན་རྩོམ་ཞིག་ཉེ་ཆར་ལོ་ཤས་སྔོན་དུ། རྒྱ་གར་ལྷོ་ཕྱོགས་མཻ་སུར་སྔ་འགྱུར་རྙིང་མའི་ཆོས་སྡེ་ཆེན་པོ་རྣམ...