2014/01/21

ཨ་ཁུའི་རྗེས་དྲན།











ངའི་བརྩེ་བའི་ཨ་ཁུ་དྲིན་ཅན།
ཁྱེད་ཀྱིས་དང་ཐོག་བསླབས་པའི་འབྲུ་དེད་ཀྱི་ཁ་ལྕེ་རྡེབ་སྟངས།
ཁྱེད་ཀྱིས་བར་དུ་ཁྲིད་པའི་ཚག་དེད་ཀྱི་དབྱངས་འགྲོས་དལ་མོ།
ཁྱེད་ཀྱིས་ཐ་མར་གདམས་པའི་བསྡོམས་དེད་ཀྱི་འདོ་བའི་འགྲོས་ཆེན་དལ་མོས་དག
ངས་ད་ལྟའང་རྡེབ་ཀྱིན་འགུགས་ལ་འདོན་བཞིན་ཡོད།
ཨ་ཁུ་ལགས།
ཁྱེད་ཀྱིས་བསླབས་པའི་ཤིང་ལོ་རླུང་རྡེབ་མའི་ཆོས་དབྱངས་སྙན་མོ་དེ་ངའི་རྣ་ལམ་ད་རུང་ཡལ་མེད།
ཨ་ཁུ་ལགས།
ཁྱེད་ཀྱི་ཨག་ཚོམ་དཀར་པོའི་འོག་ནས་ཞག་རིལ་མ་སྣུམ་པོ་ཟོས་པའི་བྲོ་བ་དེ་ད་རུང་ལྕེ་གཏིང་ན་འཁྱིལ་ནས་ཡོད།
ཨ་ཁུ་ལགས།
ང་རྒྱུན་དུ་རླངས་འཁོར་གྱིས་མཁྲིས་ནད་སློང་རིམ་བཞིན་
ངས་ཁྱེད་ཀྱིས་གནང་བའི་འབྲི་བཟོ་སེར་པོ་དེ་ཟ་བར་འདོད་སོང་། ཨ་ཁུ་ལགས་
ཁྱེད་ཧ་ཅང་དྲན།

ཆོས་གྲོགས་ལ་ཕུལ་བའི་སེམས་གཏམ།

བདག་གིས་ངོ་ལོ་བཅོ་ལྔའི་གོང་ཙམ་ལ་བྲིས་པའི་སྙན་རྩོམ་ཞིག་ཉེ་ཆར་ལོ་ཤས་སྔོན་དུ། རྒྱ་གར་ལྷོ་ཕྱོགས་མཻ་སུར་སྔ་འགྱུར་རྙིང་མའི་ཆོས་སྡེ་ཆེན་པོ་རྣམ...