བརྩེ་དུང་རྒྱལ་མོའི་ལོ་རྒྱུས་དངོས།

བརྩེ་དུང་རྒྱལ་མོའི་ལོ་རྒྱུས་དངོས།

Cambodian Journalists Alliance Association: 18 November 2025 7:34 PM.

གཟའ་མིག་དམར་ཉིན་སི་ཝེ་རིང་ (Svay Rieng) ཉེན་རྟོག་པས་དྲ་ཐོག་མགོ་སྐོར་དང་། ཁྲིམས་འགལ་བཀག་ཉར། བཟི་སྨན་དང་འབྲེལ་བའི་ནག་ཉེས་ཡོད་པའི་ཝི་ཏི་ནམ་གྱི་མི་སེར་ལྔ་དང་། ཁོང་ཚོ་བྲོས་བྱོལ་དུ་གཏོང་མཁན་བུད་མེད་གཅིག དེ་བཞིན་ཁམ་བྷོ་ཌི་ཡའི་སྐྱེས་པ་གཅིག་བཅས་བསྐྱར་དུ་འཛིན་བཟུང་བྱས་ཡོད། དེ་ནི་ཁོང་ཚོས་བཙོན་ཁང་ནས་བྲོས་བྱོལ་བྱེད་ཐབས་བྱས་རྗེས་ཡིན་པ་དང་། སྤྱི་དམངས་ཚོགས་པ་ཞིག་གིས་ཀྱང་གནད་དོན་འདིར་མཐིལ་ཕྱིན་པའི་ཞིབ་འཇུག་བྱེད་དགོས་པའི་འབོད་སྐུལ་ཞུས་ཡོད།

དྲ་ཐོག་ཏུ་ཁྱབ་གདལ་ཆེན་པོ་ཕྱིན་པའི་བརྙན་ཐུང་ཞིག་གི་ནང་དུ། མི་དྲུག་གིས་སི་ཝེ་རིང་(Svay Rieng) ཞིང་ཆེན་ཁྲིམས་ཁང་དུ་རླངས་འཁོར་ནས་བབས་སྐབས་ཉེན་རྟོག་པ་དང་མེ་མདའ་རྒྱག་རེས་བྱས་ཏེ་བྲོས་བྱོལ་གྱི་ཐབས་ཤེས་བྱས་པ་མཐོང་རྒྱུ་ཡོད། དེ་ནི་གདོང་ཁེབས་དང་གོས་ནག་པོ་གྱོན་པའི་བུད་མེད་ཅིག་གིས་བཙོན་པ་ཞིག་ལ་མེ་མདའ་སྤྲད་དེ། ཉེན་རྟོག་པར་མེ་མདའ་རྒྱག་བཞིན་བྲོས་བྱོལ་བྱེད་ཐབས་བྱས་ཡོད་ཀྱང་སུ་ལའང་རྨས་སྐྱོན་ཕོག་མེད།

བཙོན་ཁང་སྤྱི་ཁྱབ་ལས་ཁུངས་ཀྱི་མགྲིན་ཚབ་པ་ཁ་ཨང་སོ་ན་དིན་ (Kheang Sonadin) གྱིས་བཤད་དོན་ལྟར་ན། རྗེས་འདེད་བྱས་རྗེས་སྐྱེས་པ་གཅིག་དང་ཁྲིམས་ཁང་དུ་འཁྲིད་པའི་ཁམ་བྷོ་ཌི་ཡའི་བཙོན་པ་དེ་བཟུང་ཡོད་པ་དང་། ལྷག་འཕྲོས་ཀྱི་སྐྱེས་པ་བཞི་དང་ངན་རོགས་བུད་མེད་དེ་དག་ཆུ་ཚོད་ཁ་ཤས་ཀྱི་རྗེས་སུ་འཛིན་བཟུང་ཐུབ་པ་བྱུང་ཡོད། ཁོང་གིས་མུ་མཐུད་དུ་"ཉེས་ཅན་དྲུག་པོ་དེ་དག་ནི་བཟི་སྨན་དང་། ཁྲིམས་འགལ་གོ་མཚོན་ཉར་ཚགས། མི་གཏའ་བཙན་ཉར་བྱས་པའི་ཉེས་ཅན་པ་རེད་"ཅེས་བཤད། ཁོང་ཚོ་ནི་ ༢༠༢༥ ལོའི་ཟླ་ ༡ པོའི་ནང་བཀག་ཉར་བྱས་ཡོད་པ་རེད།

གཞུང་འབྲེལ་མིན་པའི་ཐོབ་ཐང་ཚོགས་པ་ལི་ཁ་དྷོ་ (Licadho) ཡི་འགན་འཛིན་ཨམ་སམ་ཨ་ཏཱ་ (Am Sam Ath) ཡིས་ཉེན་རྟོག་པར་གནད་དོན་འདིར་ཞིབ་འཇུག་ནན་པོ་དང་བཙོན་ཁང་གི་བདེ་འཇགས་དོ་དམ་ཤུགས་ཆེ་རུ་གཏོང་དགོས་པའི་འབོད་སྐུལ་ཞུས་ཡོད། ཁོང་གིས་"གནད་དོན་འདི་ནི་བཙོན་པར་དོ་དམ་དང་བདེ་འཇགས་སྲུང་སྐྱོབ་བྱེད་ཕྱོགས་ཐད་ཀྱི་སློབ་གསོ་ཞིག་ཏུ་འགྱུར་དགོས། བདེན་པ་གསལ་རྟོགས་དང་ཁྲིམས་མཐུན་གྱི་ཐག་གཅོད་ཡོང་ཆེད་ཞིབ་འཇུག་ནན་པོ་བྱེད་དགོས་"ཞེས་དང་། ཁོང་གིས་སྔོན་མ་སིམ་རེབ་ (Siem Reap) ཞིང་ཆེན་དུ་ཐེ་ཝན་གྱི་བཟི་སྨན་ནག་ཚོང་བ་ཞིག་སོ་སྨན་བཅོས་བྱེད་སྐབས་བྲོས་བྱོལ་དུ་སོང་བའི་གནད་དོན་དྲན་གསོ་བྱས་ཡོད།

སི་ཝེ་རིང་ཁྲིམས་ཁང་གི་མགྲིན་ཚབ་པ་ལས་ཆུང་ཧེང་ (Lay Chungheng) གིས་ཉེན་རྟོག་པས་གནད་དོན་འདིའི་ཐོག་ལས་ཀ་བྱེད་བཞིན་ཡོད་ཅེས་མདོར་བསྡུས་ཤིག་བཤད་པ་ལས་འགྲེལ་བརྗོད་གཞན་བྱས་མེད། དེ་བཞིན་འབྲེལ་ཡོད་དཔོན་རིགས་གཞན་ཁག་ཅིག་གིས་ཀྱང་མཆན་འགྲེལ་གནང་རྒྱུར་ཁས་ལེན་བྱས་མེད་པ་རེད།

Cambodian Journalists Alliance Association

མེེ་སོར་ནས་མ་ཌི་ཀེ་རི་བར་གྱི་མགྱོགས་ལམ།

མེེ་སོར་ནས་མ་ཌི་ཀེ་རི་བར་གྱི་མགྱོགས་ལམ་“དཔལ་འབྱོར་ལམ་ཆེན་” (Mysore-Madikeri Economic Corridor Expressway) ཞེས་པ་དེ་ད་ལྟ་དངོས་སུ་ལས་འགོ་ཚུགས་འདུག

གཞི་རྒྱ་ཆེ་བའི་གཞུང་ལམ་འཛུགས་སྐྲུན་གྱི་ལས་འཆར་ (NHAI) འདིར། ལམ་གྱི་རིང་ཚད་ལ་སྤྱི་ལེ་ 115 དང་། བཟོ་སྐྲུན་མ་དངུལ་ཧིན་སྒོར་ཀ་རོར་དྲུག་སྟོང་ (6,000 crores) ཡིན་པར་བཤད་ཅིང་ཀ་རོར་ཞེས་པ་ནི་འབུམ་བརྒྱ་ཐམ་པ་ཀ་རོར་གཅིག་ཡིན་པ་རེད། ལན་ཆེན་འདི་ནི་ཤྲི་རང་ག་པཊ་ན་ནས་མ་ཌི་ཀེ་རི་ (Srirangapatna to Madikeri) བར་མཐུད་རྒྱུ་ཡིན་པ་དང་། ད་ཆ་གྲོང་ཁྱེར་བྷེང་ལོར་ནས་ཀོ་ད་གུ་ (Banglore-Kodagu)ཡི་འགྲུལ་བཞུད་དུས་ཚོད་ཆུ་ཚོད་ 7 ཡིན་ཡང་གཞུང་ལམ་གྲུབ་རྗེས་ཆུ་ཚོད་ 5 ཡི་ནང་འབྱོར་ཐུབ་པར་བཤད།

ལར་ནས་འདི་ས་ཆའི་བདག་དབང་གི་རྐྱེན་པས་བར་སྐབས་འགོར་འགྱངས་བྱུང་ཡང་ད་ལྟ་གནད་དོན་ཐག གཅོད་བྱུང་ཟིན་པས་ལས་འགོ་དངོས་སུ་བཙུག་ཟིན་འདུག་ལ། འཆར་གཞི་ལྟར་ན་སྤྱི་ལོ་ 2027 ཟླ་ 4 ནང་མཇུག་བསྒྲིལ་རྒྱུར་འབད་ཀྱིན་ཡོད་པར་བཤད་ཅིང་། ལས་གཞིའི་དམིགས་ཡུལ་ནི་བྷེང་ལོར་ནས་མ་ཌི་ཀེ་རི་ (Banglore-Medikeri) བར་གྱི་འགྲུལ་བཞུད་དུས་ཚོད་ཧ་ཅང་ཉུང་དུ་གཏོང་རྒྱུ་དང་འཚང་ཁ་ཆུང་དུ་གཏོང་རྒྱུ་དེ་ཡིན་པར་བཤད།

ལོ་སོ་དྲུག་རིང་སྐྱེས་པར་བརྫུས་ཏེ་འཚོ་ལ་བསྐྱལ་བའི་ཏ་མིལ་གྱི་བུད་མེད་ཅིག

ཁུངས། རྒྱ་གར་ཚགས་པ། (New Indian Express)

ལོ་སོ་དྲུག་རིང་སྐྱེས་པར་བརྫུས་ཏེ་འཚོ་ལ་བསྐྱལ་བའི་ཏ་མིལ་(TN)གྱི་བུད་མེད་ཅིག་གིས་ཉེ་ཆར་རོགས་རམ་འཚོལ་བ། བུ་མོ་ཤན་མུ་ག་སུན་ད་རི་ (Shanmugasundari) ད་ལྟ་གཉེན་སྒྲིག་བྱས་ཟིན་ནའང་། ཨ་མ་པེཏྕི་ཅི་ཨམ་མལ་(Petchiammal) གྱིས་ཁོ་མོའི་ཆས་གོས་བརྗེ་སྒྱུར་བྱེད་པར་གྲ་སྒྲིག་མེད་པར་བཤད།

གནས་ཚུལ་གྱི་སྙིང་དོན།

རྒྱ་གར་ཏ་མིལ་ན་དུའི་གྲོང་རྡལ་ཐཽ་ཐུ་ཀུ་དི་ (Thoothukudi) ནས་ཡིན་པའི་བུད་མེད་པེཏ་ཅི་ཨམྨལ་ (S. Petchiammal) གྱིས་བུད་མེད་ལོ་ན་ 57 ཅན་ཞིག་གིས་ལོ་ 36 རིང་རང་ཉིད་ཀྱི་བུ་མོ་གསོ་སྐྱོང་བདེ་ལེགས་ཡོང་ཆེད་སྐྱེས་པའི་རྣམ་པར་བརྫུས་ནས་འཚོ་བ་བསྐྱལ་ཡོད་པ་རེད། དེ་ཡང་ཁོ་མོས་"ཕོ་དབང་རིང་ལུགས་ཀྱི་སྤྱི་ཚོགས་ནང་ཁོ་མོའི་བུ་མོ་གཅིག་པུ་དེ་ཉེན་མེད་ངང་གསོ་སྐྱོང་བྱེད་པའི་ཆེད་དུ་ཡིན་"ཞེས་བཤད། ཁོ་མོ་ནི་ཐཽ་ཐུ་ཀུ་དི་ནི་གྲོང་རྡལ་ནི་སྤྱི་ལེ་ 30 ལྷག་ཙམ་གྱི་སར་ཡོད་པའི་ཀཏྟུ་ན་ཡ་ཀན་པཏྟི་ (Kattunayakanpatti) གྲོང་ཚོ་ནས་ཡིན་འདུག་ལ། སྐབས་དེར་ཁོ་མོའི་ཁྱོ་ག་གློ་བུར་དུ་འདས་རྗེས་ཁོ་མོ'མུ་ཐུ་ (Muthu) སུ་ཞེས་པའི་སྐྱེས་པ་ཞིག་གི་ངོ་བོར་འགྱུར་དགོས་བྱུང་བ་རེད།

པེཏ་ཅི་ཨམྨལ་གྱིས་དྲན་གསོ་བྱེད་བཞིན་"ངས་གཉེན་སྒྲིག་བྱས་ནས་ཉིན་ 15 ལས་མ་འགོར་བར་ངའི་ཁྱོ་ག་སི་ཝ་འདས་གྲོང་དུ་སོང་ལ་སྐབས་དེར་ང་ལོ་ 20 ཡིན། མི་འགྱངས་བར་ང་ལ་བུ་མོ་ཤན་མུ་ག་སུན་དྷ་རི་ (Shanmugasundari) བཙས། ངས་གཉེན་བསྐྱར་སྒྲིག་མི་བྱེད་པར་ཐག་བཅད། འོན་ཀྱང་ང་གཙིག་པུས་ཕྲུ་གུ་གསོ་སྐྱོང་བྱེད་རྒྱུ་དེ་ཧ་ཅང་དཀའ་བ་སྟེ། སྐབས་དེར་ངས་འཛུགས་སྐྲུན་ས་ཚིགས་དང་། མགྲོན་ཁང་། ཇ་ཁང་བཅས་སུ་ལས་ཀ་བྱས་པ་ཡིན། འོན་ཀྱང་། ས་ཆ་དེ་ཚོ་ཚང་མ་ནས་ང་ལ་ཆགས་སྲེད་དང་འབྲེལ་བའི་བརྙས་བཅོས་རབས་དང་རིམ་པར་བྱུང་།" ཞེས་བཤད།

སྐྱེས་པའི་རྣམ་པར་བརྫུས་པའི་གནས་ཚུལ།

ཁོ་མོར་ཆགས་སྲེད་ཀྱི་བརྙས་བཅོས་དང་དཀའ་ངལ་དུ་མ་རིམ་པར་ཕྲད་རྐྱེན། པེཏ་ཆི་ཡམ་མལ་གྱིས་ཏི་རུ་ཆེན་དུར་མུ་རུ་གན་ལྷ་ཁང་ (Tiruchendur Murugan Temple) དུ་ཕྱིན་ནས་བུད་མེད་ཀྱི་གྱོན་ཆས་དག་སྟོད་ཐུང་དང་ལུང་གི་ (shirts & Lungi) རུ་བརྗེས་ཤིང་མིང་"ཡང་མུ་ཐུ་"ཞེས་སྐྱེས་པའི་མིང་ཞིག་ཏུ་བསྒྱུར། ཡང་ཁོ་མོས། "ལོ་ 20 ལྷག་གི་སྔོན་ལ་ང་ཚོ་ས་གནས་ཀཏྟུ་ན་ཡཀྐན་པ་ཏྟི་ (Kattunayakkanpatti) ལ་གནས་སྤོས་ནས་གཞིས་བཟུང་། ངའི་ནང་མི་ཉེ་འབྲེལ་ཚོ་དང་ངའི་བུ་མོ་གཉིས་ཀྱིས་མ་གཏོགས་ང་བུད་མེད་ཡིན་པ་མི་གཞན་སུས་ཀྱང་ཤེས་"ཟེར།

ད་ལྟ་བུ་མོ་ཤན་མུ་ག་སུན་ད་རི་གཉེན་སྒྲིག་བྱས་ཟིན་ནའང་། ཨ་མ་པེཏ་ཅི་ཨམ་མལ་གྱིས་ཁོ་མོའི་ཕོ་ཡི་གྱོན་ཆས་དེ་བརྗེ་སྒྱུར་བྱེད་པར་གྲ་སྒྲིག་མེད་པ་དང་། དེའི་རྒྱུ་མཚན་བཤད་དོན། "ཆ་ལུགས་འདིས་ངའི་བུ་མོར་ཉེན་མེད་ཀྱི་འཚོ་བ་ཞིག་འགན་ལེན་བྱས་སོང་། ང་མ་ཤི་བར་དུ་མུ་ཐུ་ཞེས་པའི་མིང་ཐོག་རང་དུ་གནས་རྒྱུ་ཡིན།" ཞེས་བཤད། ཁོ་མོའི་ཨ་དྷཱར་བྱང་བུ་ (Aadhaar card) དང་། ཟ་འབྲུའི་བྱང་བུ་ (ration card) ། འོས་ཤོག་བྱང་བུ་ (voter ID) བཅས་ཀྱི་ནང་ཁོ་མོ་སྐྱེས་པ་ཡིན་པར་བཀོད་ཡོད།

རོགས་རམ་འཚོལ་བ།

ད་ཆ་པེཏ་ཅི་ཨམ་མལ་གྱིས་དཀའ་ཚེགས་ཆེ་བའི་ལས་ཀ་བྱེད་མི་ཐུབ་པར་བརྟེན། མོས་ལོ་གཅིག་གི་སྔོན་ལ་བུད་མེད་ཀྱི་ངོ་བོའི་ཐོག་ (on a female identity) ལ་ཨེམ་ཇི་ཨེན་ཨར་ཨི་ཇི་ཨེསེ་ (MGNREGS) ལས་ཀའི་བྱང་བུ་ཞིག་བླངས་པ་རེད། མོས་བཤད་དོན། "ང་རང་ཉིད་ལ་དབང་བའི་ཁང་པ་མེད་ལ་གསོག་དངུལ་ཀྱང་མེད། ཡུག་སའི་ལག་ཁྱེར་ཡང་ཞུ་ཐབས་མེད་རྐྱེན། ངས་གཞུང་ལ་ང་ལ་དངུལ་དངོས་ཀྱི་རོགས་སྐྱོར་གནང་རོགས་ཞུ་རྒྱུ་ཡིན།" ཞེས་བཤད། ས་གནས་སྒྲིག་འཛིན་པ་ཌོག་ཊར་ཀེ་སེན་ཐིལ་རཱཇ་ (Dr. K. Senthil, Raj) ལགས་ཀྱིས་པེཏ་ཅི་ཨམ་མལ་ལ་སྤྱི་ཚོགས་བདེ་དོན་གྱི་ལས་འཆར་གང་ཡང་རུང་ཞིག་གི་འོག་ནས་རོགས་སྐྱོར་ཐུབ་མིན་བརྟག་དཔྱད་བྱ་རྒྱུ་ཡིན་ཞེས་བཤད་ཡོད།

སྤྱི་ལོ་༢༠༢༥་ལོའི་ནོ་བེལ་ཞི་བདེའི་གཟེངས་རྟགས།

སྤྱི་ལོ་༢༠༢༥་ལོའི་ནོར་ཝེ་ནོ་བེལ་ཚོགས་ཆུང་གིས་འདི་ལོའི་ནོ་བེལ་ཞི་བདེའི་གཟེངས་རྟགས་དེ་ཝེ་ནི་ཛུ་ཝེ་ལའི་བུད་མེད་མ་རི་ཡ་ཀོ་རི་ན་མ་ཆ་ཌོ་ (Maria Corina Machado) ལགས་སུ་འབུལ་རྒྱུའི་ཐག་གཅོད་གནང་ཡོད་པ་དང་། མོའི་བྱས་རྗེས་ནི་ཝེ་ནི་ཛུ་ལའི་རྒྱལ་ཁབ་ཏུ་དབང་ཆ་གཅིག་སྡུད་ལམ་ལུགས་ལ་ཁ་གཏད་དུ་ལངས་ཏེ། དྲང་བདེན་དང་ཞི་བདེའི་ལམ་ནས་ཡང་དག་པའི་དམངས་གཙོའི་ལམ་ལུགས་འཛུགས་པར་འབད་བརྩོན་དང་ནུས་པ་ཤུགས་ཆེར་བཏོན་ཡོད་པ་རེད།

ཀིམ་སའེ་རོན་གྱི་གནས་ཚུལ་གསར་པ། Kim Sae ron

ང་རང་དགའ་བའི་ཀིམ་སའེ་རོན་གྱི་གནས་ཚུལ་གསར་པ། 

ཕྱི་ལོ་༢༠༢༢་ལོར་གློག་བརྙན་འཁྲབ་སྟོན་མ་ཀིམ་སའེ་རོན་གྱིས་ཆང་རག་བཏུང་ནས་རླངས་འཁོར་བཏང་བའི་དོན་རྐྱེན་བྱུང་རྗེས་ལོ་གཉིས་རིང་འཁྲབ་སྟོན་ལས་ཕྱིར་འཐེན་བྱས་ཀྱང་། ཉེ་བའི་ཆར་ཁོང་མོ་ཡང་བསྐྱར་འཁྲབ་སྟོན་ནང་ཕྱིར་ལོག་ཐུབ་ཡོད། དེ་ཡང་མ་དངུལ་གྱི་ཚད་དམའ་བའི་གློག་བརྙན་“སྒྲ་སྙན་འཛིན་མཁན་” (Guitar Man) ཞེས་པ་ཞིག་གི་ནང་འཁྲབ་སྟོན་བྱེད་བཞིན་པ་མཐོང་རྒྱུ་ཡོད་པ་དང་། གློག་བརྙན་འདི་ཤིན་ཇའེ་ཧོ་ཡིས་བཟོ་སྐྲུན་བྱས་པ་ཞིག་རེད། འདི་ནི་མོ་ལ་དོན་རྐྱེན་བྱུང་རྗེས་མོའི་འཁྲབ་སྟོན་གལ་ཆེ་ཤོས་དང་པོ་དེ་ཆགས་ཡོད་ལ། དོན་རྐྱེན་དེའི་སྐབས་སུ་མོ་ལ་མི་མང་གི་སྐྱོན་བརྗོད་ཚབས་ཆེན་ཞིག་ཕོག་ཡོད། མོ་གློག་བརྙན་ལས་རིགས་ལ་ཕྱིར་ལོག་བྱས་རྒྱབ་རྗེས་འབྲང་པ་དང་མི་མང་གི་ཁྲོད་དུ་བསམ་ཚུལ་འདྲ་མིན་སྣ་ཚོགས་འབྱུང་བཞིན་ཡོད་པ་སྟེ། འགའ་ཞིག་གིས་མོ་ཕྱིར་ལོག་པ་ལ་དགའ་སྣང་བྱེད་བཞིན་པ་དང་ཕྱོགས་མཚུངས་གཞན་དག་གིས་སྔོན་གྱི་རྙོག་གྲ་དེ་ལ་བརྟེན་ནས་ད་དུང་ཡང་སྐྱོན་བརྗོད་བྱེད་བཞིན་ཡོད།

ཇམ་མུ་དང་ཀཤྨིར་འཇིགས་སྐུལ་རིང་ལུགས་པ་བཞི་བསད་པ།

དེ་རིང་ཇམ་མུ་དང་ཀཤྨིར་ས་གནས་སུ་འཇིགས་སྐུལ་རིང་ལུགས་པ་བཞི་བསད་པ་དེ་དག་འཆའ་སྒམ་རྫུན་མའི་ཡིབ་ཁང་དུ་སྦས་ནས་ཡོང་ཡོད་པ་རེད། དེ་ཡང་ད་ལན་བསད་པའི་འཇིགས་སྐུལ་རིང་ལུགས་པ་ཚང་མ་ཧི་ཛི་བྷུལ་་མུ་ཇ་ཧི་ཌིན་ (Hizbul Mujahideen) ཞེས་པའི་ཚོགས་པ་དང་འབྲེལ་བ་ཡོད་ཅིང་དེའི་ཁྲོད་ནས་གཅིག་ནི་ཧི་ཛི་བྷུལ་གྱི་ས་གནས་དམག་དཔོན་ཡིན་པར་བཤད།
དེ་ཡང་རེས་གཟའ་སྤེན་པའི་དགོང་མོ་ཆིན་ནི་གམ་དུ་གདོང་ཐུག་བྱུང་ནས་བསད་པའི་འཇིགས་སྐུལ་རིང་ལུགས་པ་བཞི་པོ་དག་དེ་སྔོན་ཇམྨུ་དང་ཀཤྨིར་གྱི་ཀུལ་གམ་རྫོང་ཁོངས་ཀྱི་ཆིན་ནི་གམ་ཧྥི་རི་སལ་ཞེས་པར་གསང་ཡིབ་བྱས་ཏེ་བསྡད་ཡོད་པ་རེད། གཞུང་འབྲེལ་མི་སྣ་ཞིས་གིས་“ཁོང་ཚོས་ཨལ་མི་རཱ་ཡི་(འཆའ་སྒམ་)ནང་དུ་ཡིབ་ཁང་ཞིག་བཟོས་འདུག་”ཅེས་བརྗོད། ད་ལྟ་ས་གནས་མི་མང་གིས་འཇིགས་སྐུལ་རིང་ལུགས་པ་ཚོར་རོགས་སྐྱོར་བྱས་ཡོད་མེད་ལ་ཞི་བ་བཤེར་བྱེད་བཞིན་ཡོད་རེད། ཡང་གདོང་ཐུག་དེའི་ཁྲོད་དང་པོ་མ་ཌེར་གྷམ་ལ་གཅིག་དང་དེ་ནས་ཆི་ནི་གམ་དུ་གཅིག་བཅས་རྒྱ་གར་དམག་མི་གཉིས་ཀྱི་ཚེ་སྲོག་ཤོར་ཡོད་པ་རེད།

འུར་འདྲོག་རྡོག་བརྫིས།

རྒྱ་གར་བྱང་ཕྱོགས་མངའ་སྡེའི་ཧཐ་རས་ (Hathras) རྫོང་དུ་ཆོས་ཀྱི་འདུ་ཚོགས་ཤིག་ལ་མི་མང་གིས་རྡོག་བརྫིས་བཏང་སྟེ་མི་གྲངས་ ༡༢༡ བསད་པ་ཡོད་པ་དང་མི་མང་ཤོས་བུད་མེད་ཡིན་པ་རེད། དེ་ཡང་སྐུ་ཞབས་ས་ཏྱེ་དྲ་ཡ་དབ་ལ་“ས་ཙང་”“སྟེ་རོགས་པ་གྱིས་དང་”ཞེས་ཁོས་ཆུང་མས་ཁ་པར་ནས་བོས་རྗེས། དེ་མ་ཐག་ཁོ་རང་རླངས་འཁོར་ཕྱོགས་སུ་རྒྱུགས། སྐབས་དེར་ཁོ་ཚོའི་ལོ་གསུམ་ཅན་གྱི་བུ་ཆོ་ཊ་སྐར་མ་ཁ་ཤས་སྔོན་ལ་བྱུང་བའི་མི་མང་འུར་འདྲོག་ཁྲོད་རྡོག་བརྫིས་ཐེབས་ནས་གྲོངས་ཟིན་ཡོད་པ་རེད།

དེ་ཡང་། རྒྱལ་ས་ལྡི་ལི་ནས་ཡོང་བའི་ལོ་ ༢༩ ཅན་གྱི་ཁ་ལོ་བ་དེ་ཁོང་གི་ནང་མི་ཨ་མ་དང་ཨ་ཅག་གཉིས་བཅས་མཉམ་དུ་འདིར་འབྱོར་ཡོད། ལས་རིམ་མཇུག་མ་བསྒྲིལ་གོང་དུ་ཡ་ཌབ་ཀྱིས་ཁོང་གི་ཨ་མ་དང་བུ་རྒན་པ་མ་ཡན་ཀ་(༤)དང་མཉམ་དུ་རང་གི་འཁོར་གསུམ་རླངས་འཁོར་གྱི་ཕྱོགས་སུ་བསྐྱོད། ང་ཚོ་རླངས་འཁོར་འགྲམ་དུ་འབྱོར་སྐབས་ངའི་བཟའ་ཟླས་ཁ་པར་ནས། “པི་ལུ་ཨ་ཐཱ་ནེ་ཨཱ་ཇཱཱ་འོ། ཆོ་ཊ་༼ཆུང་ཆུང་༽ཁ་ཏམ་ཧོ་ག་ཡཱ་ཧེ།” ཞེས་པ་སྟེ། “ཉེན་རྟོག་ཁང་ལ་ཤོག་དང་། ཆོ་ཊ་མེད་པ་བྱས་སོང་།” ཞེས་བཤད་བྱུང་ཞེས་ཡ་དབ་ཀྱིས་བཤད།

ཡ་ཌབ་ཀྱི་བུ་རོ་ཝིན་ད་སྐབས་ལོ་གསུམ་ལོན་ཡོད་ཅིང་ནང་མི་ཚོས་ཁོ་ལ་གཅེས་མིང་དུ་“ཆོ་ཊ་”ཞེས་འབོད་ཀྱི་ཡོད། ད་ལན་ཁོང་ནི་གཟའ་མིག་དམར་ཉིན་གྱི་དོན་རྐྱེན་ཁྲོད་ཤི་བའི་མི་གྲངས་ ༡༢༡ གི་གྲས་སུ་ཚུད་ཡོད་པ་རེད་ལ། དེ་དང་འདྲ་བར་ཡིད་སྐྱོ་བའི་དོན་རྐྱེན་དེའི་ཁྲོད་ཕྲུ་གུ་ཤོར་བའི་ཁྱིམ་ཚང་དུ་མ་ཡོད་པ་རེད། ཞེས་སོགས་འཁོད།

ར་ཤི་ཡ་འི་ལྷོ་ཕྱོགས་སུ་ཡེ་ཤུའི་ལྷ་ཁང་དང་ཡེ་ཤུའི་འདུ་ཁང་ལ་རྒོལ་རྡུང་ཐེབས་པས་མི་བཅུ་དགུ་འདས་གྲོངས་སུ་ཕྱིན།

ར་ཤི་ཡའི་བྱང་ཕྱོགས་ད་ག་སི་ཊན་སྤྱི་མཐུན་རྒྱལ་ཕྲན་ཀོ་སེ་ཀེ་སི་ (Russia's North Caucasus republic of Dagestan) ཡི་ཉེན་རྟོག་ལས་ཁུངས་དང་། ཡེ་ཤུའི་ལྷ་ཁང་། ཡ་ཧུ་དཱ་པའི་ལྷ་ཁང་བཅས་ལ་དྲག་རྒོལ་བྱས་པར་བརྟེན་མི་བཅུ་དགུ་དང་མེ་མདའ་ཅན་ལྔ་ལ་ཤི་རྨས་བྱུང་ཡོད། དེ་ཡང་རེས་གཟའ་ཉི་མའི་དགོང་དྲོར་དྲག་རྒོལ་ཕོག་རྗེས་ཉུང་མཐར་ཡང་མི་བཅུ་དྲུག་ལ་རྨས་སྐྱོན་ཕོག་སྟེ་སྨན་ཁང་དུ་བསྐྱལ་ཡོད་འདུག་ཅིང་། ཁྱིམ་མཚེས་རྒྱལ་ཁབ་ཅེ་ཅི་ནཱའི་ (Chechnya) ཉེ་འགྲམ་ར་ཤི་ཡའི་ལྷོ་ཕྱོགས་སུ་ཆགས་པའི་ཁ་ཆེའི་ཆོས་ལུགས་ཀྱི་སྤྱི་མཐུན་རྒྱལ་ཕྲན་ད་ག་སི་ཊན་ནང་ཉིན་གསུམ་རིང་མྱ་ངན་བྱེད་རྒྱུའི་ཁྱབ་བསྒྲགས་བྱས་ཡོད་པ་རེད།

མངོན་གསལ་དོད་པའི་ཁོང་ཚོས་མཉམ་སྦྲེལ་གྱི་དྲག་རྒོལ་དེ་ཨོར་ཐོ་ཌོག་སི་ (Orthodox) ཆོས་བརྒྱུད་ཀྱི་གལ་ཆེའི་དུས་ཆེན་པེན་ཏེ་ཁོ་སི་ཌི་ (Pentecost) དང་བསྟུན་ཏེ་ཌེར་བེན་ཊི་དང་མ་ཁ་ཆི་ཀ་ལའི་ (Derbent and Makhachkala) གྲོང་ཁྱེར་གཉིས་ལ་དམིགས་འབེན་བཟུང་ཡོད་པ་དང་། དེ་ཚོའི་ཁྲོད་དུ་ཨོར་ཐོ་ཌོག་སི་ཆོས་ལུགས་ཀྱི་མཆོད་དཔོན་ཞིག་ཀྱང་བསད་ཡོད། ཕྱིས་སུ་ཤེས་རྟོགས་བྱུང་བར་བཞིགས་ན། ཁོང་ནི་ཌ་ག་སི་ཊན་གྱི་སྤྱི་མཐུན་རྒྱལ་ཕྲན་གྱི་འགོ་ཁྲིད་སེར་ཇེའེ་མེ་ལི་ཀོབ་ (Sergei Melikov) ཡིན་ཞིང་། ཡེ་ཤུའི་ཆོས་མཆོད་ཁང་དུ་ཆོས་མིང་ནི་ཀོ་ལཱི་་ཀི་ཀོ་ཊེལ་ནི་ཀོབ་ (Nikolai Kotelnikov) ཟེར་འབོད་པ་དང་། ཁོང་གིས་ཌེར་བེན་ཊི་རུ་མི་ལོ་བཞི་བཅུ་ལྷག་གི་རིང་ཞབས་ཞུ་བསྒྲུབས་ཡོད་པ་རེད།

གཟའ་ཉི་མའི་དགོང་མོར་རྒྱུན་མཐུད་དྲག་རྒོལ་གྱི་བྱ་སྤྱོད་ལ། མེ་མདའ་ཐོགས་པའི་དྲག་སྤྱོད་པ་ཁག་གཅིག་ཌར་བྷེན་ཊི་གྲོང་ཁྱེར་གྱི་ཡེ་ཤུའི་ལྷ་ཁང་ཞིག་དང་གནའ་བོའི་འཇིའུ་ཆོས་ལུགས་ཀྱི་མཆོད་ཁང་ཞིག་ཏུ་དྲག་རྒོལ་བྱས་ཤིང་། དེ་ཡང་ད་གེ་སི་ཏན་གྱི་གྲོང་ཁྱེར་ཆེ་ཤོས་མ་ཁ་ཆི་ཀ་ལ་བརྟེན་གཞི་བྱས་པའི་ཡེ་ཤུའི་ལྷ་ཁང་ཞིག་དང་འཇུ་འུ་ཡི་ཆོས་ཁང་དང་ཉེ་བའི་ཉེན་རྟོག་པའི་ལྟེ་གནས་ཤིག་ལ་ཡང་དྲག་རྒོལ་བྱས་ཡོད། སྤྱི་ཚོགས་དྲ་རྒྱའི་སྟེང་དུ་སྤེལ་བའི་བརྙན་རིས་ནང་མྱུར་སྐྱོབ་ཉེན་རྟོག་རུ་ཁག་མ་སླེབས་གོང་། གོས་ནག་གྱོན་པའི་མི་ཁ་ཤས་ཀྱིས་མ་ཁ་ཆི་ཀ་ལའི་ཉེན་རྟོག་པའི་རླངས་འཁོར་ལ་མེ་མདའ་རྒྱག་བཞིན་པ་མཐོང་ཐུབ་པར་བཤད། དོན་དངོས་ཐོག་སྔོན་ཆད་ནས་ཌ་གྷ་སི་ཊན་ནི་ཁ་ཆེའི་དྲག་རྒོལ་གྱི་དམིགས་ཡུལ་ཞིག་ཏུ་གྱུར་ཟིན་པར་བཤད། 

ར་ཤིཡའི་གཞུང་འབྲེལ་གསལ་བསྒྲགས་ཡོངས་ཁྱབ་མ་བྱས་ཀྱང་། མེ་མདའ་ཅན་གྱི་དྲག་རྒོལ་བ་དེ་ཚོའི་ཁྲོད་དུ་སེར་གྷོ་ཀ་ལ་ (Sergokala) རྫོང་དཔོན་མཱ་གྷོ་མེ་ཌི་ཨོ་མཱ་རོབ་ (Magomed Omarov) ཀྱི་བུ་གཉིས་ཡོད་པས། ཁོ་པ་ལ་ད་ལྟ་འདྲི་རྩད་བྱེད་ཀྱིན་ཡོད་པར་གྲགས།

གང་ལྟར་ཡང། སྤྱི་ཚོགས་དྲྭ་བ་ཊེ་ལེ་ག་རམ་ (Telegram) ལ་སྤེལ་བའི་བརྙན་འཕྲིན་ཞིག་གི་ནང་། སྐུ་ཞབས་མེ་ལི་ཀོབ་ར་ཤི་ཡས་འཛུལ་དམག་འཁྲུག་ནང་ཞུགས་ཡོད་པ་དང་། མ་ཟད་ད་གེ་སི་ཊན་ཡང་ར་ཡུལ་དམག་འཁྲུག་ནང་ཐད་ཀར་ཞུགས་ཡོད་པ་ཤུགས་སུ་བསྟན་ཡོད་པར་བཤད། སོགས་རྒྱ་ཆེར་འཁོད་ཡོད།

By Henri Astier and Laura Gozzi, BBC News 

ཀུ་ཝཻ་ཏི་ (Kuwait) རུ་རྒྱ་གར་བ་ཞེ་ལྔ་མེས་ཚིག་པ།

བྷི་བྷི་སི་གསར་འགྱུར། BBC

རྒྱ་གར་གྱིས་ཀུ་ཝཻ་ཏི་ (Kuwait) ནས་ལས་མི་བཞི་བཅུ་ཞེ་ལྔའི་ཕུང་པོ་ཕྱིར་ཁྱེར་ཡོང་བ། རྒྱ་གར་གནམ་དམག་སྡེ་ཚན་གྱི་གནམ་གྲུ་ཞིག་གིས་ཀུ་ཝཻ་ཏི་ནས་མེ་སྐྱོན་གྱིས་ཤི་བའི་རྒྱ་གར་ལས་བཟོ་པ་བཞི་བཅུ་ཞེ་ལྔའི་ཕུང་པོ་ཕྱིར་ཁྱེར་ཡོད་པ་རེད། དོན་རྐྱེན་དེ་ནི་རེས་གཟའ་ལྷག་པའི་ཉིན་རྒྱ་གར་གྱི་ལས་བཟོ་པ་ཆིག་སྟོང་བདུན་བརྒྱ་བདུན་ཅུ་དོན་དྲུག་སྡོད་སའི་མངྒ་ཧྥི་ (Mangaf) གྲོང་ཁྱེར་གྱི་སྡོད་ཁང་ཞིག་ཏུ་བྱུང་ཡོད་པ་རེད། 

    ཀུ་ཝཻ་ཏིའི་འགོ་ཁྲིད་ནས་མེ་སྐྱོན་དེའི་ཁྲོད་རྒྱ་གར་ནས་ཡིན་པའི་མི་བཞི་བཅུ་ཞེ་ལྔ་དང་། ཧྥི་ལི་ཕིན་རྒྱལ་ཁབ་ནས་ཡིན་པའི་མི་གསུམ་བཅས་ཁྱོན་མི་ལྔ་བཅུ་ལྷག་ལ་ཤི་སྐྱོན་བྱུང་ཡོད་པ་རེད་ཅེས་དང་། དེ་ཚོའི་ཁྲོད་ནས་ཕུང་པོ་གཉིས་ད་དུང་ངོས་འཛིན་བྱེད་ཐུབ་མེད་པ་དང་། མེ་སྐྱོན་ཕོག་པའི་མི་བཅུ་ཕྲག་ཁ་ཤས་དེ་དག་ལས་མང་ཤོས་རྒྱ་གར་བ་ཡིན་ཚུལ་བཤད་ཡོད་པ་རེད། 

    སྤྱིར་ཀུ་ཝཻ་ཏིའི་མི་འབོར་གྱི་གསུམ་ཆ་གཉིས་ནི་ཕྱི་རྒྱལ་ནས་ཡོངས་བའི་ལས་མི་དག་ཡིན་ཞིང་། རྒྱལ་ཁབ་འདི་གནས་སྤོ་བྱེད་པ་སོགས་ནང་ཁུལ་གྱི་ལས་ཀ་མང་པོ་ཞིག་ཡུལ་གཞན་ནས་འོངས་བའི་ལས་མི་ལ་ཤུགས་ཆེན་བརྟེན་ཡོད་པ་དང། དམིགས་བསལ་དུ་ཁང་པ་འཛུགས་སྐྲུན་དང་ཁྱིམ་ཚང་ལས་རིགས་སོགས་ནི་ཕྱི་མི་བཟོ་པ་རྣམས་ལ་ཤུགས་ཆེན་བརྟེན་ཡོད་པ་དང། ཡང་འགྲོ་བ་མིའི་ཐོབ་ཐང་སྲུང་སྐྱོབ་ཚོགས་པས་ཁོ་ཚོའི་འཚོ་བའི་གནས་སྟངས་ལ་སེམས་ཁྲལ་རྒྱུན་མར་བྱེད་བཞིན་ཡོད་ཅེས་བཤད་ཡོད་པ་རེད། 

    དོན་རྐྱེན་འདི་བྱུང་རྗེས་རྒྱ་གར་གྱི་བློན་ཆེན་ཀིརྟི་ཝར་དྷན་སིཾ་ལགས་ (Kirti Vardhan Singh) ཀྱིས་ཀུ་ཝཻ་ཏི་ལ་བསྐྱོད་དེ་གནོད་འཚེ་ཕོག་ཡུལ་གྱི་མི་དེ་ཚོ་སུ་དང་སུ་ཡིན་པ་ངོ་ཐག་གཅོད་པར་རྒྱུད་རྒྱུའི་ (DNA) བརྟག་དཔྱད་བྱས་ཡོད་སྐོར་བཤད།

    ཡང་ཁོང་གིས་ལྟར་ན། ལས་མི་ཤི་བའི་ཁྲོད་ནས་མི་གྲངས་ཉི་ཤུ་རྩ་གསུམ་ནི་ཀེ་ར་ལའི་མངའ་སྡེ་ནས་ཡིན་པ་དང་། བདུན་ཏ་མཱིལ་ན་དུ། གཞན་ཨནྡྲ་པྲ་དེ་ཤི། ཨུཏྟྲ་པྲ་དེ་ཤི་ནས་གསུམ་རེ་དང་། ཨོ་ཌི་ཤ་ཡ་ནས་གཉིས། བྷི་ཧར་དང་། པན་ཇབ། ཀར་ན་ཊ་ཀ མ་ཧ་ར་ཤི་ཏྲ། ནུབ་བྷང་ག ཇར་ཁཎྜ། ཧར་ཡ་ན་བཅས་ནས་རེ་རེ་བཅས་ཤི་སྐྱོན་བྱུང་ཡོད་པ་རེད། ཡང་སྐུ་ཞབས་སིཾ་ལགས་ཀྱིས། “རྒྱ་གར་གཞུང་གིས་ཕུང་པོ་ཕྱིར་ལེན་ཆེད་དམིགས་བསལ་གནམ་གྲུ་ཞིག་བཀོད་སྒྲིག་བྱས་ཡོད་”ཅེས་གསུངས།

    གནམ་གྲུ་དེ་རེས་གཟའ་པ་སངས་ཀྱི་ཞོགས་པ་ཀེ་ར་ལའི་གྲོང་ཁྱེར་ཀོ་ཆི་རུ་བབས་པ་དང་། དེ་ནས་རྒྱ་གར་ལྷོ་ཕྱོགས་ཀྱི་མངའ་སྡེ་ཁག་གི་ལས་མི་རྣམས་ཀྱི་ཕུང་པོ་གཞུང་ལ་སྤྲད་རིམ་བཞིན་མུ་མཐུད་ལྡི་ལིར་འབྱོར། སྐབས་དེར་ཀེ་ར་ལའི་སྲིད་བློན་པི་ན་རཱ་ཡེ་ཝི་ཇཱན་ (Pinarayi Vijayan) དང་། མངའ་སྡེའི་ཁྲིམས་བཟོ་བ་རྣམས་གནམ་ཐང་དུ་སྐུ་ཕུང་རྣམས་བསུ་བར་བཅར་ཏེ་གུས་འདུད་ཞུས་ཡོད་པ་རེད།

སྐུ་ཞབས་ཝི་ཇ་ཡན་གྱིས་གནས་ཚུལ་འདི་ང་ཚོའི་རྒྱལ་ཁབ་ལ་ཆག་སྒོ་ཆེན་པོ་ཞིག་ཡིན་པ་དང་། ཀེ་ར་ལའི་ལས་མི་རྣམས་ང་ཚོའི་རྒྱལ་ཁབ་ཀྱི་སྲོག་རྩ་ཡིན་པ་དང། ད་ལན་ཀུ་ཝེ་ཏིའི་མེ་སྐྱོན་དེས་ང་ཚོའི་སྤྱི་ཚོགས་ལ་ཆག་སྒོ་ཆེ་ཤོས་དེ་བྱུང་བ་དང་། མེ་སྐྱོན་གྱི་རྐྱེན་པས་ཚེ་སྲོག་ཤོར་བའི་ཁྱིམ་མི་ཚོར་མངའ་སྡེ་དང་རྒྱལ་ཡོངས་སྲིད་གཞུང་གིས་གུན་གསབ་སྤྲོད་རྒྱུའི་གསལ་བསྒྲགས་བྱས་ཡོད།

    ཀུ་ཝེ་ཏི་གཞུང་ཕྱོགས་ནས་རྒྱལ་ཁབ་འདིའི་ནང་དུ་ཕྱི་རྒྱལ་ལས་མི་སྡོད་སའི་ཁང་པ་འགའ་ཤས་ལ་བདེ་འཇགས་ཡོད་མེད་སོགས་རྟོག་ཞིབ་བྱེད་བཞིན་ཡོད་ཅེས་དང། ཨ་རབ་ཀྱི་དུས་བབ་ཚགས་པར་གྱིས་བརྗོད་པ་ལྟར་ན། འགན་འཛིན་པས་བརྟག་དཔྱད་བྱས་པ་ལྟར་ན་མེ་སྐྱོན་དེ་ཐོག་བརྩེགས་དྲུག་ཅན་གྱི་ཁང་པ་དེའི་འོག་ཁང་གི་བདེ་སྲུང་བའི་ཁང་པ་ཨང་གཉིས་པའི་གློག་གི་གློག་སྐུད་ཐུང་ཐུང་ཞིག་ཆད་པ་ལས་བྱུང་བ་ཤེས་རྟོགས་བྱུང་ཡོད་པར་བཤད།

    ཀུ་ཝཻ་ཏི་མེ་གསོད་ཚན་ཁག་གི་ལས་བྱེད་རྒན་པ་ཞིག་གིས་“གཟའ་ལྷག་པའི་ཉིན་ཁང་མིག་དང་སྡོད་ཁང་དབར་གྱི་བར་སྟོང་དུ་འབར་གས་སླ་བའི་དངོས་པོ་བཀོལ་སྤྱོད་བྱས་ཡོད་”ཅེས་བཤད་པ་དང་། ཀུ་ཝཻ་ཏི་སྤྱི་ཁྱབ་ཁྲིམས་ཞིབ་ཁང་གིས་“སྤྱི་འབངས་གཅིག་དང་ཕྱི་རྒྱལ་མི་སྣ་འགའ་ཞིག་ལ་བསམ་བཞིན་མ་ཡིན་པའི་སྒོ་ནས་མི་བསད་པ་དང་། མེའི་ཉེན་འགོག་ཐབས་ཤེས་ལག་བསྟར་མ་བྱས་པའི་འགན་འཁྲིའི་ཉེས་མིང་འོག་བཀག་ཉར་བྱས་འདུག་”ཅེས་དུས་བབ་གསར་འགྱུར་ཁང་ནས་བཤད།

    མེ་ཤོར་བའི་རྗེས་སུ། རྒྱལ་ཁབ་ཀྱི་སྲིད་བློན་གཞོན་པ་རིམ་པ་གཉིས་པ་ཤཱི་ཡེ་ཧྥ་ཧད་ཡུ་སེབ་ཨལ་ས་ཧབ་ (Sheikh Fahad Yusuf al-Sabah) ཀྱིས་“ཁང་བདག་རྣམས་འདོད་རྔམ་ཆེ་དྲགས་པས་ཁང་པའི་ཚད་གཞི་ལས་འགལ་བའི་རྐྱེན་གྱིས་ཆག་སྒོ་བྱུང་བ་རེད་ཅེས་བཤད།

རོ་སྒམ་ནང་གི་ལྐོག་གྱུར་གྱི་དོན་རྐྱེན། In Eiffel Tower coffin mystery

BBC News Jun 3, 2024

ཕ་རན་སིའི་གསང་བའི་ལས་ཁུངས་ཀྱི་ལས་བྱེད་པ་ཚོས་ཡིད་ཆེས་བྱས་པ་ལྟར་ན། ཨུ་རུ་སུས་གཡོ་བྱུས་བྱས་ཏེ་ཕུང་པོ་བླུག་སའི་རོ་སྒམ་ལྔ་ཐམ་པ་ཨེ་ཕེལ་ལྕོགས་ (Eiffel Tower) ཀྱི་ཉེ་འགྲམ་དུ་བཞག་ཡོད་པ་དང་། རོ་སྒམ་དེ་དག་ཧྥ་རན་སིའི་རྒྱལ་དར་གྱིས་དཀྲིས་ཤིང་དེའི་ངོས་སུ་“ཡུ་ཁུ་རཱན་ལ་ཡོད་པའི་ཧྥ་རན་སིའི་དམག་མི་”ཞེས་བྲིས་ཡོད་པ་རེད།

རེས་གཟའ་སྤེན་པའི་ཉིན་གྱི་ཆུ་ཚོད་དགུ་པ་ཙམ་ལ་རླངས་འཁོར་ཆུང་བ་ཞིག་གི་ནང་མི་གསུམ་སླེབས་པ་གཞན་གྱིས་མཐོང་ཡོད་པ་དང་། མི་བཞི་པོ་དེ་དག་ཐོན་ཚར་བའི་རྗེས་སུ་རོ་སྒམ་ནང་དུ་ས་དཀར་བླུགས་པའི་རྩྭ་རས་ (sacks of plaster) ཁ་ཤས་བླུགས་ཡོད་པ་ཕྱིས་སུ་ཤེས་རྟོགས་བྱུང་ཡོད་པ་རེད།

དེ་མཚུངས་ཉེན་རྟོག་པས་རླངས་འཁོར་ཁ་ལོ་བ་དེ་མགྱོགས་མྱུར་ངང་འཛིན་བཟུང་བྱས་པ་དང་། ཁ་ལོ་བ་དེས་ཁོ་ལ་རོ་སྒམ་དབོར་འདྲེན་བྱེད་པར་མི་གཞན་གཉིས་ཀྱིས་ཡུ་རོབ་སྒོར་མོ་བཞི་བཅུ་སྤྲད་སོང་ཞེས་དང་། ཁོ་རང་བྷུལ་གྷ་རི་ཡ་ (Bulgaria) ནས་ཉིན་གཅིག་གི་སྔོན་ལ་རྒྱལ་ས་པེ་རི་སི་ལ་འབྱོར་བ་ཡིན་ཚུལ་བཤད།

དེ་རྗེས་ཉེན་རྟོག་པས་མི་གཞན་པ་དེ་གཉིས་རྒྱལ་ས་ཕེ་རི་སིའི་དབུས་ཀྱི་བྷེར་སི་ཁོ་ཆི་རླངས་འཁོར་འབབ་ཚིགས་ (Bercy coach station) ནས་འཛིན་བཟུང་བྱས་པ་དང་། སྐབས་དེར་ཁོ་གཉིས་འཇར་མན་གྱི་གྲོང་ཁྱེར་བྷེར་ལིན་ (Berlin) ལ་འགྲོ་བའི་སྤྱི་སྤྱོད་རླངས་འཁོར་དུ་འགྲོ་འཆར་བྱེད་བཞིན་ཡོད་ཚུལ་དང་། ཁོང་གཉིས་ལ་ཡང་གཞན་གྱིས་རོ་སྒམ་འཇོག་གླ་ལ་སྒོར་མོ་བཞི་བརྒྱ་སྤྲད་སོང་ཞེས་བཤད།

ཡང་ཉེན་རྟོག་པས་བཤད་པ་ལྟར་ན། ཁ་ལོ་བ་དེ་ནི་བྷུལ་གྷ་རི་ཡའི་མི་ཞིག་དང་། གཞན་གཉིས་ལས་གཅིག་ཡུ་ཁེ་རན་དང་གཞན་པ་དེ་འཇར་མན་ནས་ཡིན་པར་ངོས་ལེན་བྱས་སོང་ཞེས་བཤད།

རེས་གཟའ་ཉི་མའི་ཉིན་ཁྲིམས་དཔོན་གྱི་མདུན་དུ་ཁོང་ཚོ་ཁྲིད་ནས། ཁྲིམས་དཔོན་གྱིས་“སྔོན་ཚུད་ནས་འཆར་གཞི་བཏིངས་ཏེ་དྲག་སྤྱོད་བྱས་པའི་སྐོར་”ལ་ཁྲིམས་ཞིབ་འགོ་འཛུགས་རྒྱུ་ཡིན་པར་བཤད། སྤྱི་ཁྱབ་ཁྲིམས་དཔོན་གྱི་ལས་ཁུངས་གཉིས་པ་ནས་བཤད་པ་ལྟར་ན། ལས་བྱེད་པ་ཚོས་གནས་ཚུལ་འདི་“ཕྱི་རྒྱལ་ནས་བཀོད་སྒྲིག་”བྱས་ཡོད་མེད་བརྟག་དཔྱད་བྱེད་བཞིན་ཡོད་ཅེས་བཤད།

ཉེ་ཆར་བྱུང་བའི་དོན་རྐྱེན་གཉིས་ལ་བསམ་བློ་བཏང་ན། ཨུ་རུ་སུའི་གསང་མྱུལ་བ་རྣམས་ཀྱང་དོན་རྐྱེན་འདིའི་ནང་དུ་ཞུགས་ཡོད་སྲིད་པར་ཧྥ་རན་སིའི་ཉེན་རྟོག་པས་འདོད་ཀྱི་ཡོད་ལ། དོན་རྐྱེན་དེ་གཉིས་ཀས་མང་ཚོགས་བློ་འགུག་ཐབས་བྱས་པར་མངོན།

མི་རིང་བའི་ཟླ་བ་བཅུ་པའི་ནང་། ཧ་མ་སིས་ (Hamas) ཨི་སི་རལ་གྱི་ཐོག་ཏུ་སྔོན་ཆད་བྱུང་མྱོང་མེད་པའི་དྲག་རྒོལ་བྱས་པས། མི་ ༡༢༠༠ ཙམ་བསད་ཅིང་མི་བརྒྱ་ཕྲག་མང་པོ་བཙོན་དུ་བཟུང་། དུས་ཡུན་མི་རིང་བར་ཨི་སི་རལ་གྱི་རྒྱལ་དར་གྱི་སྐར་མ་ཟུར་དྲུག་གི་རི་མོ་ཅན་རྒྱལ་ས་ཕ་རེ་སིའི་རྩིག་གྱང་ངོས་སུ་བཀལ་བའི་དོན་རྐྱེན་བྱུང་། སྐབས་དེར་ཧྥ་རན་སི་གཞུང་ནས་མོལ་ཌོ་ཝན་ (Moldovan) བཟའ་ཚོ་གཉིས་འཛིན་བཟུང་བྱས་ཡོད་པ་དང་། ཧྥ་རན་སིའི་དཔོན་རིགས་ཚོས་བཟའ་ཚོ་དེ་གཉིས་ལ་ཨུ་རུ་སུའི་གསང་ལས་ཀྱིས་གླ་ཕོགས་སྤྲད་ཡོད་པར་ཡིད་ཆེས་བྱས་ཡོད། 

ཞེས་སོགས་འཁོད་ཡོད།

འབར་མ་དམག་གཞུང་གི་རྒྱལ་ས་དེར་མིས་བཟོས་འཕུར་མདས་གཏོར་རྒོལ་བྱས་པ།

By Jonathan Head & BBC Burmese,in Bangkok

འབར་མའི་ཕྱོགས་འགལ་བས་ཇུན་ཏ་དམག་གཞུང་གི་རྒྱལ་ས་ནས་པྱི་ཏྭ་(Nay Pyi Taw) ལ་མི་མེད་གནམ་གྲུ་གཏོར་རྒོལ་ཚབ་ཆེན་མཐོང་དཀོན་པ་ཞིག་བྱས་ཡོད་བཤད།

བྲོལ་བྱོལ་གྱི་གནས་བབ་ལ་ཡོད་པའི་མཉམ་འབྲེལ་གཞུང་གིས་བཤད་ན། མཚོན་ཆ་ཁུར་བའི་མི་མེད་གནམ་གྲུ་ཉེར་དགུ་གོ་སྒྲིག་བྱས་ཏེ་གནམ་གྲུ་བབ་ཐང་དང་། དམག་གི་རྟེན་གཞི་གཙོ་ཁག་དམིགས་འབེན་བྱས་ཡོད། ཇུན་ཏ་དམག་གཞུང་གིས་ཟེར་ན་ཁོ་ཚོས་གནམ་གྲུ་དེ་དག་ལས་བདུན་གཏོར་བའི་ཁྲོད་ནས་གཅིག་འབར་བཞིན་བྲོས་སོང་བར་བཤད། མ་ཟད་ཁོང་ཚོས་བཤད་ན་མི་ལ་གོད་ཆག་མ་བྱུང་བར་བཤད། 
དེ་སྔ་མཉམ་འབྲེལ་སྲིད་གཞུང་གི་ཨུང་སན་སུའུ་ཁུའུ་ཨེན་གྱིས་འགོ་ཁྲིད་པའི་མི་མང་བདམས་ཐོན་སྲིད་གཞུང་དེ་མཚོན་གྱི་ཡོད། སྲིད་གཞུང་དེ་ནི་ཕྱི་ལོ ༢༠༢༡ ལོར་མགོ་རྟིང་སློག་དགོས་བྱུང་བ་ཞིག་རེད། ས་ཁྱོན་ཆེན་པོ་ཞིག་ཏུ་སྟངས་འཛིན་གྱི་ནུས་པ་ཤོར་བ་ནས་བཟུང་ཕྱོགས་འགལ་ཚོགས་པས་ཇུན་ཏ་དམག་ལ་འཐབ་རྒོལ་བྱས་ཡོད། རྒྱལ་ཁབ་འདིའི་ལོ་གསུམ་རིང་གི་ནང་འཁྲུག་ཐེངས་གཉིས་པ་དེའི་ནང་མི་སྟོང་ཕྲག་མང་པོ་རྐྱེན་ལམ་དུ་བཏང་ཡོད་པ་དང་། མཉམ་འབྲེལ་རྒྱལ་ཚོགས་ཀྱིས་བཤད་པ་ལྟར་ན། མི་གྲངས་ས་ཡ ༢༦ ཙམ་གནས་སྤོ་བྱས་ཡོད། 
གཟའ་ཕུར་བུའི་ཞོགས་པར་རྒྱལ་སའི་འཇབ་རྒོལ་དེས་རྩ་འཛུགས་ལ་བློ་ཁོག་ཆེན་པོས་བཙན་འཛུལ་བྱེད་པར་འགོག་རྒོལ་བྱེད་པ་མཚོན་ཡོད་པས། ཁོ་ཚོས་དམག་གཞུང་ལ་ངོ་རྒོལ་སྔར་ལས་ནུས་ལྡན་བྱེད་བཞིན་ཡོད།
ནས་པྱི་ཏྭ་ནི་དམག་གཞུང་གི་དབང་ཆའི་ལྟེ་གནས་ཡིན་པ་དང་། དམག་གཞུང་གིས་སྲིད་དབང་བཟུང་རྗེས་ཡང་གོན་གྱི་ཚབ་ཏུ་འདི་ལ་རྒྱལ་ས་བྱས་པ་རེད། སྲུང་སྐྱོབ་ཤུགས་ཆེན་བྱེད་བཞིན་པའི་ཡུལ་འདི་ལ་མཚོན་ན། རྒྱལ་ཁབ་ཀྱི་ས་ཁུལ་གཞན་དུ་བྱུང་བའི་དམག་འཁྲུག་མང་པོ་ཞིག་ལས་གཡོལ་ཐུབ་ཡོད། གྲོང་ཁྱེར་དུ་དམག་དོན་ལྷན་ཚོགས་ཀྱིས་ལོ་འཁོར་གྱི་དམག་དཔུང་ཉིན་མོར་ལྕགས་ཁྲབ་འཁོར་ལོ་དང་། གོ་མཚོན་སྤྲས་པའི་རླངས་འཁོར། དེ་བཞིན་དམག་མི་སྟོང་ཕྲག་མང་པོས་མཚན་མོ་ཁྲོམ་སྐོར་བྱས་པ་རེད།
རེས་གཟའ་ཕུར་བུ ༢༠༠༨ ལོའི་ཟླ ༡༢ ཚེས ༢༠ ཉིན་BBC ལ་བཤད་དོན། ཁོ་ཚོས་སྔོན་ཚུད་ནས་འགོག་སྲུང་རུ་ཁག་ཁ་ཤས་དང་མཉམ་དུ་མི་མེད་གནམ་གྲུའི་ཐོག་ནས་ཕར་རྒོལ་བྱེད་རྒྱུའི་འཆར་གཞི་དང་འཐབ་བྱུས་བཟོས་ཡོད་པར་བཤད།
“མི་མེད་གནམ་གྲུས་པར་རྒོལ་བྱེད་རྒྱུ་དང་དུས་མཉམ་དུ་རྒྱལ་ས་ནས་པྱི་ཏྭ་ (Nay Pyi Taw) ལ་ཡོད་པའི་དམག་གི་རྟེན་གཞི་དང་་་་་གནམ་གྲུའི་ལྟེ་གནས་”སོགས་དམིགས་འབེན་བྱ་རྒྱུ་ཡིན་པ་མཉམ་འབྲེལ་ཚོགས་པའི་དྲུང་ཆེ་གཞོན་པ་མག་མག་སྭེ་ (Mg Mg Swe) བཤད། འཕུར་གྲུ་བཞི་གནམ་ཐང་གི་ཐད་གཞན་གསུམ་དེའི་ལྡོག་ཕྱོགས་ཟ་ཡར་ཐི་རི་གྲོང་གསེབ་ཀྱི་ཉེ་འགྲམ་དུ་གཏོར་ཡོད་པར་བཤད་པ་ལས། གཞན་དག་སྐོར་གང་ཡང་བཤད་མེད་ལ། ལོ་འདིའི་ལོ་མགོར་མཉམ་འབྲེལ་སྲིད་གཞུང་གིས་བཤད་པ་ལྟར་ན། ད་ལྟ་རྒྱལ་ཁབ་ཀྱི་ས་ཁྱོན་བརྒྱ་ཆ་དྲུག་ཅུ་ལྷག་ཙམ་འགོག་རྒོལ་དམག་དཔུང་གི་དབང་སྒྱུར་འོག་ཏུ་ཡོད་ཚུལ་སོགས་འཁོད།

པོ་ལནྜི་སྲིད་བློན་གྱིས་ཡོ་རོབ་ཡུལ་གྲུ་ཁག་ལ་ཉེན་བརྡ་བཏང་བ།

By Paul Kirby,BBC News

པོ་ལན་གྱི་སྲིད་བློན་ཌོ་ནལྜ་ཊུ་སི་ཀི་ (Donald Tusk) ཉེན་བརྡ་བཏང་དོན། ཡུ་རོབ་གླིང་དམག་འཁྲུག་དུས་རབས་སྔོན་མ་ལ་སླེབས་ཟིན་པ་དང་། གལ་སྲིད་ཨུ་རུ་སུས་ཡུག་ཁི་རན་ཕམ་ཉེས་བཏང་བ་ཡིན་ན། ཡུ་རོབ་ཀྱི་མི་སུ་ལའང་བདེ་འཇགས་ཀྱི་ཚོར་སྣང་མི་འབྱུང་མི་ཐུབ་ཅེས་བཤད་ཡོད།
"ངས་མི་སུ་ཞིག་ལ་ཡང་འཇིགས་སྣང་སྐུལ་འདོད་མེད་ཀྱང་། ད་ལྟའི་དམག་འཁྲུག་ནི་ཚོད་དཔག་ཙམ་མ་ཡིན་པར་དངོས་ཡོད་གནས་ཚུལ་ཡིན་ཞིང་། འདི་ལོ་གཉིས་ཀྱི་སྔོན་ནས་འགོ་ཚུགས་པ་རེད།" ཅེས་ཡོ་རོབ་གསར་ཁང་དུ་བཤད།
ཁོང་གི་སྐད་ཆ་འདི་དག་ལས་ར་ཤི་ཡའི་མེ་ཤུགས་འཕུར་མདའི་ཆར་རྒྱུན་དྲག་པོ་ཞིག་གིས་ཡུག་ཁི་རན་ལ་ཕབ་བཞིན་པ་དེ་མཚོན་གྱི་ཡོད། ཉེ་བའི་བདུན་ཕྲག་འགའ་ཤས་ཀྱི་རིང་ལ། ར་ཤི་ཡས་ཡུ་ཁུ་རཱན་ལ་མེ་སྒྱོགས་ཀྱི་དྲག་རྒོལ་ཤུགས་ཆེར་བྱས།
ཡུ་ཁུ་རཱན་མཁའ་དམག་དཔུང་སྡེས་བཤད་ན། ར་ཤི་ཡའི་མིས་བཟོས་འཕུར་མདའ་ ༥༨ དང་མེ་ཤུགས་འཕུར་མདའ་༢༦ གཏོར་ཡོད་ཚུལ་བཤད་ཡོད་ལ། སྲིད་བློན་ཌེ་ནས་ཤུ་མེ་ཧལ་ (Prime Minister Denys Shmyhal) གྱིས་བཤད་ན། ཨུ་རུ་སུའི་དམག་དཔུང་གིས་ཡུ་ཁུ་རཱན་གྱི་ཤར་ནུབ་དབུས་བཅས་ཀྱི་ས་ཁུལ་དྲུག་གི་དམག་དོན་ནུས་ཤུགས་ཀྱི་རྨང་གཞི་ལ་ཉམས་དམས་བཏང་ཡོད་ཚུལ་བཤད་ཡོད།
ཡུ་རོབ་གྲོས་ཚོགས་ཀྱི་ཚོགས་གཙོ་ཟུར་པ་ཊུ་སི་ཀིས། "ར་ཤི་ཡའི་སྲིད་འཛིན་ཝི་ལ་ཌི་མིར་པུ་ཏིན་ (Vladimir Putin) གྱིས་ར་ཤི་ཡའི་རྒྱལ་ས་མོ་སི་ཁོའི་ཁི་རོ་ཁེ་སི་གྲོང་ཁྱེར་གྱི་ཚོམས་ཆེན་ལ་འཇབ་རྒོལ་བྱས་པའི་སྐོར་ལ་ཁུངས་སྐྱེལ་གང་ཡང་མེད་ཀྱང་ཡུ་ཁེ་རན་ལ་ཁག་དཀྲི་བྱས་ཟིན་པས། ཡུ་ཁུ་རཱན་མི་སེར་ལ་དྲག་རྒོལ་བྱེད་ཤུགས་ཇེ་ཆེར་འགྲོ་བཞིན་པ་དེ་ལ་རྒྱུ་མཚན་ལྡན་པར་བཤད། དེ་བཞིན་ཁོང་གིས་གཟའ་འཁོར་འདིའི་སྟོད་ལ་ར་ཤི་ཡས་མྱུར་ཚད་ཆེ་བའི་མེ་ཤུགས་འཕུར་མདའ་ཞིག་ཉིན་མ་ཁ་གསལ་ངོ་གསལ་ལ་ཡུ་ཁུ་རཱན་གྱི་གྲོང་ཁྱེར་ཀྱིབ་ (Kyiv) ལ་བཙན་རྒོལ་བྱས་ཡོད་པར་བཤད།

ཁོང་གིས་ལོ་སྔོན་མའི་ལོ་མཇུག་ཏུ་ཕོ་ལན་གྱི་སྲིད་བློན་ལས་ཁུར་བསྐྱར་བཞེས་གནང་རྗེས་ཕྱི་རྒྱལ་གྱི་གསར་འགོད་པར་བཀའ་འདྲི་ཞུས་པའི་གོ་སྐབས་དེ་བེད་སྤྱད་དེ། ཡུ་རོབ་ཀྱི་འགོ་ཁྲིད་ཚོར་ཐད་ཀར་ཉེན་སྲུང་གི་སྟོབས་ཤུགས་ཆེ་རུ་གཏོང་དགོས་པའི་འབོད་སྐུལ་ཞུས་ཡོད།

ཟླ་བ་བཅུ་གཅིག་པའི་ཨ་རིའི་སྲིད་འཛིན་འོས་བསྡུ་གཉིས་པའི་སྐབས་ཇོ་བྷའི་ཌན་དང་ཌོ་ནལ་ཏྲུམ་གཉིས་རྒྱལ་ཁ་སུ་ལ་འཐོབ་མིན་མ་ལྟོས་པར། གལ་ཏེ་འཐོབ་མཁན་དེས་ཨ་རིའི་དམག་དོན་ཐོག་རང་རྐང་ཚུགས་པ་བཟོ་ཐུབ་ན། ཡོ་རོབ་ནི་ཨ་མཐུན་ཕྱོགས་སུ་འགྱུར་རྒྱུ་ཡིན་པའི་པར་བཤད།

དེ་ནི་ཡོ་རོབ་པས་ཨ་རིའི་ས་ནས་དམག་དོན་གྱི་རང་སྐྱོང་འཐོབ་རྒྱུ་དང་ན་ཊོ་ (NATO) སྒྲིག་འཛུགས་དང་འདྲ་བའི་སྒྲིག་འཛུགས་གཞན་ཞིག་འཛུགས་རྒྱུའི་ཆེད་དུ་མིན། ད་ལྟའི་ཆར་་ཕོ་ལན་ཌིས་དཔལ་འབྱོར་ཐོན་སྐྱེད་ཀྱི་བརྒྱ་ཆ་བཞི་ཙམ་རྒྱལ་སྲུང་གི་ཆེད་དུ་གཏོང་གི་ཡོད་པ་དང་། ཡུ་རོབ་རྒྱལ་ཁབ་གཞན་ཚང་མས་ཀྱང་ཡོ་རོབ་མནའ་འབྲེལ་མཐུན་ཚོགས་དང་མཉམ་དུ་རང་གི་བདེ་འཇགས་ཆེད་དུ་རྒྱལ་ཡོངས་ཐོན་སྐྱེད་ཀྱི་བརྒྱ་ཆ་གཉིས་བཏང་སྟེ། འཐབ་འཛིང་བྱེད་པའི་སེམས་ཀྱི་གྲ་སྒྲིག་ཡོད་པ་བྱ་དགོས་ཞེས་བཤད།

སྲིད་འཛིན་པུ་ཊིན་གྱིས་གཟའ་འཁོར་འདིར་ནེ་ཋོ་རྒྱལ་ཁབ་ཁག་གི་ཕྱོགས་སུ་འཁོན་སེམས་ཀྱི་ཀུན་སློང་མེད་ཅེས་བཤད་ཀྱང་། ར་ཤི་ཡས་ཡུ་ཁུ་རཱན་ལ་དམག་འཁྲུག་བརྒྱབ་ནས་བཟུང་། གྲང་དམག་སྐབས་ནས་བཟུང་ནུབ་ཕྱོགས་རྒྱལ་ཁབ་ཁག་དང་འབྲེལ་བ་ཆེས་དམའ་ཤོས་སུ་གྱུར་ཡོད་ཚུལ་བཤད་ཡོད།

མཚན་མོ་གནམ་ཐོག་ནས་དྲག་རྒོལ་ཐེངས་གཉིས་པ།

ཏ་ལི་བྷན་གྱིས་ཕ་ཁི་སི་ཐན་ལ་ཨཧྥ་གྷ་ནི་སི་ཐན་ནང་མཚན་མོ་གནམ་ཐོག་ནས་དྲག་རྒོལ་ཐེངས་གཉིས་བྱས་པའི་ཁྲོད་བུད་མེད་དང་བྱིས་པ་བརྒྱད་བསད་པའི་ཉེས་འཛུགས་བྱས་ཡོད།

ཏ་ལི་བྷན་གཞུང་གི་མགྲིན་ཚབ་པ་ཟ་བི་ཧུལླཧ་ (Zabihullah Mujahid) ཡིས། མཚན་མོའི་ཆུ་ཚོད་གསུམ་པར་པ་ཀི་སྠན་གྱི་ས་མཚམས་སུ་གནམ་ཐོག་ནས་དྲག་རྒོལ་བྱས་བྱུང་ཞེས་བཤད། པ་ཀི་སྠན་གྱིས་ད་དུང་དེའི་སྐོར་ལ་འགྲེལ་བཤད་གང་ཡང་བྱས་མེད། ཡིན་ནའང་། དེ་ནི་སྲིད་འཛིན་ཨ་སི་ཧྥི་ཨ་ལི་ཛར་དར་ (Asif Ali Zardari) གྱིས་གཟའ་སྤེན་པའི་ཉིན་སུ་ཡིན་མི་ཤེས་པའི་དྲག་སྤྱོད་པས་དམག་མི་བདུན་བསད་པའི་དོན་རྐྱེན་ལ་དྲག་ལན་སློག་རྒྱུའི་དམ་བཅའ་བཞག་པའི་རྗེས་ལ་བྱུང་བ་དང་། སྐབས་དེའི་གཟའ་ཉི་མའི་ཉིན་དམག་མི་གཉིས་ཀྱི་འདས་མཆོད་ཀྱི་མཛད་སྒོའི་སྟེང་། སྲིད་འཛིན་ཛར་ད་རིས་"ཚོགས་པ་དེ་སུ་ཡིན་མིན་དང་རྒྱལ་ཁབ་གང་ནས་ཡིན་མིན་ལ་མ་ལྟོས་པར་འཁོན་ལན་སློག་རྒྱུ་ཡིན་"པའི་སྐོར་གསུངས།

གཟའ་སྤེན་པའི་ཉིན་དམག་སྒར་ཐོག་གི་གཏོར་རྒོལ་དེ་ཨ་ཧྥུ་གྷན་གྱི་ས་མཚམས་ཐག་ཉེ་བའི་ཝ་ཛི་རི་སི་ཐན་ (Waziristan) གྱི་བྱང་ཕྱོགས་སུ་བྱུང་ཡོད། པ་ཀི་སྠན་གྱིས་བཤད་ན་གཏོར་རྒོལ་དེ་ཚོ་ཨ་ཧྥུ་གྷན་ནས་བྱས་པར་བཤད་ཀྱི་ཡོད་ལ། ཉེ་བའི་ཟླ་བ་འགའི་རིང་གཏོར་རྒོལ་ཇེ་མང་དུ་འགྲོ་བཞིན་པའི་གྲས་ཀྱི་གཅིག་ཡིན་པ་ས་གནས་སྲིད་གཞུང་གི་ལས་བྱེད་ཅིག་གིས་མིང་མི་འདོན་པར་ཨ་ཕེ་གསར་འགྱུར་ཁང་ལ་བརྗོད་དོན། གཟའ་ཟླ་བའི་ཞོགས་པ་ཁོསྚི་དང་པཀ་ཏི་ཀ་ (Khost and Paktika) ཁུལ་དུ་དྲག་རྒོལ་བྱས་པ་ནི་གཟའ་སྤེན་པའི་ཉིན་མི་མང་པོ་བསད་པའི་དགྲ་ཤ་ལེན་ཆེད་ཡིན་པར་བཤད།

རྗེས་སུ་ཏཱ་ལི་བྷན་གྱིས་ཁོ་ཚོའི་དམག་དཔུང་གིས་ས་མཚམས་ཀྱི་ཉེ་འགྲམ་དུ་གནས་པའི་པ་ཀིས་ཐན་གྱི་དམག་དཔུང་དམིགས་འབེན་དུ་བཟུང་བ་ཡིན་ཞེས་བསྒྲགས། སྐུ་ཞབས་མུ་ཧ་མད་ (Mr Mujahid) ཀྱིས་པ་ཀི་སྠན་ལ་ཉེན་བརྡ་བཏང་དོན། པ་ཀི་སྠན་རང་གི་མངའ་ཁོངས་ནང་དབང་སྒྱུར་བྱེད་མ་ཐུབ་པ་དང་དཀའ་ངལ་འཕྲད་པ་རྣམས་ལ་ཨབ་གྷན་ལ་ཁག་དཀྲི་མི་ཉན་ཞེས་བཤད། X (formerly Twitter).

ཁོང་གིས་མུ་མཐུད་ནས་བརྗོད་དོན། གནས་ཚུལ་དེ་འདྲ་བྱུང་བ་ཡིན་ན། ཕ་ཁི་སི་ཐན་གྱིས་ཚོད་འཛིན་མི་ཐུབ་པའི་མཇུག་འབྲས་ངན་པ་ཡོང་སྲིད་པར་བཤད།

གནམ་ཐོག་ནས་དྲག་རྒོལ་དེ་དམངས་ཁྱིམ་ལ་དམིགས་ནས་བྱུང་བ་དང་། བུད་མེད་ལྔ་དང་བྱིས་པ་གསུམ་བསད་པ་རེད་ཅེས་གསུངས།

༢༠༢༡ ལོར་ཏ་ལི་བྷན་གྱིས་རྒྱལ་ཁབ་ལ་དབང་སྒྱུར་བསྐྱར་གསོ་བྱས་པན་ནས་གཉིས་བཟུང་། ཨབ་གྷན་ནི་སྠན་དང་པ་ཀི་སྠན་གཉིས་ཀྱི་དབར་དུ་ཛ་དྲག་གི་གནས་སྟངས་ཇེ་ཆེར་སོང་ཡོད།

ལྷོ་ཀོ་ཡི་ཡའི་དམག་མི་ཞིག་བྱང་ཀོ་རི་ཡའི་བཟུང་དམག་བཙོན་པར་གྱུར་ནས་ལོ་ལྔ་བཅུ་ལས་བརྒལ་བ།

སྐུ་ཞབས་ལི་ཏ་བོང་ (Lee Dae bong) ནི་ད་ཆ་ལོ་ན་ 92 ལོན་ཞིང་ལྷོ་ཀོ་ཡི་ཡའི་དམག་མི་བྱང་ཀོ་རི་ཡའི་བཟུང་དམག་བཙོན་པར་གྱུར་ནས་ལོ་ལྔ་བཅུ་ལས་བརྒལ་བ་ཞིག་ཡིན། 

ད་ཆ་ཁོང་མལ་ཁྲི་ལས་འབབ་རྒྱུར་དེ་ཙམ་མི་དགའ། ཁོང་གི་བཙོན་ཆས་ཀྱི་ཕུ་དུང་ཁ་ནས་ལག་པ་གཡོན་པའི་མཛུབ་མོ་གསུམ་ཤོར་ཡོད་པ་ཕྱིར་མངོན་གྱི་ཡོད། ཁོང་ལ་དེ་ལྟ་བུའི་རྨས་སྐྱོན་ཚབ་ཆེན་ཕོག་པ་ནི་དམག་འཁྲུག་སྐབས་སུ་བྱུང་བ་མིན་པར་ཕྱིས་སུ་ལོ་ངོ་ 54 རིང་ལ་བྱང་ཀོ་རི་ཡའི་རྡོ་སོལ་གཏེར་ཁའི་ལས་ཀར་བཀོལ་སྐབས་བྱུང་བ་ཞིག་རེད།

སྔོན་མའི་ཀོ་རི་ཡའི་དམག་མི་འདི་ཉིད་ལྷོ་བྱང་ཀོ་རིའི་དམག་འཁྲུག་སྐབས་ཏེ་སྤྱི་ལོ་ 1953 ལོའི་ཟླ་ 6 ཚེས་ 28 ཉིན་མདའ་མོ་རི་བོའི་གཡུལ་འགྱེད་ཀྱི་ཉིན་དང་པོ་དང་། གདུག་རྩུབ་ཆེ་བའི་ལོ་གསུམ་རིང་གི་འཐབ་འཛིང་མཚམས་འཇོག་བྱེད་པར་ཟླ་གཅིག་མ་ཟིན་ཙམ་ཡོད་པའི་སྐབས། རྒྱ་ནག་དམག་གིས་འཛིན་བཟུང་བྱས་པ་ཡིན་འདུག

དམག་འཁྲུག་གི་ཉིན་དེར་ཁོའི་ལྡིང་ཤོག་གསུམ་པའི་དམག་ཚང་མ་བསད་ཤོར་ཡང་ཁོང་དང་སྲོག་ཉེན་ལས་ཐར་བའི་མི་གཞན་གཉིས་བཅས་དངོས་ཟོག་སྐྱེལ་འདྲེན་མེ་འཁོར་ནང་དུ་བཅུག་སྟེ་ཁྱེར། ཁོང་གིས་ཕ་ཡུལ་ལ་ལོག་རྒྱུ་ཡིན་པར་ཚོད་དཔག་བྱས་མོད་མེ་འཁོར་དེ་བྱང་ཕྱོགས་སུ་བསྐྱོད་དེ་ཨའོ་ཇི་ (Aoji) རྡོ་སོལ་གཏེར་ཁ་བསྔོག་སར་ཁྱེར་མི་ཚེ་ཕལ་ཆེར་དེ་ན་བསྐྱལ་དགོས་བྱུང་། དེ་ཤུལ་རིང་ཁོང་གི་ནང་མི་ལ་ཁོང་ལ་འཐབ་འཛིང་ཁྲོད་རྐྱེན་ལམ་དུ་ཤོར་བཤད། ལྷོ་བྱང་ཀོ་རི་ཡ་ཁ་བྲལ་གྱི་གནས་སྟངས་འོག་དམག་མཚམས་འཇོག་རྒྱུར་ཐག་བཅད་བྱས་རྗེས། བྱང་ཀོ་རི་ཡའི་དམག་མི་ཁྲི་5 ནས་8 བར་ཁྲའོ་ཞན་དུ་བཙོན་འཇུག་བྱས།

བྱང་ཀོ་ཡི་ཡས་ཞི་བདེའི་ཆིངས་ཡིག་ལ་བརྩི་སྲུང་གཏན་ནས་བྱེད་མ་མྱོང་བས་བཙོན་པ་རྣམས་ཕྱིར་ལོག་མ་ཐུབ། འོན་ཀྱང་སྐུ་ཞབས་ལི་ལགས་ལྟ་བུ་ཐབས་བརྒྱ་ཇུས་སྟོང་གིས་རང་ཉིད་བྲོས་བྱོལ་བྱེད་པའི་མི་ཉུང་ཤས་བྱུང་ཡོད།

རྩོམ་ཁུངས། BBC: News 

https://www.bbc.com/news/world-asia-66312530

ཀིམ་ཇོན་ཨུན་(Kim Jong Eun) གྱིས་རུ་སིའི་རྒྱལ་སྲུང་བློན་ཆེན་ཧྲོའི་གུ་ (Shoigu) ལ་འཕུར་མདའ་ངོམ་པ།

བྱང་ཀོ་རི་ཡའི་དམག་འཁྲུག་མཚམས་བཞག་ནས་ལོ་ 70 འཁོར་བའི་རྟེན་འབྲེལ་མཛད་སྒོ་རྒྱ་ཆེར་སྤེལ་རྒྱུ་ཡིན་པ་དང་། མཛད་སྒོ་དེ་ནི་དམིགས་བསལ་གཞི་ཁྱོན་ཆེ་བའི་དམག་གཟིགས་མཛད་སྒོ་ཞིག་ཡིན་པ་རེད། ད་ལན་མཛད་སྒོ་དེར་ཧྲའོ་གུ་ཡིས་འགོ་ཁྲིད་པའི་རུ་སིའི་འཐུས་ཚབ་ཚོགས་པ་དང་དེ་བཞིན་རྒྱ་ནག་གི་དཔོན་རིགས་ཁག་གདན་འདྲེན་ཞུས་ཡོད་པ་རེད།

འགྲེམས་སྟོན་བྱས་པའི་མཚོན་ཆའི་ནང་དུ་ཧྭ་སོང་ (Hwasong) གི་སྐམ་ས་ནང་ཁུལ་གྱི་མདའ་འཕུར་མདའ་( ICBM) ཚུད་ཡོད། དེ་ནི་ཟླ་4པར་ཚོད་ལྟ་ལེགས་འགྲུབ་བྱུང་བའི་འཕུར་མདེལ་ཏེ། རྒྱལ་ཡོངས་ཀྱི་ཐོག་མའི་སྲ་གཟུགས་ལས་གྲུབ་པའི་སྐམ་ས་ནང་ཁུལ་གྱི་འཕུར་མདའ་ཞིག་ཡིན་ལ། དེ་ནི་གཤེར་གཟུགས་ཀྱིས་བཟོས་པ་ལས་ཀྱང་མགྱོགས་པར་ཡིད་ཆེས་ཡོད་པར་བཤད། ད་རུང་འགྲེམས་སྟོན་ཐོག་མི་མེད་གནམ་གྲུ་ཐོན་གསར་པ་གཉིས་ཡོད་ཅིང་། དེའི་ནང་གི་གཅིག་ནི་ཨ་རིའི་མཁའ་དམག་གིས་བཀོལ་སྤྱོད་བྱེད་ཀྱིན་པའི་ཕར་རྒོལ་མི་མེད་གནམ་གྲུ་དང་འདྲ་མཚུངས་ཤིག་ཡིན་པར་བཤད།

ད་ལྟའི་ཧྲའོ་གུའི་འཚམས་གཟིགས་འདི་ནི་བྱང་ཀོ་རི་ཡས་ར་ཡུག་དམག་དམག་འཁྲུག་ཁྲོད་དུ་མཚོན་ཆ་མཁོ་འདོན་ཡོང་ཆེད་རེད་ཅེས་སྐྱོན་བརྗོད་བྱེད་མཁན་བྱུང་ཡང་། བྱང་ཀོ་རི་ཡ་དང་རུ་སི་ཕྱོགས་གཉིས་ཀས་ཁས་ལེན་མེད་པ་དང་། ད་ལན་མཚམས་གཟིགས་དེ་ནི་བྱང་ཀོ་རི་ཡའི་ཀེ་སི་ཨེན་ཨེ་ (KCNA) ཞེས་པའི་གསར་འགྱུར་ཁང་གིས་བཤད་རྒྱུར། སྲིད་འཛིན་ཀིམ་དང་སྐུ་ཞབས་ཧྲོ་གུ་གཉིས་ཀྱིས་རྒྱལ་སྲུང་བདེ་འཇགས་དང་ཁོར་ཡུག་ཐད་ལ་དམིགས་པའི"ཕན་ཚུན་དོ་ཁུར་བྱེད་པའི་དོན་གནད"ཅེས་པའི་ཐོག་ལ་གྲོས་བསྡུར་བྱས་ཡོད་པར་བསྒྲགས།

གང་ལྟར་འཐུས་མི་ཚོགས་པ་ཁག་གིས་བྱང་ཀོ་རི་ཡ་ལ་ཁ་ཐོབ་པའི་ཉིན་མོ་དེར་རྗེས་དྲན་མཛད་སྒོར་ཞུགས་ཡོད་པ་དང་། དུས་དྲན་དེ་ནི་སྤྱི་ལོ་ 1953 ལོར་ལྷོ་བྱང་ཕྱོགས་གཉིས་དམག་འཁྲུག་མཇུག་བསྒྲིལ་རྒྱུའི་འབོད་སྐུལ་བྱུང་དང་བསྟུན་ནས་གཟའ་ཕུར་བུའི་ཉིན་དམག་མཚམས་བཞག་ཡོད་ཀྱང་དམག་མཚམས་བཞག་པ་ཙམ་ལས་ཞི་བདེའི་གྲོས་མཐུན་མ་བྱུང་བའི་རྐྱེན་གྱིས་ད་རུང་ཕན་ཚུན་དགྲར་འཛིན་ངང་དུ་ཡོད་པ་རེད། 

མདོར་ཙམ་བཀོད་པ་ཡིན།

བྱང་ཀོ་རི་ཡའི་ཡུལ་མི་ལྟོགས་ཤི་ཐེབ་པ།

Translated from (བྷི་བྷི་སི་ BBC)

བྱང་ཀོ་རི་ཡའི་ཡུལ་མིས་དབྱིན་ཇིའི་རླུང་འཕྲིན་ཁང་ (BBC) ལ་བཤད་རྒྱུར། ཡུལ་དེར་ཟས་རིགས་ཧ་ཅང་དཀོན་པས་ཁོང་ཚོའི་ཁྱིམ་མཚེས་ཁག་གཅིག་ལྟོགས་ནས་ཤི་སོང་ཟེར། ཆེད་མཁས་པས་བཤད་རྒྱུར། འཛམ་གླིང་ཐོག་ཆེས་ཁེར་རྐྱང་དུ་ལུས་པའི་རྒྱལ་ཁབ་འདིའི་གནས་ཚུལ་ནི་དུས་རབས་གོང་མའི་ལོ་རབས་དགུ་བཅུ་པ་ནས་བཟུང་ཆེས་སྡུག་ཤོས་ཤིག་རེད་ཅེས་བཤད།

2020 ལོ་ནས་བཟུང་སྲིད་གཞུང་གིས་མཐའ་མཚམས་བཀག་སྡོམ་བྱས་ཏེ་དགོས་གལ་ཆེ་བའི་དངོས་ཟོག་ནང་འདྲེན་མེད་པར་བཟོས་པ་དང་། མ་ཟད་མི་དམངས་ཀྱི་འཚོ་བར་ཚོད་འཛིན་བྱེད་ཤུགས་ཀྱང་ཆེ་རུ་བཏང་ཡོད་ཅེས་བཅར་འདྲི་དང་ལེན་བྱེད་མཁན་གྱིས་བཤད།

འོན་ཀྱང་བྱང་ཀོ་རི་ཡ་གཞུང་ཕྱོགས་ནས་དབྱིན་ཇིའི་རླུང་འཕྲིན་ཁང་ (BBC) ལ་ཁོང་ཚོས་ཐོག་མཐའ་བར་གསུམ་དུ་སྤྱི་དམངས་ཀྱི་ཁེ་ཕན་དམིགས་སུ་བཀར་ནས་སྒྲུབ་བཞིན་ཡོད་ཅེས་བཤད་ཡོད།

དབྱིན་ཇིའི་རླུང་འཕྲིན་ཁང་ (BBC) ནས་ཀོ་རི་ཡའི་དྲ་རྒྱ་གཉེར་སྐྱོང་བྱེད་པའི་ཚོགས་སྡེ་ཞིག་གི་རོགས་སྐྱོར་འོག ལྐོག་ཏུ་བྱང་ཀོ་རི་ཡའི་མི་སེར་དཀྱུས་མ་གསུམ་ལ་བཅར་འདྲི་བྱས་སྐབས། མཐའ་མཚམས་སྒོ་བརྒྱབ་པ་ནས་བཟུང་ཁོ་ཚོ་ལྟོགས་གྲིར་འཆི་བ་འམ། ཡང་ན་སྒྲིག་འགལ་བྱུང་བར་སྙེད་བཏགས་ནས་སྲོག་ཁྲིམས་གཅོད་རྒྱུར་སྐྲག་ཀྱིན་ཡོད་ཚུལ་དང་། སྤྱིར་བྱང་ཀོ་རི་ཡའི་ཡུལ་མི་རྣམས་ཀྱི་གནས་ཚུལ་ཐོས་རྒྱུ་ཧ་ཅང་དཀའ་བར་བཤད།

བྱང་ཀོ་རི་ཡའི་རང་དབང་ཕྱོགས་ཁག་ནས་ཡིན་ཞིང་བྱང་ཀོ་རི་ཡའི་བྲོས་བྱོལ་ལ་རྒྱབ་སྐྱོར་བྱེད་པའི་སོ་ཀིལ་ཕཀ་(Sokeel Park)ཅེས་པའི་བཤད་རྒྱུར། "གཏོར་བརླག་རང་བཞིན་གྱི་སྐྱོ་གར་ཞིག་མངོན་བཞིན་ཡོད་"ཅེས་བཤད།

རྒྱལ་ས་ཕྱོན་ཡང་(Pyongyang)དུ་གནས་སྡོད་བུད་མེད་ཅིག་གིས་ང་ཚོར་བཤད་རྒྱུར། "ང་ཚོས་སྒོ་བརྡུངས་ནས་ཁོ་ཚོར་ཆུ་སྟེར་འདོད་མོད། འོན་ཀྱང་ལན་འདེབས་མཁན་གཅིག་ཀྱང་མེད།" དེ་རྗེས་སྲིད་གཞུང་གི་མི་ནང་དུ་སོང་སྐབས་ཁོ་ཚོ་ཚང་མ་ཤི་ཚར་བ་མཐོང་བ་རེད། ཅེས་ཇི་ཡེ་འོན་(Ji Yeon) གྱིས་བཤད། ཇི་ཡེ་འོན་ནི་མོའི་བདེ་འཇག་གི་ཆེད་དུ་བཏགས་པའི་མིང་ཞིག་རེད།

རྒྱ་ནག་གི་མཐའ་མཚམས་ཉེ་འདབས་སུ་བསྡད་ཡོད་པའི་ཨར་ལས་བཟོ་པ་ཁྲན་ཧོ་ཞེས་པ་ཞིག་གིས"ང་ཚོར་འབྲུ་རིགས་མཁོ་སྤྲོད་བྱེད་ཚད་ཧ་ཅང་དམའ་བས། ཁོང་གི་གྲོང་ཚོའི་ནང་གི་མི་ལྔ་ལྟོགས་ནས་ཤི་ཚར་སོང་ཞེས"དང་། ད་རུང་ཁོས་བཤད་རྒྱུར། "དང་ཐོག་ང་རང་ཏོག་དབྱིབས་ནད་དུག་གིས་ཤི་བར་སྐྲག་མོད། འོན་ཀྱང་རྗེས་སུ་ལྟོགས་ནས་ཤི་བར་སེམས་ཁུར་བྱེད་ཀྱིན་ཡོད"ཅེས་བཤད།

གང་ལྟར་བྱང་ཀོ་རི་ཡས་མི་གྲངས་བྱེ་བ་གཉིས་དང་ས་ཡ་དྲུག་ལ་འབྲུ་རིགས་འདང་ངེས་ཤིག་ཐོན་སྐྱེད་བྱེད་མ་ཐུབ་པའི་ཁར། སྲིད་གཞུང་གིས་2020ལོའི་ཟླ་1པོར་རྒྱལ་མཚམས་སྒོ་བརྒྱབ་སྟེ་རྒྱ་ནག་ནས་འབྲུ་རིགས་ནང་འདྲེན་བྱེད་མཚམས་བཞག་པ་དང་། འབྲུ་རིགས་འདེབས་ལས་ལ་མཁོ་བའི་རྫས་ལུད་དང་འཕྲུལ་ཆས་ཀྱང་བཀག་སྡོམ་བྱས་ཡོད་པ་སོགས་ཀྱིས་བྱུང་བ་རེད།

https://www.bbc.com/news/world-asia-65881803

སྲིད་བློན་ལྐོག་གསོད་ཀྱི་དོན་རྐྱེན།

འཇར་པན་གྱི་སྔོན་མའི་སྲིད་བློན་ཤིང་རྫོ་ཨ་བྷེ་ (Shinzo Abe) མཆོག་གཏམ་བཤད་གནང་སྐབས་ལྐོག་གསོད་བྱས་པ། 

bbc.comnews དེ་རིང་གི་བྷི་བྷི་སི་གནང་འགྱུར།

འཇར་པན་གྱི་སྔོན་མའི་སྲིན་བློན་ཤིན་རྫོ་ཨ་བྷེ་མཆོག་ནི་དེང་དུས་འཇར་པན་གྱི་ཆབ་སྲིད་ཁྲོད་ཤུགས་རྐྱེན་ཆེ་ཤོས་སུ་གྱུར་པའི་མི་སྣ་ཞིག་ཡིན། ཁོང་ཉིད་དེང་རིང་འདེམས་བསྐོའི་འགྲན་བསྡུར་གྱི་བྱེད་སྒོའི་ཐོག་མེ་མདའ་ཕོག་རྗེས་སྐུ་གཤེགས་ཡོད། དོན་རྐྱེན་འདིས་འཇར་པན་དང་རྒྱལ་སྤྱི་ཡོངས་རྫོགས་ཧ་ལས་བཅུག་ཅིང་རྒོལ་གཏམ་གཏོང་བཞིན་ཡོད།

wikipedia ཝི་ཀེ་རིག་མཛོད་དྲྭ་བ།

སྤྱི་ལོ་ 2022 ལོའི་ཟླ་བ་ 07 ཚེས་08 ཉིན་ན་ར་(Nara)གྲོང་ཁྱེར་དུ་འཇར་པན་སྲིད་བློན་ཟུར་པ་སྐུ་ཞབས་ཤིན་རྫོ་ཨ་བྷེ་མཆོག་གིས་འོས་བསྡུའི་དྲིལ་སྒྲག་གི་གསུང་བཤད་གནང་བའི་རིང་ལྐོག་མདའ་ཐེབ་ཡོད་པ་དང་། སྐབས་དེར་ཁོང་ནས་འདེམས་བསྐོ་ལྷན་ཁང་གི་ཆེན་དུ་གཤམ་འོག་LDPཚོགས་པའི་ཚོགས་པའི་ཚོགས་མི་ཀེའི་ས་ཏཽ་ (Kei Satö) ལ་རྒྱབ་སྐྱོར་གསུང་བཤད་གནང་བཞིན་ཡོད་པ་རེད།

ལྐོག་གསོད་པས་ཁྱིམ་བཟོས་མེ་མདའ་ཐེངས་གཉིས་བརྒྱབ་པ་ལས། མདེའུ་དང་པོ་དེ་མ་ཐེབས་ཀྱང་གཉིས་པ་དེ་ཨ་བྷེ་ཁ་ཚུར་བསྐོར་བ་དང་ཁེལ་ཏེ་སྐེ་དང་བྲང་མཚམས་ལ་ཐེབས་ཤིང་སྙིང་ལ་ཤུགས་ཆེན་ཁེལ་ཡོད་པ་རེད། ལྐོག་གསོད་པ་དེ་ནི་རང་ལོ་ཞེ་གཅིག་ལ་སོན་པའི་ཏེ་ཙུ་ཡ་་ཡ་མ་ག་མི་ (Tetsuya Yamagami) ཟེར་ཞིང་དེ་སྔོན་འཇར་པན་མཚོ་དམག་རང་སྲུང་དཔུང་སྡེའི་(JMSDF)གྲུ་པའི་ཞབས་ཞུ་ལོ་གསུམ་རིང་(2002–2005) ཞུ་མྱོང་ཡོད་པ་རེད། ལྐོག་མདའ་འཕངས་ཚར་མ་ཐག་ཁོ་པ་ཡུལ་དངོས་རང་དུ་འཛིན་བཟུང་བྱས་པ་དང་ཅུང་མ་འགོར་རང་གནོང་ངོས་ལེན་བྱས་ཡོད་པ་རེད། ཁོ་པས་བཤད་ན། ཁོ་རང་ལྷོ་ཀོ་རི་ཡའི་སུན་མྱུང་མོན་(Sun Myung Moon 1920 – 2012) གྱིས་རྩ་འཛུགས་བྱས་པའི་ཡེ་ཤུ་དང་འབྲེལ་བའི་ཆོས་ལུགས་གསར་པར་གྲགས་པའི་ཚོགས་སྡེ་ཆེན་པོ་"གཅིག་གྱུར་མཆོད་ཁང་"ངམ་ཡུ་ནི་ཧྥི་ཁེ་ཤོན་ཅར་ཆུ་ (Unification Church) ལ་འཁོན་འཛིན་ཆེན་པོ་ཡོད་པ་དང་། སྐུ་ཞབས་ཨ་བྷེ་དང་ཆོས་ཚོགས་དེའི་དབར་འབྲེལ་བ་ཡོད་པར་ཡིད་ཆེས་ཡོད་པས་མེ་མདའ་བརྒྱབ་པ་ཡིན་ཞེས་དང་། དེ་འདྲའི་འཁོན་འཛིན་དགོས་པའི་རྒྱུ་མཚན་ངོ་མ་ནི་ཁོ་པའི་ཨ་མ་ལགས་ཆོས་ཚོགས་འདིས་ཀླད་པ་བཀྲུས་པའམ་ཆོགས་ལུགས་ཀྱི་སློབ་གསོ་འདྲ་མིན་བརྒྱབ་སྟེ་མ་རྩ་བརྡིབས་བཅུག་སོང་བས་ཡིན་པར་བཤད། ཡང་བསྐྱར་ཁོ་པས་སྐུ་ཞབས་ཨ་བྷེ་མཆོག་འཇར་པན་དུ་ཆོས་ལུགས་འདི་ཁྱབ་སྤེལ་གཏོང་མཁན་གྲས་ནས་གཅིག་ཡིན་པར་ཡིད་ཆེས་ཡོད་པས་ལྐོག་གསོད་བྱས་པ་ཡིན་པར་ཡང་བཤད། གཞན་ཆབ་སྲིད་ཀྱི་ཐོག་ནས་ཨ་བྷེ་ལ་མི་མཐུན་པའི་འཁོན་འཛིན་གང་ཡང་མེད་པར་བཤད། 

དོན་རྐྱེན་དེ་ལྷག་མ་ཐག་སྐུ་ཞབས་ཤིན་རྫོ་ཨ་བྷེ་མཆོག་ས་གནས་ཀ་ཤི་ཧ་རའི་ (Kashihara) ནང་གི་ན་ར་གསོ་རིག་མཐོ་སློབ་ཆེན་མོའི་སྨན་ཁང་དུ་མྱུར་སྟབས་ཀྱིས་བསྐྱལ་ཡང་སྨན་ཁང་དུ་མ་འབྱོར་སྔོན་ནས་ཁོང་སྐུ་གཤེགས་ཟིན། དེ་སྐབས་ཁྲག་ཁ་སྣོན་ཚན་པ་བརྒྱ་ཡོད་ཀྱང་མ་ཕན་པར་ཟུང་ཁྲག་ཤོར་ཚབས་ཆེ་དྲགས་ནས་བསྐྱབས་མ་ཐུབ་པར་དགུང་ལོ་རེ་བདུན་ཐོག་སྐུ་གཤེགས་ཡོད་པ་རེད། 

ཡིད་སྐྱོ་བའི་ལྐོག་གསོད་ཀྱི་དོན་རྐྱེན་འདི་འདྲ་བྱུང་བར་དེ་སྔོན་དང་ད་ལྟའི་འཛམ་གླིང་གི་དབུ་ཁྲིད་གང་མང་ཞིག་གིས་གདུང་སེམས་མཉམ་བསྐྱེད་དང་རྒྱབ་སྐྱོར་ཀྱི་རྣམ་པ་ཤུགས་ཆེན་བསྟན་ཡོད་པ་རེད། ལྐོག་གསོད་ཐེབ་ནས་ཉི་མ་གཅིག་གི་རྗེས་སུ་ཁོང་གི་སྐུ་ཕུང་རྒྱལ་ས་ཏོ་ཀྱོ་ (Tokyo) ལ་བསྐྱལ་ཞིང་སྤྱི་ཚེས་བཅུ་གཉིས་ (2022,07,12) ཉིན་ཕུང་པོ་དུར་འཇུག་བྱས་ཡོད། 

ཏོག་དབྱིབས་ནད་ཀྱིས་བལ་པོ་བཅུ་བཞི་འདས་གྲོངས།

Published: April 13, 2020 9:10 am –– (ཨོ་རྒྱན་རིག་འཛིན་ནས་བསྒྱུར།)

HIMALAYAN NEWS SERVICE (ཧི་མ་ལ་ཡའི་གསར་འགྱུར་ཞབས་ཞུ།)

ཀ་ཐ་མན་ཌུ། ཕྱི་རྒྱལ་ལ་ཡོད་པའི་བལ་པོའམ་ནེ་པལ་རྒྱལ་ཁོངས་ཀྱི་མི་རིགས་བཅུ་བཞི་ཏོག་དབྱིབས་ནད་དུག་གི་རྐྱེན་པས་འདས་གྲོངས་སུ་གྱུར་ཡོད་ཚུལ་གཏན་སྡོད་མིན་པའི་ནེ་པལ་ཚོགས་པ་ (Non-Resident Nepal Association) ནས་རེས་གཟའ་ཉི་མའི་ཉིན་བཤད་ཡོད།

འཕྲོད་བསྟེན་ལྷན་ཚོགས་ཀྱི་དབུ་ཁྲིད་སྐུ་ཞབས་ཀུ་མར་་པཏྣ་ལེད་ (NRNA President Kumar Panta-led Health Committee) ཀྱིས་གསལ་བཤད་བྱས་པའི་ཆ་འཕྲིན་ལྟར་ན། ཕྱི་རྒྱལ་ལ་ཡོད་པའི་བལ་པོའམ་ནེ་པལ་ཡུལ་མི་དབྱིན་ཡུལ་ནས་ནས་མི་ 8 དང་། ཨ་རི་ནས་ 5 ཨ་རབ་མཉམ་འབྲེལ་རྒྱལ་ཁབ་ནས་ 1 བཅས་བསྔོམས་པས་མི་ 14 འདས་གྲོངས་སུ་གྱུར་ཡོད་པ་དང་། 

དེ་བཞིན་ཕྱི་རྒྱལ་ལ་ཡོད་པའི་ནེ་པལ་ཡུལ་མི་ཏོག་དབྱིབས་ནད་དུག་ཕོག་མཁན་ཡང་གང་མང་ (662) ཞིག་ཡོད་པ་སྟེ། ཨ་རི་ (USA) ལ་སྔོད་མཁན་ 500 དང་། དབྱིན་ཡུལ་ (England) དུ་ 100 སུ་པན་ (Spain) ལ་ 18 ཨ་རབ་མཉམ་འབྲེལ་ (UAE) ལ་ 10 འཇར་མི་ནས་ (Germany) ལ་ 4 ཕོར་ཏུ་གལ་ (Portugal) ལ་ 8 ཨོ་སུ་ཏྲོ་ལི་ཡར་ (Australia) 9 སཽ་དི་ཨ་རབ་བྷི་ཡ་ (Saudi Arabia) ལ 4 ཀུ་ཝཻ་ཏི་ (Kuwait) ལ་ 5 དེ་བཞིན་འཇར་པན་ (Japan) དང་མ་ལས་ཤི་ཡ་ (Malaysia) མ་ཡན་མར་ Myanmar) ཧོང་ཀོང་ (Hong Kong) རྣམས་པ་རེ་རེ་བཅས་ཁྱོན་བསྡོམས་དྲུག་བརྒྱ་དྲུག་ཅུ་རེ་གཉིས་ (662) ན་ཡོད་པ་རེད།

ཌི་ཌོལ་དང་དུག་སེལ་སྨན་ཆུ་འཐུང་ནས་ཤི་རྐྱེན་བྱུང་སྐོར།

Kenya Today: 2020, March, 19, by Sasha Kapur 

• ལྷོ་ཨ་ཧྥི་རི་ཁའི་ཆོས་དཔོན་ཞིག་གིས་གཙང་བཟོའི་འཐོར་ཆུ་ཌི་ཌོལ་ (Dettol) བླུད་དེ་མི་ལྔ་དྲུག་ཤི་བ། 

ལྷོ་ཨ་ཧྥི་རི་ཁའི་ཆོས་དཔོན་རུ་ཧྥུས་ཕ་ལས་ (Rufus Phala) ཁོང་རང་གི་དད་ལྡན་པར་ཏོག་དབྱིབས་ནད་ཡམས་ལ་ཕན་པར་སྙམ་སྟེ། ཁང་པ་གཙང་བཟོའི་ཌི་ཌོལ་ (Dettol) འཐུང་བཅུག་པས་མི་ལྔ་བཅུ་ང་དྲུག་འདས་གྲོངས་སུ་གྱུར་པ་དང་དུས་མཚུངས་མི་བཞི་ཚབས་ཆེན་གྱི་གནས་སུ་ལྷུང་ཡོད། དེ་ཡང་ཌི་ཌོལ་འཐུང་བཅུག་པ་དེ་ཏོག་ནད་ལ་ཕན་རེ་ཙམ་མིན་པར་ལྷ་ཁང་གི་བྱིན་རྟེན་དུ་བརྩིས་ཏེ་འགྲེམ་སྤེལ་བྱས་ཡོད།

• ཨི་རན་བས་གཙང་བཟོའི་ཨ་རག་(neat alcohol)འཐུང་སྟེ་མི་དྲུག་བརྒྱ་ལྷག་ཤི་བ།

ཨི་རང་བའི་ཡུལ་མི་ ༦༠༠ ལས་བརྒལ་བས་ཏོག་དབྱིབས་ནད་དུག་འགོག་ཐུབ་པར་ཡིད་ཆེས་བྱས་ཏེ་གར་ཚད་མཐོ་བའི་ཆང་བཅུད་འཐུང་ནས་ཤི་ཡོད་འདུག

དབྱི་རན་ཕྱེད་གཞུང་ཕྱོགས་ཀྱི་ཏ་སི་ནིམ་གསར་འགྱུར་ཁང་ (Tasnim News Agency) གིས་དབྱི་རན་ཁྲིམས་འཛིན་སྡེ་ཚན་གྱི་མགྲིན་ཚབ་པ་གྷུ་ལམ་་ཧུས་སཻན་་ཨི་ས་མཱི་ལི་ (Ghulam Hussein Ismaili) སྐད་ཆ་དྲངས་ནས་བཤད་དོན། གཙང་སེལ་ཨ་རག་འཐུང་རྐྱེན་མི་འབོར་ཆེན་ལ་སྲོག་སྐྱོན་ཐེབ་པའི་དཀའ་རྙོག་བྱུང་ཞིང་། ད་རུང་མི་ ༣༠༠༠༠ ལྷག་ཙམ་ལ་གཙང་སེལ་ཨ་རག་འཐུང་བའི་རྐྱེན་གྱིས་དུག་ཕོག་ཡོད་པ་དག་ལ་སྨན་བཅོས་བྱེད་ཀྱིན་ཡོད། ཡང་ཁོང་གིས་ཨི་རན་གྱིས་ཁྲིམས་འགལ་ངང་ཐོན་སྐྱེད་བྱས་པའི་ཨ་རག་ཉིང་ཁུའི་འཐུང་ཆུ་མང་པོ་ཞིག་ལ་བདེ་ཐང་ལ་འགན་ལེན་ཡོད་པའི་དགོས་ངེས་ཀྱི་ཚད་གཞི་འདང་གི་མེད་པ་མ་ཟད། དེའི་རྐྱེན་གྱིས་མི་མང་པོ་ཞིག་འཛིན་བཟུང་བྱས་ཡོད་ཅེས་བཤད་ཡོད་པ་རེད། གཟའ་མིག་དམར་གྱི་ཕྱི་དྲོར་མི་ ༣༨༧༢ ཏོག་དབྱིབས་ནད་དུག་དེ་རིགས་ཕོག་ནས་རྐྱེན་ལམ་དུ་ཤོར་བ་མ་ཟད། མི་ ༦༣༥༨༨༩ ལ་འགོས་ཡོད་པ་རེད།

• ཏ་མིལ་བ་ཞིག་དུག་སེལ་ཨ་རག་(Sanitizer)འཐུང་ནས་ཤི་བ། ༢༠༢༠། ༤། ༡༤

རྒྱ་གར་ཏ་མིག་ན་དྷུའི་ (Tamil Nadu) ཡུལ་མི་རང་ལོ་ ༣༥ ལ་སླེབས་པའི་སྐྱེས་པ་ཆང་རག་ལང་ཤོར་བ་ཞིག་རྒྱ་གར་ལ་ཏོག་དབྱིབས་ནད་དུག་འགོག་ཆེད་འགྲིམ་འགྲུལ་འགོག་སྡོམ་སྐབས་དུག་སེལ་ཨ་རག་ (Sanitizer) བཏུང་རྗེས་རྐྱེན་ལམ་དུ་ཤོར་ཡོད་པ་རེད། གནས་ཚུལ་སྤེལ་བར་གཞིགས་ན། འདས་པོ་ཁོང་ནི་ཁོ་ཡིམ་བྷེ་ཏྲོར་ཞེས་པའི་ས་གནས་ཞིག་ཏུ་སྡོད་པའི་བྷེ་ནར་ཌི་ (Bernard from Coimbatore) ལགས་ཡིན་པ་ར་སྤྲོད་བྱུང་ཡོད། ཁོང་པ་དེ་གར་སོལ་རླངས་སྐྱེལ་བའི་ལས་ཀ་བྱེད་ཀྱི་ཡོད་འདུག

རེས་གཟའ་སྤེན་པའི་ཞོགས་པ་ཆུ་ཚོད་གསུམ་པའི་གཡས་གཡོན་ལ་བྷེར་ནར་ཌི་དྲན་མེད་དུ་བརྒྱལ་ཡོད་པ་མཐོང་འཕྲལ་ལམ་སང་ཉེ་སྐོར་གྱི་སྨན་ཁང་དུ་བསྐྱལ་ཀྱང་སྐབས་དེར་ཁོང་གྲོངས་ཟིན་ཡོད་པ་དང་། ཁོང་ལ་སྨན་ཁང་ནས་བརྟག་དཔྱད་བྱས་པས་ཁོ་པ་མ་ཤི་བའི་སྔོན་དུ་དུག་སེལ་ཨ་རག་ (Sanitizer) བཏུང་ཡོད་པ་ར་སྤྲོད་བྱུང་ཡོད་པ་རེད།

ཁ་འབྲལ་མི་ཐུབ་པའི་བཟའ་ཚང་གཉིས།

ཨོ་རྒྱན་རིག་འཛིན།

ལྕམ་ཨ་ཌི་རན་ (Adrian) དང་སྐུ་ཞབས་སུ་ཏྲུཊ་བྷེ་ཀར་ (Stuart Baker) གཉིས་གཉེན་བསྒྲིགས་ནས་ལོ་ངོ་ང་གཅིག་འཁོར་ཡོད་པ་དང་། ནང་མི་ཚོས་ཁོང་གཉིས་ལ་ཁ་འབྲལ་མི་ཐུབ་པའི་བཟའ་ཟླ་གཉིས་ཞེས་འབོད་སྲོལ་ཡོད་སྐད། ད་ལན་ 2020 ཟླ་བ་གསུམ་པའི་ཚེས་ 29 ཉིན་ཁོང་གཉིས་ཆ་ཏོག་དབྱིབས་ནད་དུག་གིས་རྐྱེན་པས་སྐར་མ་དྲུག་གི་ནང་གཉིས་ཆ་འདས་གྲོངས་སུ་གྱུར་ཡོད་པ་རེད། 

(CNN) གཉེན་སྒྲིག་བྱས་ཏེ་མི་ལོ་ 51 ལོན་ཞིང་ཕན་ཚུན་ཁ་འབྲལ་མི་ཤེས་པའི་བཟའ་ཚང་འདི་གཉིས་ཨ་རིའི་ཧྥི་་ལོ་རི་ཌའི་ (Florida) ཁོང་གཏོགས་བྷོ་ཡན་ཊོན་་བྷི་ཆི་ (Boynton Beach) ལ་ལས་ཡོལ་གནང་སྟེ་བསྡད་ཡོད་ཅིང་བདུན་ཕྲག་འགའི་སྔོན་བར་ཁོང་གཉིས་གཟུགས་གཞི་ཧ་ཅང་བདེ་ཐང་ཡིན་འདུག ད་ལན་སྤྱི་ཟླ་གསུམ་པའི་ཟླ་དཀྱིལ་ཙམ་ནས་ན་འགོ་ཚུགས་ཤིང་ཟླ་དེའི་རེས་གཟའ་ཉི་མའི་ཉིན་ཁོང་གཉིས་ཆ་ཏོག་དབྱིབས་ནད་དུག་གི་རྐྱེན་པས་སྐར་མ་དྲུག་གི་སྔ་ཕྱིའི་ནང་འདས་གྲོངས་སུ་གྱུར་ཚུལ་ཁོང་གཉིས་པོའི་བུ་བྷུ་ཌས་བྷེ་ཀར་ (Buddy Baker) གྱིས་འགྲེལ་བརྗོད་བྱས་ཡོད།  འདི་ལོ་སྐུ་ཞབས་སི་ཏྲུར་ཊི་་བྷེ་ཀར་ (Stuart Baker) རང་ལོ་ 74 དང་ཆུང་ཨ་ཌི་རན་་བྷེ་ཀར་ (Adrian Baker) རང་ལོ་ 72 ཡིན་པ་རེད། 

• ཐོག་མར་དྲག་སྐྱེད་ཡོང་བའི་རེ་བ།

ཁོང་གཉིས་གཟུགས་གཞི་མ་བདེ་བ་བྱུང་ནས་ཞག་ཤས་སོང་ཡང་དྲག་སྐྱེད་མ་བྱུང་བས་སྨན་པའི་བསམ་འཆར་ལྟར་སྨན་ཁང་ལ་བསྟེན་པ་དང་སྨན་ཁང་ནས་ཁོང་གཉིས་དྲག་སྐྱེད་མ་བྱུང་བར་རང་ཁྱིམ་དུ་ཟུར་འགོག་བྱ་དགོས་པར་གདམས།

བུ་བྷེ་ཀར་གྱིས་བཤད་རྒྱུར། ཁོས་དུས་རྒྱུན་ཤེས་རྟོགས་ཡོང་ཆེད་ཕ་མར་ཁ་པར་གཏོང་གི་ཡོད་མོད་ཁོང་གཉིས་ཕལ་ཆེར་ཇེ་དྲག་སྐྱེད་སོང་མེད་པ་འདྲ། ཉིན་གཅིག་ལ་ཅུང་བདེ་བའི་རྣམ་པ་བྱུང་ཡང་ཉིན་གཉིས་པར་ཡང་བསྐྱར་སྡུག་ཏུ་ཕྱིན་སོང་།

ཉིན་འགའི་རྗེས་སུ་སྟེ་སྤྱི་ཟླ་གསུམ་པའི་ཚེས་ 19 ཉིན་ཁོང་གཉིས་སྨན་ཁང་ལ་ཕྱིར་འབྱོར་སྐབས། བུ་བྷེ་ཀར་གྱི་ཕ་རྒན་ལ་ཚ་བ་དང་དབུགས་འཚང་གི་ནད་རྟགས་བྱུང་ཡོད་མོད་ཁོང་གི་མ་རྒན་ལ་ད་རུང་ཚ་བ་སོགས་ནད་རྟགས་གང་ཡང་མངོན་མེད། 

དེ་ནས་ཆུ་ཚོད་ 48 ཙམ་སོང་རྗེས་ཁོང་གི་ཕ་རྒན་ཚབས་ཆེན་ནད་པ་ལྟ་སྐྱོང་ཁང་དུ་སྐྱེལ་དགོས་ཁེལ་མོད་ནང་མི་ཚོས་སྔར་བཞིན་དྲག་སྐྱེད་ཡོང་རེ་བྱས། ཕ་རྒན་སུ་ཏྲུཊ་་བྷེ་ཀར་ལ་དབྱང་རླུང་ 60% ནས་ 50% བར་འཕར་བས་དྲག་སྐྱེད་ཀྱི་རྣམ་པ་ཡང་ཅུང་བྱུང་།

• ནད་གཞི་སྡུག་ཏུ་སོང་སྟེ་གྲོངས་པ།

དེ་སྐབས་ཁོ་དང་སྲིང་མོ་གཉིས་ཨ་མ་ལ་ལྟ་བར་ཉིན་གཅིག་ལ་ཐེངས་འགའ་སོང་བ་དང་སྐབས་དེར་ཁོང་གཉིས་རླངས་འཁོར་འཇོག་ཁང་གི་ཕྱིར་དང་ཨ་མ་ནང་དུ་བསྡད་ནས་ཐུག་འཕྲད་བྱས། དེ་ནས་ཟླ་བ་གསུམ་པའི་ཚེས་ 24 ཉིན་སྨན་ཁང་ནས་ཁ་པར་ཞིག་འབྱོར་ཏེ་ཁོང་ཚོའི་ཕ་རྒན་ལ་ཏོག་དབྱིབས་ནད་དུག་འགོས་ཡོད་པ་དང་། ཁོང་དྲག་སྐྱེད་ཡོང་བའི་རེ་བ་དེ་ཙམ་མི་འདུག་ཅེས་འཕྲིན་ངན་ཞིག་འབྱོར།

ཁོང་གི་མ་རྒན་ཁྱིན་དུ་ཡོད་སྐབས་ཚ་བ་དང་སེམས་འཚབ་ཀྱི་མངོན་རྟགས་གང་ཡང་མེད་ཀྱང་ཁྱོ་གའི་གནས་ཚུལ་ཤེས་རྗེས་སེམས་ངལ་ཆེན་པོར་གྱུར། དེ་ནི་རྒྱུན་དུ་བྱུང་མ་མྱོང་པའི་གནས་ཚུལ་ཏེ་ཁྱོ་ག་དང་ཁ་བྲལ་ནས་ཞག་ལྔ་ཙམ་སོང་བ་དེས་ཡིན་པར་སྙམ།

གང་ལྟར་གནས་ཚུལ་དེས་ཨ་མ་ལ་བློ་ཕམ་མི་འབྱུང་བའི་ཆེད་དང་ཏོག་དབྱིབས་ནད་དུག་ཡོད་མེད་ལྟ་བར་སྨན་ཁང་ལ་བརྟག་དཔྱད་བྱེད་དུ་འཁྲིད་རྒྱུར་ཁོང་མིང་སྲིང་གཉིས་པོས་ཐག་བཅད། དེ་སྐབས་ཀྱང་ཨ་མ་ལ་ཚ་བ་དང་འབྲེལ་བའི་ནད་རྟགས་གང་ཡང་མངོན་མེད་པས་ཁོང་གཉིས་ཀྱི་ཨ་མ་ལ་སྐྱོན་ཆག་མི་ཡོང་བར་སྙམ།

དེ་འཕྲལ་ཨ་མར་བརྟག་དཔྱད་བྱས་པའི་རྒྱུད་རིམ་སྐར་མ་ཞེ་ལྔའི་ནང་སྨན་པས་བཤད་རྒྱུར་ཨ་མའི་སྲོག་རླུང་ཚད་གཞི་ཧ་ཅང་དམའ་བས་མོ་ཡང་ནད་ལས་ཐར་དཀའ་བར་བཤད།

Adrian and Stuart Baker, 
at the time of their marriage.

དེ་ནས་རིམ་པས་ཕ་མ་གཉིས་པོའི་དབང་པོ་ཉམས་རྒུད་དུ་སོང་བས་བྷེ་ཀར་དང་ཁོང་གི་སྲིང་མོས་ཆེད་ལས་སྨན་བཅོས་མི་སྣའི་བསམ་འཆར་ལྟར་ཕ་མ་གཉིས་ཚེ་མཇུག་གི་གཟིགས་སྐྱོང་ལྟེ་གནས་སུ་སྤོ་རྒྱུ་བྱས། ཕ་མ་གཉིས་ཀ་ཁང་པ་གཅིག་གི་ནང་དུ་སྤོས་ནས་མཐའ་མཇུག་གི་ངལ་གསོའི་ཆེད་དུ་དབུགས་རྔུབ་ཆས་ཀྱང་བླངས་ཏེ། ཁོང་གཉིས་སྐར་མ་འགའི་ཡུན་དུ་མི་ཚེ་གཅིག་གི་ཆེས་མཐའ་མཇུག་གི་ལྷན་འཛོམས་བྱས་ཏེ་འདས་གྲོངས་སུ་གྱུར་ཡོད་པ་རེད། 

ཁོང་གཉིས་ནི་གོ་ལ་འདིའི་ཐོག་གི་མཛའ་བརྩེ་ཧ་ཅང་ཟབ་ཅིང་ལུས་དང་གྲིབ་མ་བཞིན་དུ་ཁ་འབྲལ་མི་གཏུབ་པའི་འགྲོ་བ་མི་གཉིས་དང་གཉེན་སྒྲིག་མི་ཚེ་འཐའ་འཁྱོལ་བྱུང་བའི་བཟའ་ཚང་ཆ་གཅིག་ཡིན་པ་རེད།