2017/07/10

རྫི་རོགས་ཆུང་ཆུང་།


ཉི་ཟེར་སྔས་མགོ་ལ་འཁྱིལ་ཡང་། །
གཉིད་ཀྱི་མུན་ནག་དེ་སེལ་མེད། །
ཆུ་འཁྱགས་རུང་ཁོང་ན་འཛུལ་དུས། །
རྨི་ལམ་རབ་རིབ་དེ་ཡལ་འགྲོ། །

ཞོགས་པ་ཁ་ལོ་ལ་འགྲོ་དུས། །
གནམ་རྒྱའི་ཉི་འོད་ཀྱི་ངོགས་སུ། །
འབྲི་མོའི་ཁ་རླངས་དང་སྣ་རླངས། །
རི་མེ་མཆེད་མཆེད་ཟིག་ཡིན་ར། །

2017/07/04

ཁྱོད་རང་མི་དྲང་མོ་ཞིག་ཡིན་དགོས།

ཁྱུང་ཡོན་ནི་བདག་གི་གཅུང་པོ་ཡིན། སྤྱི་ལོ་1995 ལོར་ངག་དབང་ངེད་སྤུན་གཉིས་ཁྱིམ་ནས་འོངས་དུས་ཁོ་ནི་ལོ་ངོ་བདུན་བརྒྱད་ཙམ་ལས་མ་སོན་པའི་བྱིས་པ་ཞིག་ཡིན་པས། མཐའ་ད་རུང་ཡང་ངའི་སེམས་ནང་གི་གྲགས་ཚེ་(ཁྱུང་ཡོན་ཆུང་དུས་ཀྱི་མིང་)ནི་ཨ་ཁུ་ཀར་དོན་གྱི་པང་ཁུག་ན་ཡོད་པའི་བུ་ཆུང་མིག་ཟུང་གྲུང་རིལ་རིལ་བ་དེ་ཡིན། ཁོ་རང་ཆུང་དུས་སྐྱེ་སྟོབས་ཞན་ཡང་། སྨྲ་ལྕེ་བདེ་ལ་གཤིས་རྒྱུད་འཇམ་པ་ཞིག་ཡིན་པས་ཕྱི་ནང་གང་ས་ནས་མཐོང་མི་འདོད་པའི་དོ་ཕོག་དེ་ཙམ་བྱུང་མེད་པར་བསམས། རེད་དེ་བར་སྐབས་ངེད་ཚང་རླུང་རྟ་ཆག་པའི་སྐབས་འབྲེལ་བ་ཡོད་མེད་ཀྱི་ཡུལ་མི་གང་མང་ཞིག་གིས་མཐོང་ཆུང་དང་བརྙས་བཅོས་བྱེད་པ་ནི་སྲིད་པའི་ཆོས་ཉིད་ཅིག་སྟེ། “རླུང་རྟ་མར་འགྲོའི་དུས་ལ། །ཁྱི་ལས་ཞི་མི་(བྱི་ལ་)སྡང་བ། །”ཟེར་མེས་པོ་ཚོས་ཉམས་མྱོང་གི་སྡོམ་བཀོད་ཡོད་པ་མིན་ནམ། དཔེ་དེ་བཞིན་ཁོ་རང་ཐེ་བའི་གཅེན་གཅུང་ཚོ་ལ་རྒྱུ་རྐྱེན་ཡོད་མེད་སྣ་ཚོགས་པའི་སྒོ་ནས་མཐོང་ཆུང་དང་བརྙས་སྨོད་ཀྱི་དཀའ་ངལ་མི་ཉུང་བ་རེ་ཕྲད་ཡོད་པ་ནི་བཤད་ཅི་ལ་དགོས།

ཆོས་གྲོགས་ལ་ཕུལ་བའི་སེམས་གཏམ།

བདག་གིས་ངོ་ལོ་བཅོ་ལྔའི་གོང་ཙམ་ལ་བྲིས་པའི་སྙན་རྩོམ་ཞིག་ཉེ་ཆར་ལོ་ཤས་སྔོན་དུ། རྒྱ་གར་ལྷོ་ཕྱོགས་མཻ་སུར་སྔ་འགྱུར་རྙིང་མའི་ཆོས་སྡེ་ཆེན་པོ་རྣམ...