2009/01/20

ཆོས་གྲོགས།

ཁ་སང་ཁ་ཉིན་ངོ་སྐྱི་འཛུམས་པའི་ཟླ་བ་གསུམ་གྱི་ནམ་དུས་ཟད།།
དེ་རིང་ད་ཚོད་མཇལ་ཐེངས་རེ་འགར་ཆོས་གྲོགས་རྙིང་པའི་བཞིན་མདངས་འགྱུུར།།
རྩམ་པ་ཕོར་གང་བྱིན་པའི་ནང་ནས་བརྙས་སྨོད་ནག་པོའི་སྐྱུར་དྲི་ཁ།།
གཟན་ལ་རྩད་གཅོད་བྱེད་པའི་ཟོལ་གྱིས་བསྟིང་ཚིག་དྲག་པོས་ཤུགས་ཀྱིས་བསྡབས།།
ཀ་ཡེ་ཁྱོད་ཅག་དགེ་བསྐོས་ཡིན་ནམ་མེག་ལོར་ཨ་ནིའི་དགོན་པ་རེད།།
རང་ལུས་འདོམ་གང་རང་དབང་ཡིན་ལ་ཆ་ལུགས་གང་བྱས་རང་འདོད་ཡིན།།
དེང་རབས་མི་ཡི་གཤིས་ལ་བསམ་ན་ངུ་མ་དགོད་ཀྱི་ཚོར་བ་འདྲེན།།
ཉམས་ཆུང་སྐྱེ་བོས་མགོ་བོ་སྒུར་ཡང་རྡོག་པས་བརྫི་བར་ཡ་མི་ང༌།།
འབྱོར་ལྡན་སྐྱེ་བོའི་ཨ་ཀྲད་ཟུར་ནས་དམར་ཆུར་ལྕེ་ཡིས་བལྡག་པར་བརྩོན།།
དབང་ཆེན་དཔོན་གྱི་རྒྱ་སྒོའི་འགྲམ་ནས་སྤྲང་ཁྱི་འཁྱམ་པོའི་བརྟུལ་ཞུགས་བཟུང༌།།
དམར་ཤམ་གྲྭ་ཆས་མཛེས་པའི་ཕག་ནས་ཚུལ་འཆོས་བྱི་ལའི་རྫུ་བག་གིས།།
དད་ལྡན་ཉ་མའི་བླ་ཡིད་འགུགས་པའི་གསང་ཚིག་འདི་ཉིད་ངས་མི་ཤེས།།
ཚུལ་འཆོས་ཁ་གསག་ཐག་ནག་སྣེ་ནས་གཏམ་ནོར་འདྲེན་པའི་རྒྱུ་རྩལ་དང༌།།
ཆ་ལུགས་སྤྱོད་ལམ་ཤིན་ཏུ་ལེགས་པས་དང་བ་འདྲེན་པའི་རྫུ་འཕྲུལ་མེད།།
ཁ་ཞེ་སྤྱོད་གསུམ་ཁ་ཁ་མེད་པ་ཁོ་བོའི་ལྷན་སྐྱེས་རང་གཤིས་ཉིད།།
༢༠༠༩། ༡། ༡༩།

ཆོས་གྲོགས་ལ་ཕུལ་བའི་སེམས་གཏམ།

བདག་གིས་ངོ་ལོ་བཅོ་ལྔའི་གོང་ཙམ་ལ་བྲིས་པའི་སྙན་རྩོམ་ཞིག་ཉེ་ཆར་ལོ་ཤས་སྔོན་དུ། རྒྱ་གར་ལྷོ་ཕྱོགས་མཻ་སུར་སྔ་འགྱུར་རྙིང་མའི་ཆོས་སྡེ་ཆེན་པོ་རྣམ...