2011/10/17

བོད་ཀྱི་དཔའ་བོའི་མེ་ལྕེ།

ཉེ་ཆར་མི་ལུས་རིན་ཆེན་དཔའ་འབར་དུ་བཏེགས་ཏེ་རང་གི་རྒྱལ་ཁབ་དང་མི་རིགས་ཀྱི་ཆེད་དུ་རང་སྲོག་ལེགས་སྐྱེས་འབུལ་མཁན་གྱི་དཔའ་བོ་རྣམ་པ།

དགུ་པ། BBC ལ་གཟིགས།
Norbu Damdrul
ཕྱི་ལོ་ ༢༠༡༡ ཟླ་ ༡༠ ཚེས་ ༡༥ ཉིན་གྱི་བོད་ནང་གི་སྔ་དྲོའི་དུས་ཚོད་ ༡༡།༥༠ ཙམ་ལ་རྔ་པ་རྫོང་ཆོས་རྗེ་ཞང་སོ་རུ་མའི་པདྨ་ཚང་གི་བུ་རྒྱལ་གཅེས་དཔའ་བོ་ནོར་བུ་དགྲ་འདུལ། རང་ལོ་ ༡༩ ཙམ་ཡིན་པ་ཁོང་གིས་རྔ་པའི་ཁྲོམ་གཞུང་དུ་ཐོན་ནས་རང་ལུས་མེར་སྲེག་བཏང་ཞིང་"བོད་ཁ་བ་ཅན་ལ་རང་དབང་རང་བཙན་དགོས། རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས་"ཞེས་འབོད་སྐད་སྒྲོག་སྐབས་རྒྱ་མིས་ཉེན་རྟོག་པས་བཟུང་ཡོད་འདུག་ལ་སྐབས་དེར་ཁོང་སྐུ་གཤེགས་མེད།

བདུན་པ། བརྒྱད་པ།
Kayang
མཁའ་དབྱིངས།
Choepel
ཆོས་འཕེལ།
 ༢༠༡༡ སྤྱི་ཟླ་༡༠ ཚེས་༧ ཉིན་ཨ་མདོ་རྔ་བ་ནས་ཡིན་པ་འཇིགས་རིས་ཚང་གི་བུ་རང་ ༡༩ སོན་པ་རྒྱལ་གཅེས་དཔའ་བོ་ཆོས་འཕེལ་དང་། རྒྱལ་གཅེས་དཔའ་བོ་གསང་བོ་སྐལ་བཟང་གི་བུ་རྒྱལ་གཅེས་དཔའ་བོ་མཁའ་དབྱིངས་ཞུ་བ་གཉིས་ནས་རྔ་བ་རྫོང་གི་ཁྲོམ་གཞུང་དུ་ཐོན་ནས་རྒྱ་ནག་གཞུང་ལ་ངོ་རྒོལ་མཚོན་ཆེད་རང་ལུས་ལ་མེ་སྤར་རྗེས། ལག་གཉིས་ཐལ་མོ་སྦྱར་ཏེ་༸"༸གོང་ས་མཆོག་གི་མཚན་ནས་འབོད་པ་དང༌། བོད་ལ་རང་དབང་དགོས་"པའི་སྐད་འབོད་གནང་ཡོད་ལ། རྔ་པ་རྫོང་གི་སྨན་ཁང་ནས་འབར་ཁམ་སྨན་ཁང་དུ་བསྐྱལ་ཡང་ཚེས་པ་ ༨ ལ་མཁའ་དབྱིངས་དང་ ༡༡ ལ་ཆོས་འཕེལ་གཉིས་རིམ་པས་གཟི་བརྗིད་ལྡན་པའི་ངང་སྐུ་གཤེགས་པའི་ཡིན་སྐྱོའི་གནས་ཚུལ།

དྲུག་པ།
ཕྱི་ལོ་ ༢༠༡༡ ཟླ་༡༠ ཚེས་༤ཉིན། ཕྱི་ཚེས་ ༣ ཉིན་རྔ་པ་རྫོང་ཆོས་རྗེ་མ་ཞང་སོ་རུ་མ་སྡེ་བའི་ཚུར་དྲིས་ཚང་གི་ཕ་ཚུར་དྲིས་ དང་མ་བདེ་མཆོག་གཉིས་ཀྱི་བུ་རང་ལོ་ ༡༧ ཡིན་པའི་ཀིརྟི་དགོན་པའི་དུས་འཁོར་གྲྭ་ཚང་གི་གྲྭ་རྒྱལ་གཅེས་དཔའ་བོ་སྐལ་བཟང་དབང་ཕྱུག་མཆོག་གིས་ ྋརྒྱལ་བའི་སྐུ་པར་ཞིག་ལག་ཏུ་བསྣམས་ཏེ་རྔ་པ་རྫོང་མཁར་གྱི་གཞུང་ལམ་དུ་ཕེབས་ཏེ་སྐུ་ལུས་མེ་རུ་སྦར་ཏེ་རྒྱ་ནག་གཞུང་ལ་ངོ་རྒོལ་སྐད་འབོད་གནང་འདུག་མོད། དེ་མ་ཐག་རྒྱ་དམག་གིས་བསྐོར་ནས་མེ་བསད་ཅིང་གཅར་རྡུང་དྲག་པོ་གཏོང་བཞིན་ཁྱེར་ཡོད་འདུག་པས་ཁོང་གི་རྨས་སྐྱོན་ག་འདྲ་ཡིན་མིན་སོགས་ཀྱི་གནས་སྟངས་གསལ་པོ་ཤེས་ རྟོགས་མ་ཐུབ།

བཞི་པ། ལྔ་པ།
Lobsang Kelsang
བློ་བཟང་སྐལ་བཟང་།
Lobsang Kunchok
བློ་བཟང་དཀོན་མཆོག
༢༠༡༡ ཕྱི་ཟླ་ ༩ ཚེས་ ༢༦ ཉིན་བོད་ནང་གི་ཆུ་ཚོད་ ༡༠ དང་ཕྱེད་ཀ་ཙམ་ལ། རྔ་པ་རྫོང་རྨེའུ་རུ་མའི་རུ་ཆེན་གཉིས་པའི་ཇ་རུ་ཚང་གི་ཚེ་རིང་བཀྲ་ཤིས་ཀྱི་བུ་རྒྱལ་གཅེས་དཔའ་བོ་བློ་བཟང་ཕུན་ཚོགས་ཀྱི་སྤུན་ཆུང་རང་ལོ་ ༡༨ ཡིན་པ་རྔ་པ་ཀིརྟི་དགོན་པའི་གྲྭ་རྒྱལ་གཅེས་དཔའ་བོ་བློ་བཟང་སྐལ་བཟང་ལགས་དང་། ཚེ་རྒྱས་ཚང་གི་རྔ་པ་ཀིརྟི་དགོན་པའི་རང་ལོ་ ༡༨ ཡས་མས་ཡིན་པའི་གྲྭ་རྒྱལ་གཅེས་དཔའ་བོ་བློ་བཟང་དཀོན་མཆོག་གཉིས་ཀྱིས་རྔ་པ་རྫོང་གི་ཁྲོམ་གཞུང་དུ། "༸རྒྱལ་བ་རིན་པོ་ཆེ་སྐུ་ཚེ་ཁྲི་ལོར་བརྟན་པར་ཤོག བོད་ལ་ཆོས་དད་རང་དབང་དགོས་"སོགས་ཀྱི་སྐད་འབོད་གནང་བཞིན་རང་ལུས་མེར་བསྲེགས་བཏང་འདུག ཅུང་ཙམ་རྗེས་རྒྱ་གཞུང་གི་ཉེན་རྟོག་པས་མེ་བསད་ཀྱང་དགེ་འདུན་པ་གཅིག་གྲོངས་ཡོད་པའི་མཐོང་སྣང་བྱུང་ཡོད་འདུག་ལ། གྲྭ་བ་གཞན་དེའི་སྟེང་གི་མེ་བསད་མ་ཐག་ཉེན་རྟོག་པས་ཁྱེར་ཡོད་འདུག་ཀྱང་རྗེས་སོར་གྲྭ་བློ་བཟང་དཀོན་མཆོག་ཉིན་ཤས་སྔོན་འབར་ཁམས་རྔ་པ་ཁུལ་སྨན་ཁང་ཞིག་ཏུ་རྨས་སྐྱོན་ཚབས་ཆེན་ཡིན་ཞིང་། འབྲེལ་ཡོད་ཚོ་ཐུག་འཕྲད་བྱེད་འཇུག་གི་མེད་པ་དང་། ཡང་ཁོང་གི་འཐབ་གྲོགས་གྲྭ་རྒྱལ་གཅེས་དཔའ་བོ་བློ་བཟང་སྐལ་བཟང་ལགས་དེང་སྐབས་སི་ཁྲན་ཁྲིན་ཏུའུ་སྨན་ཁང་ཞིག་ཏུ་ཡོད་ཚུལ་དང་། ཁོང་ཉིན་ཤས་སྔོན་རྔ་པའི་གསར་འགྱུར་ཞེས་པའི་བརྙན་འཕྲིན་དུ་བསྟན་འདུག

གསུམ་པ།
༢༠༡༡ ཕྱི་ཟླ་༨ ཚེས་༡༥ ཉིན་གྱི་ཉིན་དགུང་ཕྱག་ཚོད་༡༢ དང་ཕྱེད་ཀ་ཙམ་ལ་ད་ལོ་དགུང་གྲངས་༢༩ ཕེབས་པའི་ཁམས་རྟའུ་ཉ་མཚོ་དགོན་པའི་དགེ་འདུན་པ་རྒྱལ་གཅེས་དཔའ་བོ་ཚེ་དབང་ནོར་བུ་དམ་པ་དེས་རྫོང་ཁྲོམ་གཞུང་དུ་རང་ལུས་མེར་བསྲེཌ་བཏང་བ་དང་འབྲེལ། "སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་བོད་ལ་གདན་འདྲེན་ཞུ་དགོས། བོད་རང་དབང་ཡིན་"སྐོར་སོཌ་འབོད་ཚིག་བསྒྲཌ་ཏེ་སྐར་མ་བཅུ་ལྷག་ཙམ་རིང་རྒྱ་ནག་གཞུང་ལ་ངོ་རྒོལ་གནང་བའི་རྗེས་སུ་འདས་གྲོངས་སུ་ཕྱིན་པའི་ཡིད་སྐྱོའི་གནས་ཚུལ་བྱུང་། 

གཉིས་པ། BBC ལ་གཟིགས།

Phuntsogཕྱི་ལོ་ ༢༠༡༡ ལོའི་ཟླ་ ༣ པའི་ཚེས་ ༡༦ ཉིན་མོརཀིརྟི་དགོན་པའི་གྲྭ་རྒྱལ་གཅེས་དཔའ་བོ་ཕུན་ཚོགས་ལགས་ཀྱིས་ཕྱི་ལོ་ ༢༠༠༨ ལོའི་ཟླ་ ༣ པའི་ཚེས་ ༡༦ ཉིན་རྔ་པ་ཁུལ་དུ་བོད་མི་ཞི་རྒོལ་བ་རྒྱ་དམག་གིས་དམར་གསོད་བཏང་ནས་ལོ་གསུམ་འཁོར་བའི་དུས་དྲན་ཉིན་རང་སྲོག་བློས་གཏོང་གིས་རང་ལུས་མེར་བསྲེག་བཏང་ནས་"༸རྒྱལ་བ་རིན་པོ་ཆེ་བོད་དུ་གདན་འདྲེན་ཞུ་དགོས་པ་དང༌། བོད་རང་བཙན་ཡིན་པའི་"སྐད་འབོད་གནང་རྐྱེན་རྒྱ་དམག་གིས་ཉེས་བརྡུང་ཚད་མེད་བཏང་སྟེ་བཀྲོང་ཡོད།

དང་པོ།
Tapey༢༠༠༩ ཕྱི་ཟླ་ ༢ ཚེས་ ༡༦ ཉིན་རྔ་བ་ཀིརྟི་དགོན་པའི་དགེ་འདུན་པ་རྒྱལ་གཅེས་དཔའ་བོ་བཀྲ་བྷེ་ལགས་ཀྱིས་བོད་བསྟན་སྲིད་ཀྱི་དོན་དུ་རང་ལུས་མེར་བསྲེག་གཏོང་སྐབས། རྒྱ་གཞུང་གི་ཉེན་རྟོག་པས་མེ་མདའ་བརྒྱབས་ཏེ་སྨན་ཁང་དུ་བསྐྱལ་ཡོད་པ་དང། དེའི་རྗེས་ནང་མི་ཚོར་བཀྲ་བྷེ་ལགས་ཀྱི་རྐང་ལག་མ་བཅད་ན་སྲོག་ཉེན་ཡོད་ཚུལ་བརྗོད་ཡོད་ཀྱང། ནང་མི་ཚོས་ངོས་ལེན་བྱས་མེད་པ་དང་རྒྱལ་སྤྱིའི་སྟེང་ནས་གནོན་ཤུགས་སླེབས་པ་སོགས་ཀྱིས་སྐབས་དེར་ཁོང་གི་རྐང་ལག་བཅད་མེད་ལ། ད་ཆར་ཁོང་སི་ཁྲོན་ཁྲིན་ཏུའུ་ས་ཁུལ་གྱི་སྨན་ཁང་ཞིག་ཏུ་ཡོད་ཚུལ་འདུག་ཀྱང། མི་སུ་ཡང་ཐུག་འཕྲད་བྱེད་དུ་འཇུག་གིན་ཡོད་ཚོད་མི་འདུག ནང་མི་དང་ཁོང་དང་འབྲེལ་ཡོད་ཚོས། ད་ལྟ་ཁོང་གི་རྨས་སྐྱོན་དྲག་སྐྱེད་བྱུང་སྟེ་སྨན་ཁང་ནས་ཕྱིར་བུད་ཆོག་ཀྱང། ད་དུང་ཁོང་གི་ལུས་སྟེང་དུ་མེ་མདའི་རྨ་ཤུལ་ལུས་ཡོད་སྟབས་རྒྱ་གཞུང་འབྲེལ་ཡོད་ཚན་པས་ནང་མིར་རྩིས་སྤྲོད་མ་བྱས་པར་བཙོན་པ་ལྟ་བུར་བཀག་ཉར་བྱས་ཡོད་པ་རེད། 

No comments:

Post a Comment

གལ་ཏེ་དགོངས་འཆར་ཡོད་ན་གཤམ་གྱི་ཤོག་སྟོང་དེར་བྲིས། google account ཡོད་ན་དེས་ཆོག མེད་ན་དྲ་ཤོག་གཤམ་གྱི་ anonymous བདམས་སྟེ་ post comment ཐོག་ལ་མནན་ཞིང་སླར་ཡང་ཨང་ཡིག་གི་ལྡེའུ་མིག་དག་མནན་ན་ཆོག

ཆོས་གྲོགས་ལ་ཕུལ་བའི་སེམས་གཏམ།

བདག་གིས་ངོ་ལོ་བཅོ་ལྔའི་གོང་ཙམ་ལ་བྲིས་པའི་སྙན་རྩོམ་ཞིག་ཉེ་ཆར་ལོ་ཤས་སྔོན་དུ། རྒྱ་གར་ལྷོ་ཕྱོགས་མཻ་སུར་སྔ་འགྱུར་རྙིང་མའི་ཆོས་སྡེ་ཆེན་པོ་རྣམ...