ཆེས་མཐའ་མཇུག་གི་མི་སྐད།

༡༡། ནེཌ་མཌ་ཌྲེལ། (Ned Maddrell) སྤྱི་ལོ་༡༨༧༨། ནས་༡༩༧༤ བཞུགས། ཤེས་རྟོགས་བྱུང་གསལ་ལྟར་ཁོང་ནི་མཐའ་མཇུག་གི་མནྶ་ (Manx) སྐད་རིགས་བཤད་མཁན་ཡིན་ལ་གོང་གི་ཌོལ་ལས་ཕན་ཊརེ་ཐ་དང་དུས་མཉམ་ཡིན་པར་བཤད། འོན་ཀྱང་ནེཌ་མ་ཌྲེལ་གྱི་ཐད་ལ་ཡང་འདོད་ཚུལ་མི་འདྲ་བ་འགའ་རེ་ཡོད་པར་གྲགས། གང་ལྟར་ཁོང་ནི་སྐད་རིགས་གཅེས་སྲུང་གི་བགྱི་བ་ལྷུར་ལེན་ནུས་པའི་སྐྱེ་བོ་དམ་པ་ཞིག་ཡིན། སྤྱིར་ཁོ་རང་ཁ་རེག་ནེཤའི་(དབྱིན་ཇིའི་མཚོ་གླིང་ཞིག)ཉ་པ་ཞིག་དང་ཕྱོགས་གང་སར་འགྲུལ་བཞུད་གནང་མཁན་ཞིག་ཀྱང་ཡིན། མི་ཚེའི་མཐའ་མཇུག་གི་ལོ་རབས་ཁ་ཤས་ནང་དུ་ཨེསྶ་ལེའི་ན་གཞོན་སྐད་རིགས་བསྐྱར་གསོ་བའི་དཔུང་ཁག་ལ་མནྶ་སྐད་རིགས་སློབ་འཁྲིད་དང་སྐད་གདངས་ཟིན་ཐོར་བཀོད་པ་སོགས་བྱས་ཏེ་སྐད་རིགས་ཉམས་གསོ་མི་དམན་པ་ཞིག་བྱས་ཡོད་སྟབས། ཁོང་རང་ཉིད་ཀྱི་བྱས་རྗེས་དག་ང་ཚོས་ཅིས་ཀྱང་བསམ་འོས་པ་ཞིག་ཡིན། གང་ལྟང་ཁོང་གྲོངས་རྗེས་སྐད་རིགས་ཉམས་གསོའི་ཐད་དེ་གར་བྷནྶ་ཁོཡིལ་་གྷཱལ་གྷཱ་གྱི་ (Bunscoill Ghaelgagh) ཞེས་པའི་སྔོན་འགྲོ་སློབ་གྲྭ་ཞིག་བཙུགས་ཏེ་མནྶ་ཁོ་ན་སློབ་འཁྲིད་བྱེད་ཀྱིན་ཡོད་པར་བཤད།