ཉོབ་ཏོ།

ཉོབ་ཏོ།
ནམ་ཉོབ་ཐོལ་ལེ་བ་དེ་གསལ་ནས་ཡུན་རིང་སོང་ཡང་།
ང་ནི་གཉིད་ཀྱི་ཉོབ་འོག་ནས་ལང་མ་ཚར།
ལང་གིན་ལང་གིན་ཉལ་འདོད་ལ་ཉལ་གྱིན་ཉལ་གྱིན་གཉིད་འདོད་སོང་།
གཉིད་ཀྱིན་གཉིད་ཀྱིན་འགུལ་མི་འདོད་ན་ལང་ག་ལ་འདོད།
ཉོབ་ཏོ།
ཕྱེ་མི་འདོད་པའི་མིག་ཟུང་བཙན་གྱིས་འདེགས་དུས།
བརྡར་མི་འདོད་པའི་སོ་འཁྲུད་མཆུ་ཟུར་ནས་ངལ་སོང་།
གོམ་པས་འདེགས་འགྱོགས་ཉོབ་འགྲོས་ཀྱིས་བསྐྱོད་དུས།
འགྲོ་བའི་རོགས་པ་ཆད་སྣང་བཟི་སོང་།
ཉོབ་ཏོ།
ཉོབ་ཏོའི་མུན་པ་ཀླད་རྒྱ་ལ་དཀྲིག་དུས།
སྤྲོ་བའི་འོད་སྣང་མེ་སྟག་ཙམ་ཡང་མ་མཆིས།
ཞིམ་པའི་བཟའ་བཏུང་ལྕེ་ཐོག་དུ་བཞག་ཀྱང་།
མྱོང་བའི་བྲོ་བ་ལྕེ་གཏིང་ནས་ཡལ་སོང་།
ཉོབ་ཏོ།