ལྷ་ཡི་འཁྲུངས་ས།

རིན་པོ་ཆེ།

ལྷ་ཡུལ་ཡོ་རོབ་གླིང་ན། །

ལྷ་ལས་ལྷ་ཁང་གཡར་ཏེ། །

ལྷ་མོ་ཞིག་དང་ལྷན་དུ། །

ལྷ་ཁྱེད་འཁྲུངས་ས་བསྐྱོན་འདུག །

ལྷ་རྒྱན་རིག་ལྔས་མཛེས་པའི། །

ལྷ་མོ་སྒེག་ལྡན་ཟུང་གིས། །

ལྷ་མཆོག་ཡབ་ཡུམ་གཉིས་ལ། །

ལྷ་ཡི་བསྙེན་བཀུར་ཞུས་འདུག །

ལྷ་རོལ་རྔ་གླིང་ཁྲོད་དུ། །

ལྷ་དར་སྐུ་ལ་གསོལ་བཞིན། །

ལྷ་མིན་མི་ལས་འདས་པའི། །

ལྷ་ཡི་གཉེན་སྟོན་བྱས་འདུག །

ལྷ་ཆེན་ཡིན་དབང་འགུག་པའི། །

ལྷ་མོ་སྒྲོལ་མ་དཀར་མོ། །

ལྷ་ཁྱོས་ཁབ་ཏུ་བཞེས་དུས། །

ལྷ་མཆོག་སྟོན་པ་དགྱེས་སོང་། །

སྤྲུལ་སྐུ་ཨོ་རྒྱན་ཉི་མས་ཨིན་ཇི་རྒྱལ་ཁམས་སུ་འཁྲུངས་ས་བསྐྱོན་སྐབས་ཕུལ།