ཆེས་ཐ་མའི་མི་སྐད།

དགུ་པ།

ཨལྷྥུ་པལ་མར།(Alf Palmer 1891 – 1981)ནི་ཝ་རུང་གྷའི་སྐད་རིགས་སྨྲ་མཁན་ཐ་མ་དེ་རེད། ཁོང་ནི་ཨོ་སི་ཊོ་ལི་ཡའི་ཁུ་ཡེན་ལན་ཌི་(Queenland)སྟེ་རྒྱལ་མོའི་ས་ཆ་ཟེར་བའི་ཊོན་ཝིལ་ན་སྐྱེས་ཤིང་ཐ་མ་ས་གནས་དེ་ག་རང་དུ་གྲོངས་ཡོད་པ་དང་པར་རིས་ནང་གི་གཡོན་ཕྱོགས་སུ་བཞུགས་མཁན་དེ་ཡིན། ཁོང་ནི་ས་གནས་དེའི་ཡུལ་མི་ཡིན་སྟབས་རང་གི་ཕ་སྐད་སྨྲ་ཐུབ་པ་མ་ཟད། ཁོང་གིས་མི་ཚེའི་ནང་ཉི་ཧོང་དང་ཨོ་སི་ཊི་ལ་ཡིའི་ནང་ནས་སྐད་རིགས་ཉམས་གསོའི་བྱ་བར་འབད་བརྩོད་གང་ཐུབ་གནང་ཡོད།
གང་ལྟར་ད་ཆ་ངས་བཀོད་ཀྱིན་པའི་སྐད་རིགས་འདི་དག་ནི་ལོ་རྒྱུས་ནང་གི་ཟིན་ཐོ་ཙམ་ཞིག་དུ་གྱུར་ཟིན་པ་རེད། དེས་ན་ད་ལྟའི་ལྕགས་གཟེབ་ཏུ་བསྡམས་པ་འདྲ་བའི་ང་ཚོ་བོད་གངས་པའི་ཕ་སྐད་འདིའི་མ་འོངས་པའི་གནས་སྟངས་གང་འདྲ་ཡིན་ན་བསམ་བཞིན་ང་རྒྱུན་དུ་ཕངས་སེམས་དང་ཞེད་སྣང་གཉིས་ཀ་སྐྱེ་བཞིན་ཡོད། །