བི་མའི་རྣམ་སྤྲུལ་ལྡང་མ་ལྷུན་རྒྱལ།

བྲག་དཀར་ཆོས་ཀྱི་དབང་ཕྱུག «བི་མའི་རྣམ་སྤྲུལ་ལྡང་མ་ལྷུན་རྒྱལ་». In «ཆོས་ཀྱི་དབང་ཕྱུག་གསུམ་འབུམ་» Sawayambhunath, Kathmandu: Khenpo shedup Tenzin, 2011, vol. 13, pp. 446.4–448.2.

བི་མའི་རྣམ་སྤྲུལ་ལྡང་མ་ལྷུན་རྒྱལ་དང་། །

ལྕེ་སྟོན་ནག་པོ་ཞང་སྟོན་བཀྲ་རྡོ་རྗེ། །

མེ་ལོང་རྡོ་རྗེ་དུང་མཚོ་རས་པ་དང་། །

སྒོ་བ་གཡུ་སྒོམ་རྣམས་ལ་གསོལ་བ་འདེབས། །

ཞེས་པས། གུ་རུ་ལྡང་མ་དགེ་མཆོག་གི་སྲས་ལྡང་མ་ལྷུན་གྱི་རྒྱལ་མཚན་ནི། དབུར་སྟོད་དུ་འཁྲུངས། སྐུ་ཆུང་ངུ་ནས་དགེ་བསྙེན་གྱི་བསླབ་པ་ལ་གནས་པར་མཛད། དགུང་ལོ་ཉི་ཤུ་རྩ་ལྔའི་སྟོང་དུ་སྔགས་བདག་གཟའ་དང་དམ་ཅན་གསུམ་གྱི་ལུང་བསྟན་ལ་བརྟེན །དབུ་རུ་ཞྭའི་ལྷ་ཁང་ནས་རྫོགས་པ་ཆེན་པོ་རྒྱུད་བཅུ་བདུན། བི་མ་ལའི་སྙིང་ཐིག་མན་ངག་བརྒྱ་དང་བཅུ་དགུ་ལས་ཕྲན་དང་བཅས་པ། གཞན་ཡང་དམ་པའི་ཆོས་བསམ་གྱིས་མི་ཁྱབ་པ་གཏེར་ནས་སྤྱན་དྲངས་སོ། །བླ་མ་འདི་ནི་ལོ་བརྒྱ་བརྒྱ་ན་བི་མ་ལའི་སྤྲུལ་པ་རེ་རེ་བོད་ལ་བྱོན་པ་དེ་ཡིན་པར་གྲགས་ཤིང་། ཤངས་ལ་ཨའི་རི་མོ་ཐིག་ལ་ཁད་ཡོད་པ་དང་། ཞལ་ནས་སཾ་སྐྲྀ་ཏའི་གསུང་རྒྱུན་མི་འཆད་པར་སྒྲོགས་པ་དང་། ཐུགས་ལ་སེམས་ཅན་ལ་ཤས་མི་བཟོད་པའི་སྙིང་རྗེ་རྒྱུན་མི་འཆད་པར་ཡོད་པར་གསུངས། དེ་ནས་གདམས་པའི་བདག་པོ་སྐལ་ལྡན་འཚོལ་བར་གཙང་དུ་ཕེབས། ལྕེ་བཙུན་སེང་གེ་དབང་ཕྱུག་དང་རི་གཟར་རྒོད་པོ་ལུང་དུ་མཇལ་ཏེ། ཕྱི་མའི་ལོར་ཁ་རག་ཕུག་ཏུ་མཇལ་བའི་དུས་བཏབ། ཁྲ་ཟླ་བའི་ཚེས་བཅོ་ལྔར་དཔོན་སློབ་མཇལ་ཏེ། །ཕྱི་མའི་ལོར་ཁ་རག་ཕུག་ཏུ། གདམས་པ་རྣམས་ཡོངས་སུ་རྫོགས་པར་གནང་། དམ་པའི་ཆོས་རྣམས་དབུས་གཙང་ཁམས་གསུམ་དུ་དར་རྒྱས་ཆེ་ཞིང་། ལྡང་མ་ནི་དབུ་རུ་ཞ་ལྷ་ཁང་དུ་སྐུ་གཤེགས་ཤིང་། ཕུང་པོ་རིང་བསྲེལ་གྱིས་གཅལ་དུ་བཀྲམ། ཐམས་ཅད་ངོ་མཚར་བའི་གནས་སུ་གྱུར་ཏོ། །

ཏོག་དབྱིབས་ནད་ཀྱིས་བལ་པོ་བཅུ་བཞི་འདས་གྲོངས།

Published: April 13, 2020 9:10 am –– (ཨོ་རྒྱན་རིག་འཛིན་ནས་བསྒྱུར།)

HIMALAYAN NEWS SERVICE (ཧི་མ་ལ་ཡའི་གསར་འགྱུར་ཞབས་ཞུ།)

ཀ་ཐ་མན་ཌུ། ཕྱི་རྒྱལ་ལ་ཡོད་པའི་བལ་པོའམ་ནེ་པལ་རྒྱལ་ཁོངས་ཀྱི་མི་རིགས་བཅུ་བཞི་ཏོག་དབྱིབས་ནད་དུག་གི་རྐྱེན་པས་འདས་གྲོངས་སུ་གྱུར་ཡོད་ཚུལ་གཏན་སྡོད་མིན་པའི་ནེ་པལ་ཚོགས་པ་ (Non-Resident Nepal Association) ནས་རེས་གཟའ་ཉི་མའི་ཉིན་བཤད་ཡོད།

འཕྲོད་བསྟེན་ལྷན་ཚོགས་ཀྱི་དབུ་ཁྲིད་སྐུ་ཞབས་ཀུ་མར་་པཏྣ་ལེད་ (NRNA President Kumar Panta-led Health Committee) ཀྱིས་གསལ་བཤད་བྱས་པའི་ཆ་འཕྲིན་ལྟར་ན། ཕྱི་རྒྱལ་ལ་ཡོད་པའི་བལ་པོའམ་ནེ་པལ་ཡུལ་མི་དབྱིན་ཡུལ་ནས་ནས་མི་ 8 དང་། ཨ་རི་ནས་ 5 ཨ་རབ་མཉམ་འབྲེལ་རྒྱལ་ཁབ་ནས་ 1 བཅས་བསྔོམས་པས་མི་ 14 འདས་གྲོངས་སུ་གྱུར་ཡོད་པ་དང་། 

དེ་བཞིན་ཕྱི་རྒྱལ་ལ་ཡོད་པའི་ནེ་པལ་ཡུལ་མི་ཏོག་དབྱིབས་ནད་དུག་ཕོག་མཁན་ཡང་གང་མང་ (662) ཞིག་ཡོད་པ་སྟེ། ཨ་རི་ (USA) ལ་སྔོད་མཁན་ 500 དང་། དབྱིན་ཡུལ་ (England) དུ་ 100 སུ་པན་ (Spain) ལ་ 18 ཨ་རབ་མཉམ་འབྲེལ་ (UAE) ལ་ 10 འཇར་མི་ནས་ (Germany) ལ་ 4 ཕོར་ཏུ་གལ་ (Portugal) ལ་ 8 ཨོ་སུ་ཏྲོ་ལི་ཡར་ (Australia) 9 སཽ་དི་ཨ་རབ་བྷི་ཡ་ (Saudi Arabia) ལ 4 ཀུ་ཝཻ་ཏི་ (Kuwait) ལ་ 5 དེ་བཞིན་འཇར་པན་ (Japan) དང་མ་ལས་ཤི་ཡ་ (Malaysia) མ་ཡན་མར་ Myanmar) ཧོང་ཀོང་ (Hong Kong) རྣམས་པ་རེ་རེ་བཅས་ཁྱོན་བསྡོམས་དྲུག་བརྒྱ་དྲུག་ཅུ་རེ་གཉིས་ (662) ན་ཡོད་པ་རེད།

ཌི་ཌོལ་དང་དུག་སེལ་སྨན་ཆུ་འཐུང་ནས་ཤི་རྐྱེན་བྱུང་སྐོར།

Kenya Today: 2020, March, 19, by Sasha Kapur 

• ལྷོ་ཨ་ཧྥི་རི་ཁའི་ཆོས་དཔོན་ཞིག་གིས་གཙང་བཟོའི་འཐོར་ཆུ་ཌི་ཌོལ་ (Dettol) བླུད་དེ་མི་ལྔ་དྲུག་ཤི་བ། 

ལྷོ་ཨ་ཧྥི་རི་ཁའི་ཆོས་དཔོན་རུ་ཧྥུས་ཕ་ལས་ (Rufus Phala) ཁོང་རང་གི་དད་ལྡན་པར་ཏོག་དབྱིབས་ནད་ཡམས་ལ་ཕན་པར་སྙམ་སྟེ། ཁང་པ་གཙང་བཟོའི་ཌི་ཌོལ་ (Dettol) འཐུང་བཅུག་པས་མི་ལྔ་བཅུ་ང་དྲུག་འདས་གྲོངས་སུ་གྱུར་པ་དང་དུས་མཚུངས་མི་བཞི་ཚབས་ཆེན་གྱི་གནས་སུ་ལྷུང་ཡོད། དེ་ཡང་ཌི་ཌོལ་འཐུང་བཅུག་པ་དེ་ཏོག་ནད་ལ་ཕན་རེ་ཙམ་མིན་པར་ལྷ་ཁང་གི་བྱིན་རྟེན་དུ་བརྩིས་ཏེ་འགྲེམ་སྤེལ་བྱས་ཡོད།

• ཨི་རན་བས་གཙང་བཟོའི་ཨ་རག་(neat alcohol)འཐུང་སྟེ་མི་དྲུག་བརྒྱ་ལྷག་ཤི་བ།

ཨི་རང་བའི་ཡུལ་མི་ ༦༠༠ ལས་བརྒལ་བས་ཏོག་དབྱིབས་ནད་དུག་འགོག་ཐུབ་པར་ཡིད་ཆེས་བྱས་ཏེ་གར་ཚད་མཐོ་བའི་ཆང་བཅུད་འཐུང་ནས་ཤི་ཡོད་འདུག

དབྱི་རན་ཕྱེད་གཞུང་ཕྱོགས་ཀྱི་ཏ་སི་ནིམ་གསར་འགྱུར་ཁང་ (Tasnim News Agency) གིས་དབྱི་རན་ཁྲིམས་འཛིན་སྡེ་ཚན་གྱི་མགྲིན་ཚབ་པ་གྷུ་ལམ་་ཧུས་སཻན་་ཨི་ས་མཱི་ལི་ (Ghulam Hussein Ismaili) སྐད་ཆ་དྲངས་ནས་བཤད་དོན། གཙང་སེལ་ཨ་རག་འཐུང་རྐྱེན་མི་འབོར་ཆེན་ལ་སྲོག་སྐྱོན་ཐེབ་པའི་དཀའ་རྙོག་བྱུང་ཞིང་། ད་རུང་མི་ ༣༠༠༠༠ ལྷག་ཙམ་ལ་གཙང་སེལ་ཨ་རག་འཐུང་བའི་རྐྱེན་གྱིས་དུག་ཕོག་ཡོད་པ་དག་ལ་སྨན་བཅོས་བྱེད་ཀྱིན་ཡོད། ཡང་ཁོང་གིས་ཨི་རན་གྱིས་ཁྲིམས་འགལ་ངང་ཐོན་སྐྱེད་བྱས་པའི་ཨ་རག་ཉིང་ཁུའི་འཐུང་ཆུ་མང་པོ་ཞིག་ལ་བདེ་ཐང་ལ་འགན་ལེན་ཡོད་པའི་དགོས་ངེས་ཀྱི་ཚད་གཞི་འདང་གི་མེད་པ་མ་ཟད། དེའི་རྐྱེན་གྱིས་མི་མང་པོ་ཞིག་འཛིན་བཟུང་བྱས་ཡོད་ཅེས་བཤད་ཡོད་པ་རེད། གཟའ་མིག་དམར་གྱི་ཕྱི་དྲོར་མི་ ༣༨༧༢ ཏོག་དབྱིབས་ནད་དུག་དེ་རིགས་ཕོག་ནས་རྐྱེན་ལམ་དུ་ཤོར་བ་མ་ཟད། མི་ ༦༣༥༨༨༩ ལ་འགོས་ཡོད་པ་རེད།

• ཏ་མིལ་བ་ཞིག་དུག་སེལ་ཨ་རག་(Sanitizer)འཐུང་ནས་ཤི་བ། ༢༠༢༠། ༤། ༡༤

རྒྱ་གར་ཏ་མིག་ན་དྷུའི་ (Tamil Nadu) ཡུལ་མི་རང་ལོ་ ༣༥ ལ་སླེབས་པའི་སྐྱེས་པ་ཆང་རག་ལང་ཤོར་བ་ཞིག་རྒྱ་གར་ལ་ཏོག་དབྱིབས་ནད་དུག་འགོག་ཆེད་འགྲིམ་འགྲུལ་འགོག་སྡོམ་སྐབས་དུག་སེལ་ཨ་རག་ (Sanitizer) བཏུང་རྗེས་རྐྱེན་ལམ་དུ་ཤོར་ཡོད་པ་རེད། གནས་ཚུལ་སྤེལ་བར་གཞིགས་ན། འདས་པོ་ཁོང་ནི་ཁོ་ཡིམ་བྷེ་ཏྲོར་ཞེས་པའི་ས་གནས་ཞིག་ཏུ་སྡོད་པའི་བྷེ་ནར་ཌི་ (Bernard from Coimbatore) ལགས་ཡིན་པ་ར་སྤྲོད་བྱུང་ཡོད། ཁོང་པ་དེ་གར་སོལ་རླངས་སྐྱེལ་བའི་ལས་ཀ་བྱེད་ཀྱི་ཡོད་འདུག

རེས་གཟའ་སྤེན་པའི་ཞོགས་པ་ཆུ་ཚོད་གསུམ་པའི་གཡས་གཡོན་ལ་བྷེར་ནར་ཌི་དྲན་མེད་དུ་བརྒྱལ་ཡོད་པ་མཐོང་འཕྲལ་ལམ་སང་ཉེ་སྐོར་གྱི་སྨན་ཁང་དུ་བསྐྱལ་ཀྱང་སྐབས་དེར་ཁོང་གྲོངས་ཟིན་ཡོད་པ་དང་། ཁོང་ལ་སྨན་ཁང་ནས་བརྟག་དཔྱད་བྱས་པས་ཁོ་པ་མ་ཤི་བའི་སྔོན་དུ་དུག་སེལ་ཨ་རག་ (Sanitizer) བཏུང་ཡོད་པ་ར་སྤྲོད་བྱུང་ཡོད་པ་རེད།

ཁ་འབྲལ་མི་ཐུབ་པའི་བཟའ་ཚང་གཉིས།

ཨོ་རྒྱན་རིག་འཛིན།

ལྕམ་ཨ་ཌི་རན་ (Adrian) དང་སྐུ་ཞབས་སུ་ཏྲུཊ་བྷེ་ཀར་ (Stuart Baker) གཉིས་གཉེན་བསྒྲིགས་ནས་ལོ་ངོ་ང་གཅིག་འཁོར་ཡོད་པ་དང་། ནང་མི་ཚོས་ཁོང་གཉིས་ལ་ཁ་འབྲལ་མི་ཐུབ་པའི་བཟའ་ཟླ་གཉིས་ཞེས་འབོད་སྲོལ་ཡོད་སྐད། ད་ལན་ 2020 ཟླ་བ་གསུམ་པའི་ཚེས་ 29 ཉིན་ཁོང་གཉིས་ཆ་ཏོག་དབྱིབས་ནད་དུག་གིས་རྐྱེན་པས་སྐར་མ་དྲུག་གི་ནང་གཉིས་ཆ་འདས་གྲོངས་སུ་གྱུར་ཡོད་པ་རེད། 

(CNN) གཉེན་སྒྲིག་བྱས་ཏེ་མི་ལོ་ 51 ལོན་ཞིང་ཕན་ཚུན་ཁ་འབྲལ་མི་ཤེས་པའི་བཟའ་ཚང་འདི་གཉིས་ཨ་རིའི་ཧྥི་་ལོ་རི་ཌའི་ (Florida) ཁོང་གཏོགས་བྷོ་ཡན་ཊོན་་བྷི་ཆི་ (Boynton Beach) ལ་ལས་ཡོལ་གནང་སྟེ་བསྡད་ཡོད་ཅིང་བདུན་ཕྲག་འགའི་སྔོན་བར་ཁོང་གཉིས་གཟུགས་གཞི་ཧ་ཅང་བདེ་ཐང་ཡིན་འདུག ད་ལན་སྤྱི་ཟླ་གསུམ་པའི་ཟླ་དཀྱིལ་ཙམ་ནས་ན་འགོ་ཚུགས་ཤིང་ཟླ་དེའི་རེས་གཟའ་ཉི་མའི་ཉིན་ཁོང་གཉིས་ཆ་ཏོག་དབྱིབས་ནད་དུག་གི་རྐྱེན་པས་སྐར་མ་དྲུག་གི་སྔ་ཕྱིའི་ནང་འདས་གྲོངས་སུ་གྱུར་ཚུལ་ཁོང་གཉིས་པོའི་བུ་བྷུ་ཌས་བྷེ་ཀར་ (Buddy Baker) གྱིས་འགྲེལ་བརྗོད་བྱས་ཡོད།  འདི་ལོ་སྐུ་ཞབས་སི་ཏྲུར་ཊི་་བྷེ་ཀར་ (Stuart Baker) རང་ལོ་ 74 དང་ཆུང་ཨ་ཌི་རན་་བྷེ་ཀར་ (Adrian Baker) རང་ལོ་ 72 ཡིན་པ་རེད། 

• ཐོག་མར་དྲག་སྐྱེད་ཡོང་བའི་རེ་བ།

ཁོང་གཉིས་གཟུགས་གཞི་མ་བདེ་བ་བྱུང་ནས་ཞག་ཤས་སོང་ཡང་དྲག་སྐྱེད་མ་བྱུང་བས་སྨན་པའི་བསམ་འཆར་ལྟར་སྨན་ཁང་ལ་བསྟེན་པ་དང་སྨན་ཁང་ནས་ཁོང་གཉིས་དྲག་སྐྱེད་མ་བྱུང་བར་རང་ཁྱིམ་དུ་ཟུར་འགོག་བྱ་དགོས་པར་གདམས།

བུ་བྷེ་ཀར་གྱིས་བཤད་རྒྱུར། ཁོས་དུས་རྒྱུན་ཤེས་རྟོགས་ཡོང་ཆེད་ཕ་མར་ཁ་པར་གཏོང་གི་ཡོད་མོད་ཁོང་གཉིས་ཕལ་ཆེར་ཇེ་དྲག་སྐྱེད་སོང་མེད་པ་འདྲ། ཉིན་གཅིག་ལ་ཅུང་བདེ་བའི་རྣམ་པ་བྱུང་ཡང་ཉིན་གཉིས་པར་ཡང་བསྐྱར་སྡུག་ཏུ་ཕྱིན་སོང་།

ཉིན་འགའི་རྗེས་སུ་སྟེ་སྤྱི་ཟླ་གསུམ་པའི་ཚེས་ 19 ཉིན་ཁོང་གཉིས་སྨན་ཁང་ལ་ཕྱིར་འབྱོར་སྐབས། བུ་བྷེ་ཀར་གྱི་ཕ་རྒན་ལ་ཚ་བ་དང་དབུགས་འཚང་གི་ནད་རྟགས་བྱུང་ཡོད་མོད་ཁོང་གི་མ་རྒན་ལ་ད་རུང་ཚ་བ་སོགས་ནད་རྟགས་གང་ཡང་མངོན་མེད། 

དེ་ནས་ཆུ་ཚོད་ 48 ཙམ་སོང་རྗེས་ཁོང་གི་ཕ་རྒན་ཚབས་ཆེན་ནད་པ་ལྟ་སྐྱོང་ཁང་དུ་སྐྱེལ་དགོས་ཁེལ་མོད་ནང་མི་ཚོས་སྔར་བཞིན་དྲག་སྐྱེད་ཡོང་རེ་བྱས། ཕ་རྒན་སུ་ཏྲུཊ་་བྷེ་ཀར་ལ་དབྱང་རླུང་ 60% ནས་ 50% བར་འཕར་བས་དྲག་སྐྱེད་ཀྱི་རྣམ་པ་ཡང་ཅུང་བྱུང་།

• ནད་གཞི་སྡུག་ཏུ་སོང་སྟེ་གྲོངས་པ།

དེ་སྐབས་ཁོ་དང་སྲིང་མོ་གཉིས་ཨ་མ་ལ་ལྟ་བར་ཉིན་གཅིག་ལ་ཐེངས་འགའ་སོང་བ་དང་སྐབས་དེར་ཁོང་གཉིས་རླངས་འཁོར་འཇོག་ཁང་གི་ཕྱིར་དང་ཨ་མ་ནང་དུ་བསྡད་ནས་ཐུག་འཕྲད་བྱས། དེ་ནས་ཟླ་བ་གསུམ་པའི་ཚེས་ 24 ཉིན་སྨན་ཁང་ནས་ཁ་པར་ཞིག་འབྱོར་ཏེ་ཁོང་ཚོའི་ཕ་རྒན་ལ་ཏོག་དབྱིབས་ནད་དུག་འགོས་ཡོད་པ་དང་། ཁོང་དྲག་སྐྱེད་ཡོང་བའི་རེ་བ་དེ་ཙམ་མི་འདུག་ཅེས་འཕྲིན་ངན་ཞིག་འབྱོར།

ཁོང་གི་མ་རྒན་ཁྱིན་དུ་ཡོད་སྐབས་ཚ་བ་དང་སེམས་འཚབ་ཀྱི་མངོན་རྟགས་གང་ཡང་མེད་ཀྱང་ཁྱོ་གའི་གནས་ཚུལ་ཤེས་རྗེས་སེམས་ངལ་ཆེན་པོར་གྱུར། དེ་ནི་རྒྱུན་དུ་བྱུང་མ་མྱོང་པའི་གནས་ཚུལ་ཏེ་ཁྱོ་ག་དང་ཁ་བྲལ་ནས་ཞག་ལྔ་ཙམ་སོང་བ་དེས་ཡིན་པར་སྙམ།

གང་ལྟར་གནས་ཚུལ་དེས་ཨ་མ་ལ་བློ་ཕམ་མི་འབྱུང་བའི་ཆེད་དང་ཏོག་དབྱིབས་ནད་དུག་ཡོད་མེད་ལྟ་བར་སྨན་ཁང་ལ་བརྟག་དཔྱད་བྱེད་དུ་འཁྲིད་རྒྱུར་ཁོང་མིང་སྲིང་གཉིས་པོས་ཐག་བཅད། དེ་སྐབས་ཀྱང་ཨ་མ་ལ་ཚ་བ་དང་འབྲེལ་བའི་ནད་རྟགས་གང་ཡང་མངོན་མེད་པས་ཁོང་གཉིས་ཀྱི་ཨ་མ་ལ་སྐྱོན་ཆག་མི་ཡོང་བར་སྙམ།

དེ་འཕྲལ་ཨ་མར་བརྟག་དཔྱད་བྱས་པའི་རྒྱུད་རིམ་སྐར་མ་ཞེ་ལྔའི་ནང་སྨན་པས་བཤད་རྒྱུར་ཨ་མའི་སྲོག་རླུང་ཚད་གཞི་ཧ་ཅང་དམའ་བས་མོ་ཡང་ནད་ལས་ཐར་དཀའ་བར་བཤད།

Adrian and Stuart Baker, 
at the time of their marriage.

དེ་ནས་རིམ་པས་ཕ་མ་གཉིས་པོའི་དབང་པོ་ཉམས་རྒུད་དུ་སོང་བས་བྷེ་ཀར་དང་ཁོང་གི་སྲིང་མོས་ཆེད་ལས་སྨན་བཅོས་མི་སྣའི་བསམ་འཆར་ལྟར་ཕ་མ་གཉིས་ཚེ་མཇུག་གི་གཟིགས་སྐྱོང་ལྟེ་གནས་སུ་སྤོ་རྒྱུ་བྱས། ཕ་མ་གཉིས་ཀ་ཁང་པ་གཅིག་གི་ནང་དུ་སྤོས་ནས་མཐའ་མཇུག་གི་ངལ་གསོའི་ཆེད་དུ་དབུགས་རྔུབ་ཆས་ཀྱང་བླངས་ཏེ། ཁོང་གཉིས་སྐར་མ་འགའི་ཡུན་དུ་མི་ཚེ་གཅིག་གི་ཆེས་མཐའ་མཇུག་གི་ལྷན་འཛོམས་བྱས་ཏེ་འདས་གྲོངས་སུ་གྱུར་ཡོད་པ་རེད། 

ཁོང་གཉིས་ནི་གོ་ལ་འདིའི་ཐོག་གི་མཛའ་བརྩེ་ཧ་ཅང་ཟབ་ཅིང་ལུས་དང་གྲིབ་མ་བཞིན་དུ་ཁ་འབྲལ་མི་གཏུབ་པའི་འགྲོ་བ་མི་གཉིས་དང་གཉེན་སྒྲིག་མི་ཚེ་འཐའ་འཁྱོལ་བྱུང་བའི་བཟའ་ཚང་ཆ་གཅིག་ཡིན་པ་རེད།

ཁེ་ན་ཌའི་སྲིད་བློན་གྱི་ལྕམ་ལ་ཏོག་དབྱིབས་ནད་ཕོག་པ།

13 March 2020 ཁེ་ན་ཌའི་སྲིད་བློན་ལྷན་ཁང་གི་གསལ་བསྒྲགས་ཤིག་ནང་ཁེ་ན་ཌའི་སྲིད་བློན་ཇ་སི་ཏྲིན་ཏྲུ་དེའུ་ (Justin Trudeau) ཡི་ལྕམ་སྐུ་སོ་ཧྥས་གྷི་རེ་གྷཽར་ལགས་(Sophie Grégoire Trudeau) རེས་གཟའ་ལྷག་པའི་དགོང་མོ་ཨིན་ཡུལ་ནས་ཕྱིར་ལོག་རྗེས། ཚ་བ་ཅུང་ཟད་ཡོད་པའི་ཆམ་རིམས་ཤིག་ཕོག་པའི་རྣམ་པ་སྐབས་བརྟག་དཔྱད་བྱས་འབྲས་སུ་ཁོང་མོ་ལ་ཏོག་དབྱིབས་ནད་ཡམས་འགོས་ཡོད་པ་ར་སྤྲོད་བྱུང་ཡོད།

རྗེས་སོར་ཁོ་མོ་དྲག་སྐྱེད་མ་བྱུང་བར་ཟུར་འཇོག་བྱ་རྒྱུ་དང་ད་ལྟའི་ནད་ཀྱི་གནས་སྟངས་འབྲིང་ཙམ་ཡོད་པ་རེད། གཞུང་གི་གསལ་བརྡ་ལྟར་ན་ད་ཆ་སྲིད་བློན་མཆོག་ལ་ནད་རྟགས་གང་ཡང་མེད་ཀྱང་ཟུར་བཀག་ཉིན་ 14 གནང་འཆར་ཡོད་ཀྱང་གཞུང་འབྲེལ་གྱི་ལས་འགན་ཆད་ལུས་མེད་པར་བསྒྲུབ་འཆར་དང་སང་ཉིན་རེས་གཟའ་ཕུར་བུའི་ཉིན་གསུང་བཤད་ཀྱང་སྤེལ་འཆར་ཡོད་པ་རེད།

ཏོག་དབྱིབས་ནད་དུག་གིས་གྲོངས་པའི་རྒྱལ་རྒྱུད་མི་སྣ་དང་པོ།

rincess Maria Teresa de Bourbon 

Parme and her nephew Prince Jaime 

de Bourbon Parme arrive for the 

presentation of her book ion 2014

ཏོག་དབྱིབས་ནད་དུག་གིས་གྲོངས་པའི་རྒྱལ་རྒྱུད་མི་སྣ་དང་པོ། སི་ཕེན་གྱི་བྷཽར་བྷོན་ཕར་མ་ (Bourbon-Parma) རྒྱལརྒྱུད་ཀྱི་སྲས་མོ་དགུང་ལོ་ 86 ལ་སླེབས་པའི་མ་རི་ཡ་ཏེ་རེ་ས་ཏོག་དབྱིབས་ནད་དུག་ཞིབ་བཤེར་ར་སྤྲོད་བྱུང་རྗེས་གྲོངས་ཡོད་པ་རེད། རྒྱལ་ཡོངས་སུ་འདས་པོའི་མི་གྲངས་ 5690 ལ་མྱ་ངན་ཞུས་པ།
First royal death from coronavirus: 86-year-old Princess Maria Teresa of Spain's Bourbon-Parma dynasty dies after testing positive for bug – as nation mourns 5,690 dead

Iranian Doctor sacrificed for her nation and her people

པར་སིག་(ཨི་རན)གི་སྨན་པ་ཤི་རིན་རཽ་ཧ་ནི་ (Shirin Rouhani) ལགས་ཏོག་དབྱིབས་ནད་པར་སྨན་བཅོས་གནང་སྐབས་གྲོངས་པ། 

མིང་ལ་ཤི་རིན་རཽ་ཧ་ནི་ཟེར་བའི་སྨན་པ་ཞིག་གིས་ཏོག་དབྱིབས་ནད་དུག་ཕོག་པའི་ནད་པར་སྨན་བཅོས་བྱེད་སྐབས། སྨན་པ་དང་སྨན་དོན་མི་སྣའི་རོགས་རམ་གྱིས་མ་འདང་བར་བརྟེན། རང་ཉིད་ཀྱི་དབུགས་ཀྱི་རྒྱུ་བ་ཐ་མ་ལ་ཐུག་གི་བར་ནད་པ་མང་པོ་ཞིག་ལ་སྨན་བཅོས་བྱས་ནས་གྲོངས་ཡོད་པ་རེད། 

སྐབས་དེར་མོ་རང་ཉིད་ཀྱང་(ནད་པ་ཡིན་པས་)གནམ་ཁབ་རྒྱག་བཞིན་གཞན་ལ་སྨན་བཅོས་གནང་དགོས་ཁེལ་ཡོད། 

སྤྱིར་ཁོང་ནི་ཨི་རན་ཤོ་ཧོ་ཧ་ད་ (Shohohada) སྨན་ཁང་གི་ཁོག་ནད་ཚན་ཁག་གི་སྨན་པ་དང་དེ་མིན་ཚན་ཁག་གཞན་གྱི་ལས་འགན་ཡང་སྒྲུབ་ཀྱིན་ཡོད། དེ་སྔོན་ཁོང་མོ་སྨན་ཁང་མི་འདྲ་ཕར་ཚུར་གནས་སྤར་ཡང་གནང་མྱོང་ཡོད་པ་རེད། ད་ལན་ཁོ་མོས་སྲོག་ལ་ཐུག་པའི་ཏོག་དབྱིབས་ནད་དུག་གི་འཐབ་རྩོད་ཁྲོད་དུ་རྒྱལ་ཁབ་དང་མི་དམངས་ཀྱི་ཆེད་དུ་རང་སྲོག་བློས་བཏང་བ་རེད། 

Iranian Doctor Shirin Rouhani dies while treating Coronavirus patients.

Iranian doctor, Dr Shirin Rouhani lost her life while treating coronavirus patients. Due to the lack of doctors and medical staff to assist such a large number of patients, she kept treating patients until her last breath. She herself was on IV while treating patients.

Dr. Shirin Rouhani was a physician and general practitioner of Shohada Hospital in Iran, and she lost her life to coronavirus. Although she was moved to different hospitals, she died serving her country’s people in the fight against the deadly coronavirus.

ལུང་བསྟན།

{གནད་དུ་ཁེལ་བའི་ལུང་བསྟན་ཞིག གལ་ཏེ་བོད་ཀྱི་བླ་མ་ཞིག་གིས་ལུང་བསྟན་འདི་འདྲ་ཞིག་ཐིག་ན་ད་ཚོད་འཕུར་གྲབས་ཡོད་ཀྱི་རེད།}

སིལ་ཝི་ཡ་བྷུ་རཱོན་ Sylvia Browne (1936–2013) ཞེས་པའི་ཨ་རི་བ་སྐྱེས་མ་ཞིག་གི་«ཉིན་གྱི་མཐའ་(End of Days)»ཞེས་པའི་ལུང་བསྟན་གྱི་བསྟན་བཅོས་ཤིག་ལས། “2020 ལོའི་གཡས་གཡོན་དུ་གློ་ཚད་དང་འདྲ་བའི་ནད་གཞི་ཚབས་ཆེན་ཞིག་གོ་ལ་ཧྲིལ་པོར་ཁྱབ་ནས་གློ་བ་དང་ཨོལ་ཀྲོང་ལ་གནོད་སྐྱོན་གཏོང་བ་དང་། (ནད་དེས་མི་རྣམས་ཀྱིས་)ཤེས་པའི་སྨན་བཅོས་བྱ་ཐབས་ཚང་མ་ལ་ཕྱིར་རྒོལ་བྱེད། དོན་དངོས་(ནད་)དེ་ཚུར་སླེབས་པ་ནང་བཞིན་གློ་བུར་དུ་(ཕར)ཡལ་འགྲོ་བ་ལས་ནད་ངོས་ཟིན་དཀའ། དེ་ནས་ལོ་བཅུའི་རྗེས་སུ་བསྐྱར་དུ་འོང་ཞིང་དེ་ནས་ཡོངས་སུ་མེད་པར་འགྱུར།” 

Browne 2008; 312: “In around 2020 a severe pneumonia like illness will spread throughout the globe, attacking the lungs and the bronchial tubes and resisting all known treatments. Almost more baffling than the illness itself will be the fact that it will suddenly vanish as quickly as it arrived, attack again ten years later, and then disappear completely.” 

{འོན་ཀྱང་མོས་ལུང་བསྟན་མང་པོ་ཞིག་ཐིག་མེད་པ་སྟེ། དཔེར་ན། 2002 རང་ལོ་ 11 སོན་པའི་ལོར་ཤྭན་ཧོན་བྷེག་ (Shawn Hornbeck) གི་ཕ་མ་ལ་ལུང་བསྟན་དོན། ཤྭན་ཧོན་བྷེག་ནི་སུ་ཕན་མི་རིགས་ཤ་མདོག་ནག་ལ་སྐྲ་སུ་ལུ་རིང་པོ་ཅན་ཞིག་གིས་བཙན་ཁྲིད་བྱས་ཏེ་ད་ལྟ་ཤི་ཟིན་པར་བཤད་ཀྱང་། 2007 ལོ་ཤྭན་ཧོན་བྷེག་གསོན་པོར་རྙེད་ཡོད་པ་དང་། ཁོང་ནི་མི་རིགས་དཀར་པོ་སྐྲ་ཐུང་ཐུང་ཅན་ཞིག་གིས་བཙན་ཁྲིད་བྱས་ཡོད་པ་རེད། ད་རུང་ 2007 ལོར་མོ་རང་ཉིད་ལོ་ 88 ཐུབ་པར་བཤད་ཀྱང་ 2013 ལོར་རང་ལོ་ 77 ལོར་འདས་གྲོངས་སུ་གྱུར་ཡོད།} 

“False Predicted: In 2002, Browne informed the parents of 11-year-old Shawn Hornbeck, who had disappeared earlier that year, that he had been kidnapped by a dark-skinned Hispanic man with dreadlocks and was now deceased. Hornbeck was found alive in 2007; his kidnapper was Caucasian and short-haired. 2003, Browne predicted she would die at age 88. She died in 2013, at age 77.”

«ཁུངས་འདྲེན་ཡིག་ཆ་» = [Sylvia Browne, & Harrison Lindsay. End of Days. New York: Penguin Publishing Group. 2008, ISBN 978-0-525-95067-7]

ཆོས་གྲོགས་ལ་ཕུལ་བའི་སེམས་གཏམ།

བདག་གིས་ངོ་ལོ་བཅོ་ལྔའི་གོང་ཙམ་ལ་བྲིས་པའི་སྙན་རྩོམ་ཞིག་ཉེ་ཆར་ལོ་ཤས་སྔོན་དུ། རྒྱ་གར་ལྷོ་ཕྱོགས་མཻ་སུར་སྔ་འགྱུར་རྙིང་མའི་ཆོས་སྡེ་ཆེན་པོ་རྣམ་གྲོལ་གླིང་གི་དུས་དེབ་«པདྨའི་རང་མདངས་ཀྱི་ལེགས་རྩོམ་གཅེས་བཏུས་དཔེ་ཚོགས་»ལས་«སྙན་རྩོམ་དབྱངས་ཅན་མགྲིན་གླུ་»ནང་དུ་ཚུད་འདུག་པ་དེ་འདིར་བཀོད་ཡོད། «སྙན་རྩོམ་དབྱངས་ཅན་མགྲིན་གླུ་» Byalakuppe, Mysore: «སྔ་འགྱུར་རིག་མཛོད་རྩོམ་སྒྲིག་ལྷན་ཁང་» 2016, pp. 135––140. 

ཆོས་མཐུན་བྱ་བར་དུས་དྲུག་གི་འཁོར་མོར། ། 

ཆོས་བཞིན་སྤྱོད་པའི་ཆོས་ལྡན་གྱི་གྲོགས་པོ། ། 

སྙན་ཚིག་ཉམས་བརྒྱའི་འགྱུར་ཁུགས་རང་མེད་ཀྱང༌། ། 

བཅོས་མིན་སེམས་ཀྱི་ཁ་བརྡ་འདིར་གསོན་དང༌། ། 

ཉམས་དགའི་དབེན་གནས་ནགས་ཁྲོད་དང་བས་མཐར། ། 

རྩེ་གཅིག་སྒོམ་པའི་རྣལ་འབྱོར་འདི་མེད་ཀྱང་། ། 

བཟང་ངན་འཛིངས་པའི་སྤྱི་ཚོགས་ཀྱི་ཁྲོད་དུ། ། 

ཡ་རབས་དམ་པའི་ངང་ཚུལ་འདི་མ་ཤོར། ། 

ཆེ་རྒུའི་མདུན་དུ་ངོ་སྲུང་གི་བཅོས་འཛུམ། ། 

ཉམ་ཆུང་ཐོག་ཏུ་འཕྱ་སྨོད་ཀྱི་ཁྲེལ་འཛུམ། ། 

སོ་ཕྲེང་ངོམས་པའི་རྣམ་འགྱུར་འདི་ཁོ་ནས། ། 

བྱམས་སྡང་སྒྱུ་མའི་གར་རྩེད་དག་མ་སྟོན། །