ང་དང་མི་ཚོ།

མི་ཚོ་སྐྱེ་གཟུགས་ལ་དུང་གི །
ངས་ནི་གཤིས་བཟང་ལ་སྨོན་གི །
ང་དང་ཁོང་ཚོ་གཉིས་བརྩད་དེ། །

ཕམ་ཁ་ང་རང་ལ་སྤྲད་སོང་། །
མི་ཚོས་འཇོན་ཐང་རང་གླེང་གི །
ང་ནི་ཁྲེལ་གཞུང་རང་བསམ་གི །
ཁྲེལ་དང་འཇོན་ཐང་གཉིས་བརྩད་དེ། །

རྒྱལ་ཁ་འཇོན་ཐང་གིས་ཁྱེར་སོང་། །
མི་ཚོས་དེང་རབས་རྐྱང་བསྟོད་གི། །
ངས་ནི་རིག་གཞུང་འདྲ་དྲན་འདུག །
གནའ་རབས་དེས་དུས་དང་རྩོད་པས། །

མཐེ་བོང་དེང་རབས་ལ་བསྒྲེངས་སོང་། །
མི་ཚོས་རྒྱུ་ནོར་རང་གསོག་གི །
ངས་ནི་བདེ་སྐྱིད་རང་འཚོལ་འདོད། །
བདེ་སྐྱིད་རྒྱུ་ནོར་དང་རྩོད་དུས། །
གྱོང་གུད་ང་རང་ལ་རག་སོང་། །