2011/10/31

ཕྱེ་མ་ལེབ།


animated butterfly
མཛེས་པའི་མེ་ཏོག་སྟེང་གི །
ཡིན་འོང་ཕྱེ་ལེབ་ཁྲ་མོ། །
རྩི་བཅུད་བཏུང་བས་མྱོས་ཏེ། །
ལྡེམ་འགྱུར་གར་ལ་རོལ་འགྲོ །
འོག་གི་མེ་ཏོག་བཀྲ་སོང་། །
སྟེང་གི་ཕྱེ་ལེབ་མཛེས་སོང་། །
ཟུར་གྱི་བུང་བས་བརྒྱན་སོང་། །
མཛེས་པས་ཡིན་དབང་ཕྲོག་སོང་། །
མ་རྙིད་མཛེས་པའི་མེ་ཏོག །
ཁྱེད་རང་ཡིན་ན་བསམ་སོང་། །
བཅུད་ལ་རོལ་བའི་ཕྱེ་ལེབ། །
ང་རང་ཡིན་ན་བསམ་སོང་། །
ཞིང་མངར་བཅུད་ཀྱི་ཉིང་ཁུ། །
རྫོགས་མཐའ་མེད་ན་བསམ་སོང་། །
བསྐལ་པ་མེས་ཡིས་ཚིག་ཀྱང་། །
ང་གཉིས་རྟག་ན་བསམ་སོང་། །
འཇིག་རྟེན་མགོ་རྟིང་ལོག་ཀྱང་། །
ང་གཉིས་བརྟན་ན་བསམ་སོང་། །

2 comments:

  1. མེ་ཏོག་དེ་མཛེས་མཛེས་ལྟར་འདུག་ཀྱང་། ཕྱེ་ལེབ་ཁྱེད་ཆགས་པ་རང་མ་གནང་། ཟུར་རྟེན་གྱི་བུང་བ་སེར་པོས། མི་བརྟན་པའི་སྔུན་བརྡ་སྤྲད་འདུག
    གྲོགས་བུ་དགས།

    ReplyDelete
  2. མེ་ཏོག་མཚར་པོ་ཡོད་ན། །རྩི་བཅུད་འཐུང་རྒྱུ་མེད་ཀྱང་། །ལྟད་མོ་མིག་གི་ལོངས་སྤྱོད། །མི་ལྟ་རང་དབང་མི་འདུག །

    ReplyDelete

གལ་ཏེ་དགོངས་འཆར་ཡོད་ན་གཤམ་གྱི་ཤོག་སྟོང་དེར་བྲིས། google account ཡོད་ན་དེས་ཆོག མེད་ན་དྲ་ཤོག་གཤམ་གྱི་ anonymous བདམས་སྟེ་ post comment ཐོག་ལ་མནན་ཞིང་སླར་ཡང་ཨང་ཡིག་གི་ལྡེའུ་མིག་དག་མནན་ན་ཆོག

ཆོས་གྲོགས་ལ་ཕུལ་བའི་སེམས་གཏམ།

བདག་གིས་ངོ་ལོ་བཅོ་ལྔའི་གོང་ཙམ་ལ་བྲིས་པའི་སྙན་རྩོམ་ཞིག་ཉེ་ཆར་ལོ་ཤས་སྔོན་དུ། རྒྱ་གར་ལྷོ་ཕྱོགས་མཻ་སུར་སྔ་འགྱུར་རྙིང་མའི་ཆོས་སྡེ་ཆེན་པོ་རྣམ...