མཛེས་པའི་མེ་ཏོག་སྟེང་གི །
ཡིན་འོང་ཕྱེ་ལེབ་ཁྲ་མོ། །
རྩི་བཅུད་བཏུང་བས་མྱོས་ཏེ། །
ལྡེམ་འགྱུར་གར་ལ་རོལ་འགྲོ །
འོག་གི་མེ་ཏོག་བཀྲ་སོང་། །
སྟེང་གི་ཕྱེ་ལེབ་མཛེས་སོང་། །
ཟུར་གྱི་བུང་བས་བརྒྱན་སོང་། །
མཛེས་པས་ཡིན་དབང་ཕྲོག་སོང་། །
མ་རྙིད་མཛེས་པའི་མེ་ཏོག །
ཁྱེད་རང་ཡིན་ན་བསམ་སོང་། །
བཅུད་ལ་རོལ་བའི་ཕྱེ་ལེབ། །
ང་རང་ཡིན་ན་བསམ་སོང་། །
ཞིང་མངར་བཅུད་ཀྱི་ཉིང་ཁུ། །
རྫོགས་མཐའ་མེད་ན་བསམ་སོང་། །
བསྐལ་པ་མེས་ཡིས་ཚིག་ཀྱང་། །
ང་གཉིས་རྟག་ན་བསམ་སོང་། །
འཇིག་རྟེན་མགོ་རྟིང་ལོག་ཀྱང་། །
ང་གཉིས་བརྟན་ན་བསམ་སོང་། །
མེ་ཏོག་དེ་མཛེས་མཛེས་ལྟར་འདུག་ཀྱང་། ཕྱེ་ལེབ་ཁྱེད་ཆགས་པ་རང་མ་གནང་། ཟུར་རྟེན་གྱི་བུང་བ་སེར་པོས། མི་བརྟན་པའི་སྔུན་བརྡ་སྤྲད་འདུག
ReplyDeleteགྲོགས་བུ་དགས།
མེ་ཏོག་མཚར་པོ་ཡོད་ན། །རྩི་བཅུད་འཐུང་རྒྱུ་མེད་ཀྱང་། །ལྟད་མོ་མིག་གི་ལོངས་སྤྱོད། །མི་ལྟ་རང་དབང་མི་འདུག །
ReplyDelete