2012/02/28

ལྷ་བཤད་རིང་མོ། 2



སྡེ་རྨེ་རུ་ཤོག་ཁ་གསུམ་པོ་འདི། །
ཐག་རྒྱང་རིང་གང་ནས་འོངས་མིན་དང་། །
དུས་སྔ་ཕྱི་ནམ་ཡིན་མ་ངེས་ཀྱང་། །
ཡུལ་གཞན་ནས་གྱར་བའི་ཇག་པ་བདུན། །
གཞིས་ཆགས་པའི་མི་རྒྱུད་ཡིན་རབས་ཟེར། །
ཁ་རྒྱུན་དུ་"རྨེ་རུ་དུད་བདུན་མ། རྐུན་མ་སྐྱ་བདུན་མ། ཞེས་རླུང་ལྟར་གྲགས།"
ཁྱུང་དཀར་ནག་སེར་གསུམ་མ་ཐེ་བའི། །
ཁམས་ཁྱུང་པོའི་མི་སྡེ་འཁྲུལ་མེད་རེད། །
ཁ་འཚོ་ཐབས་ས་མ་འབྲོག་སྡེ་རེད། །
གནའ་དེང་རབས་ཤེས་ཡོན་མེད་ས་རེད། །
བོད་སྒང་པའི་སྤྱི་དོན་མེད་ས་རེད། །
གནའ་བོན་ཆོས་དར་བའི་དགོན་ཤུལ་མོད། །
དེང་བན་གསར་ལྷ་གསོལ་རྟེན་མཁར་མང་། །
སྔགས་རྙིང་མ་མེ་སྟག་ཙམ་ཞིག་ཡོད། །
བན་གསར་མའི་བསྟན་པ་དར་ས་རེད། །
ཆོས་གྲུབ་མཐའི་ཆགས་སྡང་ཆེ་ས་རེད། །
མི་ཡོད་ཚད་ཆོས་པ་ཤ་སྟག་ཡིན། །
ཆོས་བྱས་ཚད་ཕྱོགས་རིས་འཐེན་འཁྱེར་ཡིན། །
ཡུལ་འདི་ནི་ང་ཡི་ཕ་ཡུལ་ཡིན། །

No comments:

Post a Comment

གལ་ཏེ་དགོངས་འཆར་ཡོད་ན་གཤམ་གྱི་ཤོག་སྟོང་དེར་བྲིས། google account ཡོད་ན་དེས་ཆོག མེད་ན་དྲ་ཤོག་གཤམ་གྱི་ anonymous བདམས་སྟེ་ post comment ཐོག་ལ་མནན་ཞིང་སླར་ཡང་ཨང་ཡིག་གི་ལྡེའུ་མིག་དག་མནན་ན་ཆོག