མི་ཡུལ་གྱི་སེམས་མ་རླབས་ཆེན་གྱི་མ་ཡུམ།

«མི་ཡུལ་གྱི་སེམས་མ་རླབས་ཆེན་གྱི་མ་ཡུམ་» འཕྲུལ་དེབ་རིན་མེད་ཕབ་ལེན་ཆོག free download full text of PDF 

ངོ་སྤྲོད།

«མི་ཡུལ་གྱི་སེམས་མ་རླབས་ཆེན་གྱི་མ་ཡུམ་»ཞེས་པའི་དུས་དེབ་འདི་བདག་རང་ཉིད་ཀྱི་མ་ཡུམ་མི་ཡུལ་ནས་ཁ་གྱེས་ནས་བཟུང་རྩོམ་སྒྲིག་བྱས་པའི་དུས་དེབ་གཉིས་པ་དེ་ཡིན་ལ། བོད་ཀྱི་ལོ་རྒྱུས་ནང་ཆེས་ཐོག་མའི་མ་ཡུམ་སྐོར་གྱི་དུས་དེབ་གྲས་ཀྱང་ཡིན། དཔེ་དེབ་འདི་འདྲ་ཞིག་འདོན་དགོས་པའི་དམིགས་ཡུལ་ནི་ང་ཚོ་བོད་ལ་གནའ་ནས་དར་བའི་སྲོལ་ལུགས་བཟང་པོ་སྟེ་ཕ་མར་བྱམས་སྐྱོང་བྱེད་བའི་རིག་གནས་མི་ཉམས་གོང་འཕེལ་དང་། ཉམས་པ་སླར་གསོ་ཡོང་ཆེད་དང་། འགྲོ་བ་མིའི་ཡ་རབས་སྤྱོད་བཟང་ལ་སྐུལ་འདེད་དང་ལེགས་སྐྱེས་ཡོང་བའི་རེ་བའང་ཡོད། དུས་འདིར་མི་རྣམས་ཀྱི་ཀུན་སྤྱོད་དང་། ལྷག་ཏུ་ཆུ་བརྒལ་ནས་ཟམ་པ་བཤིག་མཁན་གྱི་མི་སྣ་ཇེ་མང་དུ་འགྲོ་བཞིན་ཡོད་པས་ང་ཚོས་ལྷག་ཏུ་དོ་སྣང་བྱེད་དགོས་པ་ལས། བརྩེ་བ་མེད་པའི་སྤྱི་ཚོགས་ཏེ་ཡོད་ཚད་སྒོར་མོས་རིན་རྒྱག་དགོས་པའི་སྐབས་ལ་སླེབས་དུས་བདེ་སྐྱིད་ཟེར་བ་ཞིག་གཏན་ནས་མེད་པར་འགྱུར་འགྲོ་བས། ང་ཚོས་ཕ་མེས་ཀྱི་སྲོལ་བཟང་འདི་དར་སྤེལ་ལེགས་པོ་བཏང་ནས་མི་རིགས་ཚང་མས་ཁས་ལེན་དང་གུས་བཀུར་འཐོབ་པ་བྱེད་དགོས། ཕ་མས་བུ་རྒྱུད་གསོ་བ་རྒས་དུས་ལྟ་སྐྱོང་ཆེད་ཡིན་པའི་འདུ་ཤེས་དང་། འགྲོ་བ་ཡོད་དོ་ཅོག་ཕ་མ་མ་བྱས་པ་གཅིག་ཀྱང་མེད་པའི་འདུ་ཤེས་སོགས་ཀྱིས་མ་བུའི་བར་ཁེ་ཕན་གྱི་འབྲེལ་བ་ཡོད་པ་དང་། འདྲ་མཉམ་ཡིན་པ་ལྟ་བུའི་བསམ་བློ་བསྐྱེད་དེ་ཕ་མར་ཚུལ་བཞིན་དྲིན་ལན་མ་འཇལ་བའི་གནས་ཚུལ་ཇེ་མང་འགྲོ་བཞིན་ཡོད། ང་ཚོས་བསམ་གཞིག་ལེགས་པོ་བྱས་ན་འཇིག་རྟེན་འདིར་ཁེ་ཕན་ལ་འབྲེལ་བ་གཏན་ནས་མེད་པའི་བརྩེ་བ་ལྷད་མེད་ཅིག་ཡོད་པ་ནི་ཕ་མའི་བྱམས་བརྩེ་ཡིན། དེ་ལས་གཞན་པ་ཕལ་ཆེར་རང་འདོད་ཀྱི་བློ་འབའ་ཞིག་ལས་གྲུབ་ཅིང་། རང་ཁོ་ནས་ཁེ་ཕན་གཙོ་འཛིན་ཐོག་འབྲེལ་ལམ་འཛུགས་ཀྱིན་ཡོད་པ་རེད། དེས་ན་ད་སྐབས་ཀྱི་དུས་དེབ་འདི་“ངའི་ཨ་མའི་ཕོར་པ་གཙང་མ་ཡིན༌”ཟེར་བ་ཙམ་མ་ཡིན་པར་ང་རང་ཚོ་རང་རང་སོ་སོའི་ཨ་མ་སངས་རྒྱས་གསོན་པོ་ཡིན་ཞེས་ཁྱེད་ཅག་ལ་བརྡ་སྤྲད་པ་ཡིན་ལ། དུས་དེབ་འདོན་ཐེངས་གཉིས་པ་འདི་ནི་དེང་དུས་ཞིབ་འཇུག་ཚད་ལྡན་གྱི་ཐབས་ལམ་སྤྱད་དེ་བརྩམས་པའི་«ཕ་མའི་མདོ་ལ་དཔྱད་པ༌»ཞེས་པའི་ཆེད་རྩོམ་ཞིག་དང་། གཞན་སྙན་རྩོམ་རིགས་འདྲ་མིན་ཉི་ཤུ་ཙམ་ལས་གྲུབ་པ་ཞིག་ཡིན། དུས་དེབ་འདི་བརྒྱུད་ནས་སྐྱེ་བོ་དུ་མ་ཞིག་ལ་ཕ་མའི་དྲིན་ཤེས་པ་དང་དྲིན་བཟོ་ཤེས་པ་ཡོང་བའི་རེ་བ་ཁོ་ནས་ཁྱུང་ཡོན་འབོད་པ་དེས་བྲིས་པའོ། །

སྤྱི་ལོ་ 2024 ཟླ་ 3 ཚེས། 30

前言

“人间的菩萨 伟大的母亲” 这本杂志是母亲病故以来有本人主导发布的第二本纪念类读本, 也是藏族首位涉母类专题读本, 此书发布的初衷为进一步发扬和勉励藏族社会、乃至人类社会孝顺父母的优良传统 。 随着社会的日益进步, 在面对双亲时偶有类似过河拆桥的情景不断显现, 实则消失情感的社会即一切皆有金钱衡量的时光并无任何幸福可言, 至此身处洪流般迅猛的时代潮流下, 我们逐步发扬孝顺至亲的优良民族传统, 让中华同胞、乃至世界民族丛林所赞扬、认可尤为重要, 与此同时, 现今社会不得不承认依旧存在养儿只为防老; 父母子女在宗教层面互存轮回关系而错觉平等等意识形态, 致使原本纯正的至亲关系挂上了利益与公平的枷锁, 可世间最纯正无暇的关系便是父母与子女, 对此本书所呼吁的也不仅仅是自己母亲的饭碗永恒至净的浅表理念, 同时我们也更为倡导母亲乃在世的人间菩萨之理念, 祈祷并盼望众生珍惜与双亲相处的每时每刻, 不遗余力的在有限的时光里孝顺-人间的菩萨, 琼元执笔书写。

4/15/2024

Introduce:

This is the second series of books entitled “The Great Mother and Bodhisattva in The World.” I have published the first one since my mother departed from the human world, and it may be the first series of books on mothers in Tibetan history. The purpose of publishing this book is to preserve and revitalize our ancient culture of parental love and to encourage and contribute to human goodness. At this time, there is an increasing number of people who “cross the river and destroy bridges,” so we need to pay special attention. In a society becoming less loving, people prioritize money over everything, leading to a lack of happiness. Therefore, we must promote this noble tradition of our ancestors so that it will be accepted and respected by all peoples. Furthermore, the idea that parents raise their children to care for them in their old age and view them as equals is not a truth qualified by love. Thus, people fail to properly repay their parents' kindness. If we think carefully, we will see that parental love is the only genuine form of love in the world, devoid of any profit motive. Except for parents, most others are selfish and act only in their own interest. So, this book is not just about honoring my mother's memory; I want to convey that each of our parents is a living Buddha. This second issue of the book includes a research paper entitled “An Examination of the Father and Mother Sūtra,” based on modern research methods, and around twenty articles of various poetic forms. It was edited by Khyung-yön, who hopes that through this book, many people will come to appreciate and reciprocate the kindness of their parents.

April 15, 2024.

འབར་མ་དམག་གཞུང་གི་རྒྱལ་ས་དེར་མིས་བཟོས་འཕུར་མདས་གཏོར་རྒོལ་བྱས་པ།

By Jonathan Head & BBC Burmese,in Bangkok

འབར་མའི་ཕྱོགས་འགལ་བས་ཇུན་ཏ་དམག་གཞུང་གི་རྒྱལ་ས་ནས་པྱི་ཏྭ་(Nay Pyi Taw) ལ་མི་མེད་གནམ་གྲུ་གཏོར་རྒོལ་ཚབ་ཆེན་མཐོང་དཀོན་པ་ཞིག་བྱས་ཡོད་བཤད།

བྲོལ་བྱོལ་གྱི་གནས་བབ་ལ་ཡོད་པའི་མཉམ་འབྲེལ་གཞུང་གིས་བཤད་ན། མཚོན་ཆ་ཁུར་བའི་མི་མེད་གནམ་གྲུ་ཉེར་དགུ་གོ་སྒྲིག་བྱས་ཏེ་གནམ་གྲུ་བབ་ཐང་དང་། དམག་གི་རྟེན་གཞི་གཙོ་ཁག་དམིགས་འབེན་བྱས་ཡོད། ཇུན་ཏ་དམག་གཞུང་གིས་ཟེར་ན་ཁོ་ཚོས་གནམ་གྲུ་དེ་དག་ལས་བདུན་གཏོར་བའི་ཁྲོད་ནས་གཅིག་འབར་བཞིན་བྲོས་སོང་བར་བཤད། མ་ཟད་ཁོང་ཚོས་བཤད་ན་མི་ལ་གོད་ཆག་མ་བྱུང་བར་བཤད། 
དེ་སྔ་མཉམ་འབྲེལ་སྲིད་གཞུང་གི་ཨུང་སན་སུའུ་ཁུའུ་ཨེན་གྱིས་འགོ་ཁྲིད་པའི་མི་མང་བདམས་ཐོན་སྲིད་གཞུང་དེ་མཚོན་གྱི་ཡོད། སྲིད་གཞུང་དེ་ནི་ཕྱི་ལོ ༢༠༢༡ ལོར་མགོ་རྟིང་སློག་དགོས་བྱུང་བ་ཞིག་རེད། ས་ཁྱོན་ཆེན་པོ་ཞིག་ཏུ་སྟངས་འཛིན་གྱི་ནུས་པ་ཤོར་བ་ནས་བཟུང་ཕྱོགས་འགལ་ཚོགས་པས་ཇུན་ཏ་དམག་ལ་འཐབ་རྒོལ་བྱས་ཡོད། རྒྱལ་ཁབ་འདིའི་ལོ་གསུམ་རིང་གི་ནང་འཁྲུག་ཐེངས་གཉིས་པ་དེའི་ནང་མི་སྟོང་ཕྲག་མང་པོ་རྐྱེན་ལམ་དུ་བཏང་ཡོད་པ་དང་། མཉམ་འབྲེལ་རྒྱལ་ཚོགས་ཀྱིས་བཤད་པ་ལྟར་ན། མི་གྲངས་ས་ཡ ༢༦ ཙམ་གནས་སྤོ་བྱས་ཡོད། 
གཟའ་ཕུར་བུའི་ཞོགས་པར་རྒྱལ་སའི་འཇབ་རྒོལ་དེས་རྩ་འཛུགས་ལ་བློ་ཁོག་ཆེན་པོས་བཙན་འཛུལ་བྱེད་པར་འགོག་རྒོལ་བྱེད་པ་མཚོན་ཡོད་པས། ཁོ་ཚོས་དམག་གཞུང་ལ་ངོ་རྒོལ་སྔར་ལས་ནུས་ལྡན་བྱེད་བཞིན་ཡོད།
ནས་པྱི་ཏྭ་ནི་དམག་གཞུང་གི་དབང་ཆའི་ལྟེ་གནས་ཡིན་པ་དང་། དམག་གཞུང་གིས་སྲིད་དབང་བཟུང་རྗེས་ཡང་གོན་གྱི་ཚབ་ཏུ་འདི་ལ་རྒྱལ་ས་བྱས་པ་རེད། སྲུང་སྐྱོབ་ཤུགས་ཆེན་བྱེད་བཞིན་པའི་ཡུལ་འདི་ལ་མཚོན་ན། རྒྱལ་ཁབ་ཀྱི་ས་ཁུལ་གཞན་དུ་བྱུང་བའི་དམག་འཁྲུག་མང་པོ་ཞིག་ལས་གཡོལ་ཐུབ་ཡོད། གྲོང་ཁྱེར་དུ་དམག་དོན་ལྷན་ཚོགས་ཀྱིས་ལོ་འཁོར་གྱི་དམག་དཔུང་ཉིན་མོར་ལྕགས་ཁྲབ་འཁོར་ལོ་དང་། གོ་མཚོན་སྤྲས་པའི་རླངས་འཁོར། དེ་བཞིན་དམག་མི་སྟོང་ཕྲག་མང་པོས་མཚན་མོ་ཁྲོམ་སྐོར་བྱས་པ་རེད།
རེས་གཟའ་ཕུར་བུ ༢༠༠༨ ལོའི་ཟླ ༡༢ ཚེས ༢༠ ཉིན་BBC ལ་བཤད་དོན། ཁོ་ཚོས་སྔོན་ཚུད་ནས་འགོག་སྲུང་རུ་ཁག་ཁ་ཤས་དང་མཉམ་དུ་མི་མེད་གནམ་གྲུའི་ཐོག་ནས་ཕར་རྒོལ་བྱེད་རྒྱུའི་འཆར་གཞི་དང་འཐབ་བྱུས་བཟོས་ཡོད་པར་བཤད།
“མི་མེད་གནམ་གྲུས་པར་རྒོལ་བྱེད་རྒྱུ་དང་དུས་མཉམ་དུ་རྒྱལ་ས་ནས་པྱི་ཏྭ་ (Nay Pyi Taw) ལ་ཡོད་པའི་དམག་གི་རྟེན་གཞི་དང་་་་་གནམ་གྲུའི་ལྟེ་གནས་”སོགས་དམིགས་འབེན་བྱ་རྒྱུ་ཡིན་པ་མཉམ་འབྲེལ་ཚོགས་པའི་དྲུང་ཆེ་གཞོན་པ་མག་མག་སྭེ་ (Mg Mg Swe) བཤད། འཕུར་གྲུ་བཞི་གནམ་ཐང་གི་ཐད་གཞན་གསུམ་དེའི་ལྡོག་ཕྱོགས་ཟ་ཡར་ཐི་རི་གྲོང་གསེབ་ཀྱི་ཉེ་འགྲམ་དུ་གཏོར་ཡོད་པར་བཤད་པ་ལས། གཞན་དག་སྐོར་གང་ཡང་བཤད་མེད་ལ། ལོ་འདིའི་ལོ་མགོར་མཉམ་འབྲེལ་སྲིད་གཞུང་གིས་བཤད་པ་ལྟར་ན། ད་ལྟ་རྒྱལ་ཁབ་ཀྱི་ས་ཁྱོན་བརྒྱ་ཆ་དྲུག་ཅུ་ལྷག་ཙམ་འགོག་རྒོལ་དམག་དཔུང་གི་དབང་སྒྱུར་འོག་ཏུ་ཡོད་ཚུལ་སོགས་འཁོད།

པོ་ལནྜི་སྲིད་བློན་གྱིས་ཡོ་རོབ་ཡུལ་གྲུ་ཁག་ལ་ཉེན་བརྡ་བཏང་བ།

By Paul Kirby,BBC News

པོ་ལན་གྱི་སྲིད་བློན་ཌོ་ནལྜ་ཊུ་སི་ཀི་ (Donald Tusk) ཉེན་བརྡ་བཏང་དོན། ཡུ་རོབ་གླིང་དམག་འཁྲུག་དུས་རབས་སྔོན་མ་ལ་སླེབས་ཟིན་པ་དང་། གལ་སྲིད་ཨུ་རུ་སུས་ཡུག་ཁི་རན་ཕམ་ཉེས་བཏང་བ་ཡིན་ན། ཡུ་རོབ་ཀྱི་མི་སུ་ལའང་བདེ་འཇགས་ཀྱི་ཚོར་སྣང་མི་འབྱུང་མི་ཐུབ་ཅེས་བཤད་ཡོད།
"ངས་མི་སུ་ཞིག་ལ་ཡང་འཇིགས་སྣང་སྐུལ་འདོད་མེད་ཀྱང་། ད་ལྟའི་དམག་འཁྲུག་ནི་ཚོད་དཔག་ཙམ་མ་ཡིན་པར་དངོས་ཡོད་གནས་ཚུལ་ཡིན་ཞིང་། འདི་ལོ་གཉིས་ཀྱི་སྔོན་ནས་འགོ་ཚུགས་པ་རེད།" ཅེས་ཡོ་རོབ་གསར་ཁང་དུ་བཤད།
ཁོང་གི་སྐད་ཆ་འདི་དག་ལས་ར་ཤི་ཡའི་མེ་ཤུགས་འཕུར་མདའི་ཆར་རྒྱུན་དྲག་པོ་ཞིག་གིས་ཡུག་ཁི་རན་ལ་ཕབ་བཞིན་པ་དེ་མཚོན་གྱི་ཡོད། ཉེ་བའི་བདུན་ཕྲག་འགའ་ཤས་ཀྱི་རིང་ལ། ར་ཤི་ཡས་ཡུ་ཁུ་རཱན་ལ་མེ་སྒྱོགས་ཀྱི་དྲག་རྒོལ་ཤུགས་ཆེར་བྱས།
ཡུ་ཁུ་རཱན་མཁའ་དམག་དཔུང་སྡེས་བཤད་ན། ར་ཤི་ཡའི་མིས་བཟོས་འཕུར་མདའ་ ༥༨ དང་མེ་ཤུགས་འཕུར་མདའ་༢༦ གཏོར་ཡོད་ཚུལ་བཤད་ཡོད་ལ། སྲིད་བློན་ཌེ་ནས་ཤུ་མེ་ཧལ་ (Prime Minister Denys Shmyhal) གྱིས་བཤད་ན། ཨུ་རུ་སུའི་དམག་དཔུང་གིས་ཡུ་ཁུ་རཱན་གྱི་ཤར་ནུབ་དབུས་བཅས་ཀྱི་ས་ཁུལ་དྲུག་གི་དམག་དོན་ནུས་ཤུགས་ཀྱི་རྨང་གཞི་ལ་ཉམས་དམས་བཏང་ཡོད་ཚུལ་བཤད་ཡོད།
ཡུ་རོབ་གྲོས་ཚོགས་ཀྱི་ཚོགས་གཙོ་ཟུར་པ་ཊུ་སི་ཀིས། "ར་ཤི་ཡའི་སྲིད་འཛིན་ཝི་ལ་ཌི་མིར་པུ་ཏིན་ (Vladimir Putin) གྱིས་ར་ཤི་ཡའི་རྒྱལ་ས་མོ་སི་ཁོའི་ཁི་རོ་ཁེ་སི་གྲོང་ཁྱེར་གྱི་ཚོམས་ཆེན་ལ་འཇབ་རྒོལ་བྱས་པའི་སྐོར་ལ་ཁུངས་སྐྱེལ་གང་ཡང་མེད་ཀྱང་ཡུ་ཁེ་རན་ལ་ཁག་དཀྲི་བྱས་ཟིན་པས། ཡུ་ཁུ་རཱན་མི་སེར་ལ་དྲག་རྒོལ་བྱེད་ཤུགས་ཇེ་ཆེར་འགྲོ་བཞིན་པ་དེ་ལ་རྒྱུ་མཚན་ལྡན་པར་བཤད། དེ་བཞིན་ཁོང་གིས་གཟའ་འཁོར་འདིའི་སྟོད་ལ་ར་ཤི་ཡས་མྱུར་ཚད་ཆེ་བའི་མེ་ཤུགས་འཕུར་མདའ་ཞིག་ཉིན་མ་ཁ་གསལ་ངོ་གསལ་ལ་ཡུ་ཁུ་རཱན་གྱི་གྲོང་ཁྱེར་ཀྱིབ་ (Kyiv) ལ་བཙན་རྒོལ་བྱས་ཡོད་པར་བཤད།

ཁོང་གིས་ལོ་སྔོན་མའི་ལོ་མཇུག་ཏུ་ཕོ་ལན་གྱི་སྲིད་བློན་ལས་ཁུར་བསྐྱར་བཞེས་གནང་རྗེས་ཕྱི་རྒྱལ་གྱི་གསར་འགོད་པར་བཀའ་འདྲི་ཞུས་པའི་གོ་སྐབས་དེ་བེད་སྤྱད་དེ། ཡུ་རོབ་ཀྱི་འགོ་ཁྲིད་ཚོར་ཐད་ཀར་ཉེན་སྲུང་གི་སྟོབས་ཤུགས་ཆེ་རུ་གཏོང་དགོས་པའི་འབོད་སྐུལ་ཞུས་ཡོད།

ཟླ་བ་བཅུ་གཅིག་པའི་ཨ་རིའི་སྲིད་འཛིན་འོས་བསྡུ་གཉིས་པའི་སྐབས་ཇོ་བྷའི་ཌན་དང་ཌོ་ནལ་ཏྲུམ་གཉིས་རྒྱལ་ཁ་སུ་ལ་འཐོབ་མིན་མ་ལྟོས་པར། གལ་ཏེ་འཐོབ་མཁན་དེས་ཨ་རིའི་དམག་དོན་ཐོག་རང་རྐང་ཚུགས་པ་བཟོ་ཐུབ་ན། ཡོ་རོབ་ནི་ཨ་མཐུན་ཕྱོགས་སུ་འགྱུར་རྒྱུ་ཡིན་པའི་པར་བཤད།

དེ་ནི་ཡོ་རོབ་པས་ཨ་རིའི་ས་ནས་དམག་དོན་གྱི་རང་སྐྱོང་འཐོབ་རྒྱུ་དང་ན་ཊོ་ (NATO) སྒྲིག་འཛུགས་དང་འདྲ་བའི་སྒྲིག་འཛུགས་གཞན་ཞིག་འཛུགས་རྒྱུའི་ཆེད་དུ་མིན། ད་ལྟའི་ཆར་་ཕོ་ལན་ཌིས་དཔལ་འབྱོར་ཐོན་སྐྱེད་ཀྱི་བརྒྱ་ཆ་བཞི་ཙམ་རྒྱལ་སྲུང་གི་ཆེད་དུ་གཏོང་གི་ཡོད་པ་དང་། ཡུ་རོབ་རྒྱལ་ཁབ་གཞན་ཚང་མས་ཀྱང་ཡོ་རོབ་མནའ་འབྲེལ་མཐུན་ཚོགས་དང་མཉམ་དུ་རང་གི་བདེ་འཇགས་ཆེད་དུ་རྒྱལ་ཡོངས་ཐོན་སྐྱེད་ཀྱི་བརྒྱ་ཆ་གཉིས་བཏང་སྟེ། འཐབ་འཛིང་བྱེད་པའི་སེམས་ཀྱི་གྲ་སྒྲིག་ཡོད་པ་བྱ་དགོས་ཞེས་བཤད།

སྲིད་འཛིན་པུ་ཊིན་གྱིས་གཟའ་འཁོར་འདིར་ནེ་ཋོ་རྒྱལ་ཁབ་ཁག་གི་ཕྱོགས་སུ་འཁོན་སེམས་ཀྱི་ཀུན་སློང་མེད་ཅེས་བཤད་ཀྱང་། ར་ཤི་ཡས་ཡུ་ཁུ་རཱན་ལ་དམག་འཁྲུག་བརྒྱབ་ནས་བཟུང་། གྲང་དམག་སྐབས་ནས་བཟུང་ནུབ་ཕྱོགས་རྒྱལ་ཁབ་ཁག་དང་འབྲེལ་བ་ཆེས་དམའ་ཤོས་སུ་གྱུར་ཡོད་ཚུལ་བཤད་ཡོད།

མཚན་མོ་གནམ་ཐོག་ནས་དྲག་རྒོལ་ཐེངས་གཉིས་པ།

ཏ་ལི་བྷན་གྱིས་ཕ་ཁི་སི་ཐན་ལ་ཨཧྥ་གྷ་ནི་སི་ཐན་ནང་མཚན་མོ་གནམ་ཐོག་ནས་དྲག་རྒོལ་ཐེངས་གཉིས་བྱས་པའི་ཁྲོད་བུད་མེད་དང་བྱིས་པ་བརྒྱད་བསད་པའི་ཉེས་འཛུགས་བྱས་ཡོད།

ཏ་ལི་བྷན་གཞུང་གི་མགྲིན་ཚབ་པ་ཟ་བི་ཧུལླཧ་ (Zabihullah Mujahid) ཡིས། མཚན་མོའི་ཆུ་ཚོད་གསུམ་པར་པ་ཀི་སྠན་གྱི་ས་མཚམས་སུ་གནམ་ཐོག་ནས་དྲག་རྒོལ་བྱས་བྱུང་ཞེས་བཤད། པ་ཀི་སྠན་གྱིས་ད་དུང་དེའི་སྐོར་ལ་འགྲེལ་བཤད་གང་ཡང་བྱས་མེད། ཡིན་ནའང་། དེ་ནི་སྲིད་འཛིན་ཨ་སི་ཧྥི་ཨ་ལི་ཛར་དར་ (Asif Ali Zardari) གྱིས་གཟའ་སྤེན་པའི་ཉིན་སུ་ཡིན་མི་ཤེས་པའི་དྲག་སྤྱོད་པས་དམག་མི་བདུན་བསད་པའི་དོན་རྐྱེན་ལ་དྲག་ལན་སློག་རྒྱུའི་དམ་བཅའ་བཞག་པའི་རྗེས་ལ་བྱུང་བ་དང་། སྐབས་དེའི་གཟའ་ཉི་མའི་ཉིན་དམག་མི་གཉིས་ཀྱི་འདས་མཆོད་ཀྱི་མཛད་སྒོའི་སྟེང་། སྲིད་འཛིན་ཛར་ད་རིས་"ཚོགས་པ་དེ་སུ་ཡིན་མིན་དང་རྒྱལ་ཁབ་གང་ནས་ཡིན་མིན་ལ་མ་ལྟོས་པར་འཁོན་ལན་སློག་རྒྱུ་ཡིན་"པའི་སྐོར་གསུངས།

གཟའ་སྤེན་པའི་ཉིན་དམག་སྒར་ཐོག་གི་གཏོར་རྒོལ་དེ་ཨ་ཧྥུ་གྷན་གྱི་ས་མཚམས་ཐག་ཉེ་བའི་ཝ་ཛི་རི་སི་ཐན་ (Waziristan) གྱི་བྱང་ཕྱོགས་སུ་བྱུང་ཡོད། པ་ཀི་སྠན་གྱིས་བཤད་ན་གཏོར་རྒོལ་དེ་ཚོ་ཨ་ཧྥུ་གྷན་ནས་བྱས་པར་བཤད་ཀྱི་ཡོད་ལ། ཉེ་བའི་ཟླ་བ་འགའི་རིང་གཏོར་རྒོལ་ཇེ་མང་དུ་འགྲོ་བཞིན་པའི་གྲས་ཀྱི་གཅིག་ཡིན་པ་ས་གནས་སྲིད་གཞུང་གི་ལས་བྱེད་ཅིག་གིས་མིང་མི་འདོན་པར་ཨ་ཕེ་གསར་འགྱུར་ཁང་ལ་བརྗོད་དོན། གཟའ་ཟླ་བའི་ཞོགས་པ་ཁོསྚི་དང་པཀ་ཏི་ཀ་ (Khost and Paktika) ཁུལ་དུ་དྲག་རྒོལ་བྱས་པ་ནི་གཟའ་སྤེན་པའི་ཉིན་མི་མང་པོ་བསད་པའི་དགྲ་ཤ་ལེན་ཆེད་ཡིན་པར་བཤད།

རྗེས་སུ་ཏཱ་ལི་བྷན་གྱིས་ཁོ་ཚོའི་དམག་དཔུང་གིས་ས་མཚམས་ཀྱི་ཉེ་འགྲམ་དུ་གནས་པའི་པ་ཀིས་ཐན་གྱི་དམག་དཔུང་དམིགས་འབེན་དུ་བཟུང་བ་ཡིན་ཞེས་བསྒྲགས། སྐུ་ཞབས་མུ་ཧ་མད་ (Mr Mujahid) ཀྱིས་པ་ཀི་སྠན་ལ་ཉེན་བརྡ་བཏང་དོན། པ་ཀི་སྠན་རང་གི་མངའ་ཁོངས་ནང་དབང་སྒྱུར་བྱེད་མ་ཐུབ་པ་དང་དཀའ་ངལ་འཕྲད་པ་རྣམས་ལ་ཨབ་གྷན་ལ་ཁག་དཀྲི་མི་ཉན་ཞེས་བཤད། X (formerly Twitter).

ཁོང་གིས་མུ་མཐུད་ནས་བརྗོད་དོན། གནས་ཚུལ་དེ་འདྲ་བྱུང་བ་ཡིན་ན། ཕ་ཁི་སི་ཐན་གྱིས་ཚོད་འཛིན་མི་ཐུབ་པའི་མཇུག་འབྲས་ངན་པ་ཡོང་སྲིད་པར་བཤད།

གནམ་ཐོག་ནས་དྲག་རྒོལ་དེ་དམངས་ཁྱིམ་ལ་དམིགས་ནས་བྱུང་བ་དང་། བུད་མེད་ལྔ་དང་བྱིས་པ་གསུམ་བསད་པ་རེད་ཅེས་གསུངས།

༢༠༢༡ ལོར་ཏ་ལི་བྷན་གྱིས་རྒྱལ་ཁབ་ལ་དབང་སྒྱུར་བསྐྱར་གསོ་བྱས་པན་ནས་གཉིས་བཟུང་། ཨབ་གྷན་ནི་སྠན་དང་པ་ཀི་སྠན་གཉིས་ཀྱི་དབར་དུ་ཛ་དྲག་གི་གནས་སྟངས་ཇེ་ཆེར་སོང་ཡོད།

མཁན་ཆེན་རྣམ་གྲོལ་ཚེ་རིང་ལ་བསྟོད་གླུ།

སྔོན་སྦྱངས་ལས་ཀྱི་འཕྲོ་སད་པས། །

མཚན་ལྡན་བླ་མས་རྗེས་སུ་བཟུང་། །

སྡོམ་གཙང་ཞིང་ས་གཤིན་པོ་རུ། །

མཁས་བཙུན་བཟང་པོའི་འབྲས་བུ་སྨིན། །

འོད་གསལ་སྔ་འགྱུར་སྡེ་གསུམ་ཀླུང་། །

ཁྱེད་ཐུགས་ཟབ་མོའི་ཀློང་དུ་འཁྱིལ། །

ངག་ལ་དབྱངས་ཅན་དཔལ་གྲུབ་པས། །

འཆད་པའི་སྙན་གྲགས་གླིང་འདིར་ཁྱབ།།

གཞན་དོན་ལྷག་བསམ་དཀར་བ་ཡིས། །

བཤད་གྲྭ་སྐྱོང་བཞིན་སྒྲུབ་སྡེ་བཙུགས། །

ཉམས་ཐག་བུ་ཕྲུག་གསོ་སྐྱོང་གནང་། །

མཛད་ཕྲིན་ཆུ་བོའི་རྒྱུན་ལས་རིང་། །

སྔ་འགྱུར་རྒྱལ་བསྟན་སྤེལ་བ་ཡི། །

རྒྱལ་དབང་པདྨའི་ཕོ་བ་དངོས། །

མཁན་ཆེན་རྣམ་གྲོལ་ཚེ་རིང་མཆོག །

སྐུ་ཚེ་མཛད་ཕྲིན་དར་རྒྱས་ཤོག །

    ཚིག་་་་་ཁྱུང་རིག་འཛིན།

རྟ་ཤོད་རྨེ་རུ་དགེ་བསྙེན་དང་གཟིག་མགོའི་བཀོད་པ་མདོ་ཙམ་གླེང་བ།

རྩོམ་པ་པོ། བཙན་རལ།

བལྟས་ན་བརྗིད་ཅིང་ཁྲོ་བོའི་ཉམས་ལྡན་མཐོང་བ་ཙམ་གྱིས་བག་ཆགས་འཇོག །

སོང་ན་རྔམ་ཞིང་གཏུམ་པོའི་ཚུལ་ཡིན་འགྲུལ་པོའི་ཡིད་ནས་བོར་མི་སྲིད། །

རི་དྭགས་གཡུང་དག་བྱ་ཁྱི་གཅན་གཟན་དབྱར་དགུན་སྟོན་དཔྱིད་ཀུན་ཏུ་རྒྱུ། །

སྔོ་ཞིང་དམར་ལ་འཕྲང་རིང་དོག་པོའི་རི་བྲག་འདི་ནི་རྨེ་རུ་འགག །

ཚན་རྩལ་འཕེལ་ཁ་དར་བའི་ཉེར་གཅིག་དུས། །

གནས་བདག་གཞི་བདག་ཡོད་ཀྱང་མེད་ཀྱང་རུང་། །

གནའ་བོའི་ལོ་རྒྱུས་ཡང་ན་སྒྱུ་རྩལ་ཆེད། །

གནའ་གཏམ་གནའ་སྒྲུང་མེད་དུ་མི་རུང་ངོ་། །

ཡེ་གདོད་གཤིས་སུ་རྨེ་རུ་མེད་ཀྱང་རྟ་ཤོད་གཞུང་གི་གནས་འདི་ཆགས། །

ལུང་པ་དམར་ལ་རྟ་དམར་ཁོག་པར་རི་བྲག་བཙན་ཞིང་ངག་རྒྱུན་མོད། །

སྲིད་པའི་ངག་གི་གཏེར་ཁ་བརྡོལ་བའི་ཕ་ས་ཕ་ཡུལ་དམར་ཧྲེང་འདི། །

ཤོད་ཆེན་བཅོ་བརྒྱད་མཚན་ཞིག་སྨོས་ན་ཁྱེད་ནི་དེའི་ཁྲོད་སེང་ལྟར་འགྱིང་། །

ཕ་ཡུལ་བདག་ཏུ་འཛིན་པའི་ཧམ་སེམས་མེད་ཀྱང་། །

སྔོན་བྱོན་གོང་མའི་ངག་དང་མཛད་པར་བརྟགས་ཏེ། །

ཅུང་ཟད་གསལ་ཁ་གཏོད་པའི་ངང་ཚུལ་འདི་ནི། །​​​

ཡུལ་ལ་ཞེན་ཆགས་ཡོད་པའི་དབང་གིས་ལོས་ཡིན། །

དྲང་པོའི་གཏམ་ལ་སུ་ཞིག་འགུ་དུས་མེད་ཀྱང་། །

རྒྱབ་བརྟེན་དཔང་རྟགས་ངག་སྒྲོས་ཡུལ་དང་མཐུན་པའི། །

མཁས་བརྒྱས་དོ་ཟླ་དབེན་པའི་ཡིག་ཆུང་འདི་ནི། །

གཟུར་གནས་བློ་ལྡན་ཚོགས་ཀྱི་སྤྱན་ལམ་བསྟར་རོ། །

རྟ་ཤོད་རྨེ་རུ་དགེ་བསྙེན་དང་གཟིག་མགོའི་བཀོད་པ་མདོ་ཙམ་གླེང་བ།

བལྟས་ན་བརྗིད་ཅིང་ཁྲོ་བོའི་ཉམས་ལྡན་མཐོང་བ་ཙམ་གྱིས་བག་ཆགས་འཇོག །

སོང་ན་རྔམ་ཞིང་གཏུམ་པོའི་ཚུལ་ཡིན་འགྲུལ་པོའི་ཡིད་ནས་བོར་མི་སྲིད། །

རི་དྭགས་གཡུང་དག་བྱ་ཁྱི་གཅན་གཟན་དབྱར་དགུན་སྟོན་དཔྱིད་ཀུན་ཏུ་རྒྱུ། །

སྔོ་ཞིང་དམར་ལ་འཕྲང་རིང་དོག་པོའི་རི་བྲག་འདི་ནི་རྨེ་རུ་འགག །

ཚན་རྩལ་འཕེལ་ཁ་དར་བའི་ཉེར་གཅིག་དུས། །

གནས་བདག་གཞི་བདག་ཡོད་ཀྱང་མེད་ཀྱང་རུང་། །

གནའ་བོའི་ལོ་རྒྱུས་ཡང་ན་སྒྱུ་རྩལ་ཆེད། །

གནའ་གཏམ་གནའ་སྒྲུང་མེད་དུ་མི་རུང་ངོ་། །

ཡེ་གདོད་གཤིས་སུ་རྨེ་རུ་མེད་ཀྱང་རྟ་ཤོད་གཞུང་གི་གནས་འདི་ཆགས། །

ལུང་པ་དམར་ལ་རྟ་དམར་ཁོག་པར་རི་བྲག་བཙན་ཞིང་ངག་རྒྱུན་མོད། །

སྲིད་པའི་ངག་གི་གཏེར་ཁ་བརྡོལ་བའི་ཕ་ས་ཕ་ཡུལ་དམར་ཧྲེང་འདི། །

ཤོད་ཆེན་བཅོ་བརྒྱད་མཚན་ཞིག་སྨོས་ན་ཁྱེད་ནི་དེའི་ཁྲོད་སེང་ལྟར་འགྱིང་། །

​ཕ་ཡུལ་བདག་ཏུ་འཛིན་པའི་ཧམ་སེམས་མེད་ཀྱང་། །

སྔོན་བྱོན་གོང་མའི་ངག་དང་མཛད་པར་བརྟགས་ཏེ། །

ཅུང་ཟད་གསལ་ཁ་གཏོད་པའི་ངང་ཚུལ་འདི་ནི། །​​​

ཡུལ་ལ་ཞེན་ཆགས་ཡོད་པའི་དབང་གིས་ལོས་ཡིན། །

དྲང་པོའི་གཏམ་ལ་སུ་ཞིག་འགུ་དུས་མེད་ཀྱང་། །

རྒྱབ་བརྟེན་དཔང་རྟགས་ངག་སྒྲོས་ཡུལ་དང་མཐུན་པའི། །

མཁས་བརྒྱས་དོ་ཟླ་དབེན་པའི་ཡིག་ཆུང་འདི་ནི། །

གཟུར་གནས་བློ་ལྡན་ཚོགས་ཀྱི་སྤྱན་ལམ་བསྟར་རོ། །

 རྨེ་རུ་འགག་དང་རྟ་ཆུ།

0 ངོ་སྤྲོད་གནད་བསྡུས།

དེ་ཡང་རྨེ་རུ་འགག་ནི་བོད་ཆབ་ཁྱུང་པོ་རྟ་ཤོད་གཞུང་གི་ཟལ་མོ་རི་རྒྱུད་ཀྱི་མདུན་ནས་བབས་པའི་རྟ་ཆུའི་འགྲམ་དང་རྨེ་རུ་གནམ་ལའི་བྱང་ཕྱོགས་སུ་ཡོད་ལ། སྔར་རྨེ་རུ་ཞེས་པ་འདི་ཡི་ཕྱེད་ཙམ་ནི་ཧོར་ཚོ་སོ་དགུའི་མངའ་འོག་དཀར་སྨད་དཔོན་གྱི་མངའ་ཁོངས་ཡིན་མོད། ‘འཕགས་པ་ལྷ་སྐུ་འཁོར་དབུས་གཙང་དུ་སློབ་གཉེར་ལ་འབྱོན་སྐབས་ཡུལ་སྡེ་འདིས་འཕྲོག་བཅོམ་བྱས་མཐར་དཀར་སྨད་དཔོན་གྱིས་འགྱོད་བཤགས་ཀྱི་ཚུལ་དུ་ཕུལ་བ་ཞིག་ཡིན་ཕྱིར་མིང་ལ་རྨེ་རུ་དང་ཆབ་མདོའི་མངའ་ཁོངས་སུ་བྱུང་ཚུལ་འདུག ཡང་བཤད་ཚུལ་གཞན་ཞིག་ལ་འཕགས་པ་ལྷ་སྐུ་འཁོར་ལྷ་སར་འབྱོན་སྐབས་ཀོང་བར་ལ་ནས་རྟ་ཤོད་རྨེ་རུ་ནས་ཡིན་པའི་རྨེ་རུ་ཇག་པ་མི་བདུན་གྱིས་འཕྲོག་བཅོམ་བྱས་མཐར་འགྱོད་བཤགས་ཀྱི་ཚུལ་དུ་སྡེ་བ་འདི་ཆབ་མདོར་ཕུལ་ཞིང་མིང་ལའང་རྨེ་རུ་ཞེས་ཐོག་ཚུལ་འདུག’[འཕགས་པ་ལྷ་མཆོག་གི་སྐུ་ཕྲེང་རིམ་བྱོན་དང་འབྲེལ་བའི་ཡིག་ཆ་འགའ་མཇལ་ཡང་ཁ་གསལ་ནི་མ་རྙེད། འདིར་རྣ་ཐོས་བཀོད་པ་ཡིན།]ཡུལ་འདིའི་བཀའ་བན་བོན་ཀུན་གྱིས་མཆོད་གསོལ་རྒྱུན་མི་འཆད་སའི་རྨེ་རུ་དགེ་བསྙེན་གྱི་གནས་གཞི་ཡང་འདིར་ཡོད་ལ། དེ་འབྲེལ་གྱི་གཟིག་མགོ་དང་། འཇོལ་བཟའ། རྫི་བོ་རི་ལུ། ད་དུང་གླིང་རྗེ་གེ་སེར་དང་འབྲེལ་བའི་ཤྭ་བ་སྐྱ་ཧྲེང་བྲོས་ཤུལ་སོགས་གནའ་གཏམ་མེ་ཏོག་ཕྲེང་སྟར་བཞིན་མཆིས། དེ་ལྟར་གནས་འདིའི་རིག་གནས་དག་རྟ་ཆུའི་སྟོད་སྨད་བར་གསུམ་གྱི་རྒན་པོ་ཚོའི་ངག་སྒྲོས་དང་། ཡུལ་གྱི་དཔང་རྟགས་ལ་གཞི་བཅོལ་ནས་བྲིས་པ་ཞིག་ཡིན།

1 རྨེ་རུ་དགེ་བསྙེན།

སྤྱིར་ན་དགེ་བསྙེན་ཞེས་པ་སོར་སྡོམ་རྒྱུད་ལྡན་གྱི་གང་ཟག་ལ་གོ་དགོས་མོད། ཁོང་ནི་དེ་ལས་འདས་པ་ཡིན། ཉིན་ཞིག་རྨེ་རུ་བསམ་འགྲུབ་དགོན་ནས་ཡིན་པའི་ཚུལ་ཁྲིམས་ཀྱི་དྲི་ཞིམ་འཐུལ་བའི་གྲྭ་པ་ཞིག་མཚམས་ལ་སྡོད་སྐབས། 「བསམ་གྲུབ་དགོན་ནི་གནའ་དུས་རི་བོ་ཆེ་དགོན་ཁྲ་འཁྱིལ་མའི་ཡང་དགོན་གྲྭ་ཚང་གི་བུ་དགོན་ཡིན་ལ། ད་ཆར་ཡང་རྒྱབ་ཀྱི་རི་ཆེན་དེར་ཡང་དགོན་མགོ་ཞེས་འབོད་པ་སོགས་རི་ཆེ་དང་འབྲེལ་བ་མང་། ཆོས་བརྒྱུད་སྟག་ལུང་བཀའ་བརྒྱུད་ཡིན། ཕྱིས་སུ་རི་བོ་དགེ་ལྡན་པར་བསྒྱུར། རིག་གསར་རྗེས་སུ་དཀྱིལ་བསམ་གཉིས་བསྡོམ་ནས་དཀྱིལ་མཁར་དགོན་ཞེས་རི་བོ་དགེ་ལྡན་པའི་བསྟན་པ་རྒྱས་བཞིན་མཆིས་སོ། །」བུད་མེད་ཅིག་གིས་ཆང་ཞིག་ཁུར། ར་ཞིག་ཁྲིད་ནས་ཡོང་སྟེ། འདི་ལྟར། དེ་རིང་ཁྱོད་ཀྱིས་ཡང་ན་མི་ཚངས་པ་སྤྱོད་དགོས། ཡང་ན་ར་འདི་གསོད་དགོས། ཡང་ན་ཆང་དམ་བེ་གང་འདི་འཐུང་དགོས། དེ་གསུམ་གང་རུང་མ་བྱས་ཚེ་ངས་རང་སྲོག་གཅོད་ཀྱི་ཡིན་ལབ་པས། གྲྭ་པས་བསམ་པར། བུད་མེད་ལ་ཆགས་པ་སྤྱད་ན་མི་ཚངས་པའི་ཕམ་པ་འབྱུང་བས་དེ་མི་རུང་། ར་འདི་བསད་ན་སྲོག་གཅོད་ཀྱི་སྡིག་པ་ཚབ་ཆེ་བས་མི་ཉན། དེས་བས་ཆང་འདི་འཐུང་། སྤྱིར་ན་ཆང་འཐུང་མི་ཉེན་མོད། མ་བཏུང་ན་བུད་མེད་འདིས་རང་མེད་བྱེད་འགྲོ་བསམ་ནས་ཆང་དེ་བཏུངས། ཆང་གིས་བཟི་རྗེས་བུད་མེད་དེར་འཁྲིགས་པ་སྤྱད། འཁྲིགས་པ་སྤྱད་རྗེས་ད་ཅི་སྡུག་བྱས་སོང་བསམ་པས་ར་དེའང་བསད། མཐར་བཟི་དྭངས་པ་དང་བདག་ནི་ད་སྔོན་ཚུལ་ལྡན་གྱི་གྲྭ་པ་ཞིག་ཡིན་མོད་ད་ནི་ཡོད་ཚད་ཚར་སོང་བསམ་ནས་སེམས་སྐྱོ་བཞིན། རྨེ་རུ་འགག་གི་བྲག་མགོ་ཞིག་ཏུ་ཕྱིན་ཏེ་གཡང་དུ་ལྕེབས་པས་མགོ་གོག་ནས་བེམ་རོ་དེ་ཕུག་པ་ཞིག་གི་སྒོ་འགྲམ་དུ་འགྲིལ། ཉིན་དེར་རྔོན་པ་ཕ་བུ་གཉིས་རྨེ་རུ་འགག་ཏུ་རྔོན་བྱེད་དུ་ཡོང་བས་ཤྭ་བ་ཞིག་བསད། ཤྭ་རོ་ཁྱེར་ནས་ཕུག་པ་དེའི་ནང་གནས་བཅར་བར་ཡོང་སྐབས་མི་རོ་མགོ་མེད་ཅིག་མཐོང་། དང་པོ་ཕུག་པའི་ནང་དུ་ཤྭ་རོ་དེ་བཤས་ཏེ་ཤ་བཙོས། ཟན་གྱི་ཀོང་བུ་ཞིག་བཅས་ཏེ་དེའི་ནང་ཚིལ་གཏུབ་ཅིག་འཕང་ནས་མར་མེ་སྦར་ཏེ་སྡོད་སྐབས་སུ་གཅིག་གིས་མར་ཀའི་མི་རོ་མགོ་མེད་སྟེང་དུ་ཤྭ་མགོ་འདི་བཞག་ན་གང་འདྲ་ཡོང་ས་རེད་ཟེར་ཞོར་ཤྭ་མགོ་དེ་བཞག །གཅིག་གིས་ཤྭ་མགོ་དེའི་སྟེང་དུ་མར་མེ་དེ་བཞག་ནས་ད་རྒྱུག་སོང་ན་ཅི་འདྲ་ཁེ་མཚར་ཡོང་ས་རེད་བརྫས་པས། མི་རོ་དེ་དེ་མ་ཐག་ཏུ་རྒྱུག་སོང་ངོ་། དེ་ནས་བཟུང་རྨེ་དགེ་བསྙེན་ཟེར་བ་འདི་བྱུང་བ་ཡིན་ལ། རྨེ་རུ་འགག་གི་རྫོང་སྣ་རུ་གནས་བཅས། གཤིས་ཀ་གདུག་རྩུབ་ཅན་དུ་གྱུར། གནའ་སྔ་མོ་རྨེ་རུ་དགེ་བསྙེན་ནི་ཤིན་ཏུ་བཙན་ཞིང་གནས་འདིར་གནས་པའི་མཆེ་སྡེར་ཅན་གྱི་གཅན་གཟན་དང་། རི་ལ་གནས་པའི་རི་དྭགས། བདག་ཏུ་བཟུང་བའི་གཡུང་དྭགས། གནམ་ལ་ལྡིང་བའི་གཤོག་ཅན། ཉིན་ལ་སྐྱེས་པའི་རྩྭ་རྩི། གཞུང་ནས་བབ་པའི་རྟ་ཆུ། སྲིབ་ལ་སྐྱེས་པའི་ལྗོན་ཤིང་། མདོར་ན་སྲོག་ལྡན་གྱི་སེམས་ཅན། སྲོག་མེད་ཀྱི་ས་རྡོ་རི་བྲག ཡུལ་འདིའི་རྩྭ་རྩི་ཐོག་དང་ལྗོན་ཤིང་ནགས་ཚལ་ཀུན་ལ་བདག་ཏུ་འཛིན་མཁན་གྱི་གནས་པ་ཁྱད་པར་བ་ཞིག་ཏུ་གྱུར། དཀར་རྨེ་གཉིས་སོགས་རྩྭ་རྩི་ཤིང་དང་ས་རྐོ་རྡོ་སློག་རྔོན་སོགས་བྱེད་མཁན་བྱུང་ན་ཤིན་ཏུ་གདུག་རྩུབ་ཀྱི་བྱ་བ་སྤེལ། དེ་ལྟར་རྨེ་རུ་འགག་ཏུ་བཙན་པོའི་ས་བཟུང་ནས་བསྡད་རྗེས་ཞག་གཅོད་བཀྲ་ཤིས་དཔལ་བཟང་གིས་བརྟུལ་བའི་ལོ་རྒྱུས་ཡོད་ལ། གནམ་ལྕགས་རྩ་གསུམ་གླིང་པས་བརྟུལ་བའི་ལོ་རྒྱུས་ཀྱང་མཆིས། གང་ལྟར་དམ་ལ་བཏགས་མཁན་སུ་ཡིན་མི་ཤེས་མོད། རྗེས་སུར་བོན་པོ་དང་། རྙིང་མ། བཀའ་བརྒྱུད། དགེ་ལུགས་ཀུན་གྱི་མཁས་གྲུབ་མང་པོས་བསང་གསོལ་གྱི་སྣ་ཚོགས་པ་བྲིས་ཏེ་མཆོད་བསྟོད་བྱས་འདུག

རྟ་ཤོད་རྨེ་རུ་དགེ་བསྙེན་གྱི་མཁར།

2 དམར་སྒག་གཙོ་ལུག’གམ་དམར་འགག་རྟ་ལྟ་དང་རྨེ་རུ་དགེ་བསྙེན།

རྨེ་རུ་དགེ་བསྙེན་དང་དམར་འགག་རྟ་ལྷ་གཉིས་དངོས་སུ་འཐབ་པའི་ལོ་རྒྱུས་ཀྱང་ཡོད་ལ། དམར་འགག་རྟ་ལྷ་ནི་རྨེ་རུ་འགག་དང་ཆེས་འབྲེལ་བ་ཟབ་པའི་མི་སྣ་གལ་ཆེན་ཞིག་ཡིན་པས་ཁོང་གཉིས་ཀྱི་གཏམ་རྒྱུད་དེ་ཡང་འདིར་འགོད་ན། དམར་འགག་ཚང་ནི་དམར་རྫོང་ནང་དུ་ཡོད་ལ། དམར་འགག་རྟ་ལྷ་ནི་དམར་འགག་ཚང་ནས་ཡིན། ཉིན་ཞིག་དམར་འགག་རྟ་ལྷ་རྨེ་རུ་འགག་ཏུ་རྔོན་བྱེད་དུ་ཡོང་ནས་ཤྭ་བ་ཞིག་བསད། དེ་ནུབ་མོར་གནས་དེའི་ཕུག་པ་ཞིག་ནང་བསྡད་དེ་ཤྭ་ཤ་བཙོས། གློ་བ་མེ་ལ་སྲེག་བཞིན་བསྡད་ཙ་ན། རྨེ་རུ་དགེ་བསྙེན་མ་དགའ་བས་གྲྭ་པ་མདོག་ངན་ཞིང་ཤུས་ཞན་པ་ཞིག་ལ་བརྫུས་ཏེ་ཕུག་སྒོ་ནས་ཤ་རལ་གྲོད་རལ་ཞིག་སྤྲད་རོགས་གྱིས་ལབ་པས། རྟ་ལྷ་སྤྲོ་ལང་ནས་མཛོ་ཚུགས་བཅོ་བརྒྱད་ཀྱི་ཡུལ་ལ་མི་གནས་དགོས་རྒྱུ་ཁྱོད་ལ་དགོས་ན་དེ་གྱིས་ཟེར་ཏེ། ཤྭ་གློ་མེ་མ་མུར་དང་བཅས་པ་དགེ་བསྙེན་གྱི་རྩིབ་ཁུག་ལ་བརྒྱབ་པས་དགེ་བསྙེན་ཤིན་ཏུ་སྐྲག་ནས་ཚ་སྒང་བརྒྱུད་དེ་རྒྱལ་འཇོལ་སྟེ་ཁ་བ་དཀར་པོའི་ཕྱོགས་སུ་བྲོས། འདི་ནས་བརྩིས་པའི་མཛོ་ཚུགས་བཅོ་བརྒྱད་ཡིན་འདུག །ད་ཆར་ཚ་བ་སྒང་གི་གམ་གློ་བ་སྣ་ཟེར་བ་དེར་གཞི་ནས་གློ་བ་དེ་གཡུག་པས་ས་དེར་མིང་ཡང་གློ་བ་སྣ་ཞེས་ཐོགས་སྐད་ཡོད། སྐབས་དེར་དམར་འགག་རྟ་ལྷ་ནི་རྨེ་རུ་འགག་གི་ཤ་དར་ཁྲག་དར་གྱི་དཔའ་བོ་དར་མ་ཞིག་ཡིན། རྨེ་རུ་དགེ་བསྙེན་གྱིས་ཁ་བ་དཀར་པོར་གནས་བསྐོར་ཡོང་མཁན་ཁྱུང་པོ་རྟ་ཤོད་ཀྱི་ཨ་ཅོ་ཚོ་ལ་སྐད་ཆ་འདྲི་ནས་དམར་འགག་རྟ་ལྷ་ཤི་ཨེ་འདུག དམར་འགག་རྟ་ལྷ་ཤི་ཨེ་འདུག་ཟེར་ནས་སྐད་ཆ་ཡང་ཡང་འདྲི་བཞིན་ཡོད། ཨ་ཅོ་མང་པོས་ཤི་མི་འདུག་ལབ་པས། ལོ་དུ་མར་འཇོལ་བདེ་ཆེན་ལ་འདུག་དགོས་བྱུང་། མཐར་ཨ་ཅོ་གཞན་ཞིག་ལ་དྲིས་པས་རྒན་པོ་ཆགས་འདུག་ལབ་པའི་གཏམ་ཐོས་རྗེས། དགེ་བསྙེན་ཡར་ཡོང་ནས་དམར་འགག་རྟ་ལྷ་གར་སོང་གར་བསྡད་ཀྱི་རྗེས་དེད་ནས་སོང་། དེ་དུས་དམར་འགག་རྟ་ལྷ་ནི་རྒས་ཤིང་འཁོབས་ཡོད་པས་རྩལ་ལྡན་གྱི་བྱ་བ་གང་ཡང་བྱེད་མི་ནུས། ཉིན་ཞིག་བེའུ་རྫི་ལ་ཡོང་ནས་རྨེ་རུ་འགག་གི་བྲག་སྒང་ཞིག་ཏུ་ཉལ་བསྡད་པས། དེ་མ་ཐག་ཏུ་དགེ་བསྙེན་ཡོང་ནས་བྲག་ལ་རྡོག་བརྒྱབ་པས་བྲག་དེ་ཁེར་ཆད་དུ་བགོས། གཉིད་སད་པ་དང་བྲག་ཐོ་དེ་ནི་མཐོ་ཞིང་གཟར་ལ་ཐར་ལམ་གཞན་མེད་པས་དེའི་སྟེང་དུ་འདུག་དགོས་བྱུང་བ་མ་ཟད་ལྟོགས་སྐོམ་གྱིས་ཤིན་ཏུ་མནར་བས་མར་ཀའི་རྟ་ཆུའི་འགྲམ་གྱི་འགྲུལ་པ་ཚོར། ཆུ་ཞིག་འཐུང་རོགས་གྱིས། རྩྭ་ཞིག་བཟའ་རོགས་གྱིས་ཟེར་ནས་ཡང་ཡང་འབོད་ཀྱིན་ཡོད། དེ་ནི་ད་ལྟའི་རྫི་བོ་རི་ལུ་ཟེར་བའི་བྲག་ཐོ་འདི་ཡིན། ཡང་གནའ་གཏམ་གཞན་ཞིག་ལ། ཕྱུག་པོའི་རྫི་བོ་ཞིག་གིས་བྲོ་ཡི་རི་ལུ་འུར་ཐག་ལ་བཞག་སྟེ་འཕངས་ནས་རྒྱགས་རྩེད་བརྩེས་པས་བྲག་ཐོའི་མགོར་ལྷག་སོང་ཚུལ་ཡང་ཡོད། དགེ་བསྙེན་ད་དུང་སྐྲག་གི་ཡོད་པས་སླར་ཡང་འཇོལ་བདེ་ཆེན་ལ་བྲོས། འཇོལ་བདེ་ཆེན་ལ་འདུག་སྐབས་འཇོལ་བཟའ་མ་ཞིག་ལ་དགའ་ས་སྒྲིག་སྟེ་མངལ་ཆགས། ཡང་ཨ་ཅོ་ཞིག་ལ་དམར་འགག་རྟ་ལྷ་ཤི་ཨི་འདུག་ཅེས་དྲིས་པས། དེས་ཤི་བ་མ་ཟད་རུས་པ་ཡང་བཙའ་འདུག་ལབ་རྗེས། གཞི་ནས་རྨེ་རུ་འགག་ལ་འཇོལ་བཟའ་བུ་ཁུར་མ་དང་གཟིག་ཅིག་ཕྲིད་དེ་ཡོང་། འོན་ཀྱང་ཆུང་མ་སྔུན་མ་མཚོ་སྨན་གྱིས་ཕྲག་དོག་བྱེད་པར་སྐྲག་ནས་འཇོལ་བཟའ་དེ་མཁར་རྫོང་ནང་ཡར་འཁྲིད་མ་ཕོད་པས་རྫོང་མཁར་གྱི་འོག་ཏུ་བཞག ད་ལྟ་འཇོལ་བཟའ་ཟེར་བའི་བྲག་འབུར་བུ་ཁུར་འདྲ་བོ་ཞིག་ཡོད་པ་དེ་ཡིན། གཟིག་དེ་རྫོང་སྣའི་ཕར་གྱི་བྲག་ཐེམ་ཐོག་ཏུ་བཀོས་པས་ད་ཆར་ཀུན་གྱིས་མཐོང་དུ་ཡོད་པའི་གཟིག་མགོ་ཟེར་བ་དེ་ཡིན། དེས་ན་ད་ལྟ་རྨེ་རུ་འགག་གི་གཟིག་ནི་བོད་ཡུལ་ས་ཕྱོགས་གཞན་དང་མི་འདྲ་བར་རྩལ་དྲུག་གཏིང་ནས་རྒྱས་ཤིང་། འཛོམ་དྲུག་ལུས་ལ་ཆགས་དོན་ཡང་དེ་ཡིན། དེ་ལྟར་རྨེ་རུ་དགེ་བསྙེན་ནི་ཡུལ་འདིའི་གནས་བདག་གཞི་བདག་ནང་ནས་གནའ་སྒྲུང་ཆེས་མོད་ས་ཞིག་ཡིན་པ་མ་ཟད། བཀའ་བན་བོན་གྱི་མཁས་གྲུབ་མང་པོས་བསང་ཡིག་དང་ཕྲིན་བཅོལ་མཛད་པ་ཤིན་ཏུ་མང་མོད་ཡི་གེ་མང་བར་དོགས་པས་འདིར་མ་བཀོད། དགེ་བསྙེན་དམ་ལ་བཏགས་རྗེས་དགྲ་ལ་སྡང་ཞིང་རང་ཡུལ་རྟ་ཤོད་གཞུང་གི་མི་ལ་མགོན་སྐྱོབས་དང་དཔུང་གཉེན་ཧ་ཅང་ཆེ་བས། ཐ་ན་བུ་མོ་ཞིག་ས་ཕྱོགས་གཞན་དུ་མནའ་མར་བྱིན་ནའང་ཚུར་རང་ཡུལ་དུ་ཁྲིད་ཡོང་བ་དང་། ཡུལ་འདིའི་མི་དག་དབུས་ཉི་མ་ལྷ་སར་གནས་མཇལ་ཕྱིན་ན་ཡུན་རིང་འདུག་མི་བཅུག་པ་སོགས་བྱེད་དེ་དགྲ་ལ་སྡང་ཞིང་ཡུལ་ལ་མགོན་པའི་བྱ་བ་བྱས་པའི་གཏམ་མང་ངོ་། །

བོན་རྙིང་གཉིས་ཀྱིས་མངའ་གསོལ་ཁྱེད་ལ་ཞུ། །

བཀའ་དགེ་གཉིས་ཀྱིས་གསོལ་མཆོད་ཁྱེད་ལ་བྱེད། །

རྟ་ཤོད་ཕུ་མདའི་དགེ་བསྙེན་གཅིག་པུ་བ། །

དམར་ནག་ཁྲོས་པའི་ཉམས་ལྡན་རྭ་བཅུའི་གདོང་། །

རྟ་ཤོད་རྨེ་རུ་འགག་གི་རྫི་བོ་རི་ལུ་ཞེས་པའི་བྲག་ཁེར་ཆད།

3 མཐོང་ན་མི་སེམས་སྒུལ་བའི་རྨེ་རུ་འགག

རྨེ་རུ་འགག་ནི་ཁྱུང་པོ་སྟེང་ཆེན་རྫོང་གྱང་སྔོན་ཤང་རྟ་ཤོད་ཚུན་གྱི་ས་གནས་སུ་ཡོད་ལ། རྨེ་རུ་འགག་གི་རི་བྲག་རྫིག་ཅིང་དཔང་མཐོ་བ་སྟེ། ཉིན་རི་བྲག་གིས་བཟུང་ཞིང་རི་མགོ་སྤང་གིས་ཁྱབ་པ། །སྲིབ་རི་ཤིང་གིས་བཟུང་ཞིང་གཅན་གཟན་རྩལ་དྲུག་ངོམ་ས། །རི་དྭགས་མ་བུ་འགྲོག་ཅིང་ཤྭ་ཕོའི་ཁྲག་རྭ་རྒྱས་ས། །དམར་ལ་ཁྲག་མདོག་དོད་ཅིང་ཁྲོས་པའི་ཉམས་དང་ལྡན་པ། །བལྟས་ན་རྔམ་ཞིང་བརྗིད་ལ་མཐོང་བས་མི་སེམས་གཡོ་བ། །ལྗང་ལ་ཁ་དོག་སྣུམ་ཞིང་གཡུ་ཡི་མཚོ་མོ་འཁྱིལ་འདྲ། །མཐོ་བ་དགུང་དང་འགྲོག་ཅིང་རི་མགོ་གནམ་ལ་ཟུག་འདྲ། །གཡང་གཟར་ཤིན་ཏུ་བཙན་པས་བྱ་རྒོད་གནས་ཚང་འཇོག་ས། །གཟིག་མགོས་སྲུང་མ་བྱས་ཏེ་རྟ་ཤོད་དགྲ་རྐུན་འགོག་འདྲ། །རྗི་བོས་འགྲུལ་པར་བལྟས་ཏེ་རྟ་ཆུ་ཨེ་འཐུང་སྒུག་འདྲ་སྟེ་མདོར་ན་བཟོ་བཀོད་མཁན་པོས་རྩལ་ལས་འཁྲུངས་པ་ལྟ་བུའི་རྨེ་རུ་འགག་གི་ཕྱིའི་བཀོད་པ་འདི་ནི་ཅི་འདྲའི་ངོ་མཚར་བ་ཞིག་རེད་ཨང་། རྨེ་རུ་འགག་འདིར་གནའ་སྔ་མོ་ད་ལྟ་ནང་བཞིན་ལམ་ཆེན་མེད་པ་མ་ཟད། འགག་འཕྲག་ཤིན་ཏུ་དོགས་ཤིང་རྫོང་བཙན་པས་དམངས་གཙོ་བཅོས་བསྒྱུར་མ་བྱས་གོང་ཕྱོགས་ཀྱི་འགྲུལ་པ་དག་ནི་རྨེ་རུ་གནམ་ལ་བརྒལ་ནས་འགྲོ་འོང་བྱེད་དགོས་པ་ལས་རྨེ་རུ་འགག་ནས་འགྲོ་འོང་བྱེད་ས་མེད། ཕྱིས་སུ་ད་ལྟའི༣༡༧རྒྱ་ལམ་བསྐྲུན་ནའང་། སྣུམ་ལམ་མ་བསྐྲུན་གོང་འགྲིམ་འགྲུལ་གོད་ཆགས་གྲངས་མེད་བྱས་ཡོད་ལ། རི་བྲག་གི་དཔང་མཐོ་ཞིང་ཁ་དོག་དམར་ལ་གཡང་ལམ་ཤིན་ཏུ་དོག་པ་ཡིན་པས་འཇིག་སྣང་སྐྱེ་སའི་རོང་བྲག་ཅིག་དང་། ངོ་མཚར་བའི་རང་བྱུང་གི་བྲག་བཀོད། ལྗོན་ཤིང་། ནག་ཚལ། རྩྭ་རྩི་ཤོག་སོགས་མདོར་ན་མ་ཚང་བ་མེད་པ་ལྟ་བའི་གནས་ཤིག་ཡིན། མཁའ་ལ་ལྡིང་བའི་བྱ་རྒོད་ཐང་དཀར་དང་ཐང་སྨུག གོ་བོ། ཁྲ། གླག །སྐྱུང་ཀ། ཕོ་རོག །བྱ་བྱེའུ་སོགས། མཆེ་སྡེར་ཅན་ཏེ། གཟིག །གསའ་གཟིག །གཡུ། ཕག་རྒོད། དྲེང་མོང་། སྐྱང་ཀི། ཝ། སྦེ་ལ་སོགས། རི་དྭགས་ལ། ཤྭ་བ། གནའ་བ། རྒོ་བ། གླ་བ། རྒྱ་ལ་སོགས་ཧ་ཅང་མང་བས་སྲོག་ཆགས་རེ་རེ་བཞིན་བདག་གིས་བགྲང་བར་མི་ནུས་སོ། །

གནམ་སའི་བར་མཚམས་མཐུད་འདྲའི་རི་བྲག་དང་། །

ས་གཞིའི་རྣ་ལོང་ལྟ་བུའི་མཛེས་ལྗོངས་འདི། །

བི་ཤྭ་ཀརྨས་བཟོས་འདྲའི་རང་བྱུང་ལ། །

སེམས་ཀྱི་མེ་ལོང་མི་ཤོར་རང་དབང་ཅི། །

རྟ་ཤོད་རྨེ་རུ་འགག་གི་འཇོལ་བཟའ་བུ་ཁུར་མ།

4 གླིང་གེ་སེར་དང་རྨེ་རུ་འགག

རྨེ་རུ་འགག་ཏུ་རྨེ་རུ་དགེ་བསྙེན་དང་དམར་འགག་རྟ་ལྷ་གཉིས་ཕུད་རྗེས་གནའ་སྒྲུང་དང་རང་བྱུང་གི་བཀོད་པ་གཞན་མེད་པ་ཞིག་ག་ལ་ཡིན་ཏེ། གླིང་རྗེ་གེ་སེར་རྒྱལ་པོས་བདུད་ཤྭ་བ་སྐྱ་ཧྲེང་བཏུལ་བའི་གནའ་སྒྲུང་སོགས་ཡོད་པས། ཅུང་ཟད་ཞུས་ན། ཆུ་མདོ་འགག་ནས་བདུད་ཤྭ་བ་སྐྱ་ཧྲེང་འདུལ་རྩིས་བྱས་ཀྱང་མ་ཐུལ་བས་རྟ་ཤོད་དཀྱིལ་འཁོར་ཐང་ནས་བ་ཡག་ནང་བརྒྱུད་དེ་བྲོས་སོང་བས་གེ་སེར་གྱིས་རྗེས་དེད་དེ་ཡོང་། མཐར་རི་ནང་ནས་རྗེས་ཟིན་ནའང་ད་དུང་བྲོས་ཤོར་བས། དེ་ལ་བྱེད་ལས་ལུང་པར་ཐོག་པའི་ངག་རྒྱུན་དུ་འདི་ལྟར། རི་ནང་ནས་རི་ལང་། འཆམ་ནང་ནས་འཆམ་བྱས། བཀོ་རི་མ་ནས་བཀོས། རོགས་ལྟ་མ་ནས་རོགས་བྱས། ཤོར་སྣ་ནང་ནས་ཤོར། གཤེད་ཆུང་ནང་གཤེད་བཀུག །ཝ་སྲིབ་ཁ་ནས་ཝ། བཤས་ཁར་ཐང་དུ་བཤས་ཏེ་དེ་རུ་དམ་ལ་བཏགས་རྗེས་བྲག་ངོས་སུ་ཁྲག་བྲིས་བྱས། ཡིག་གཟུགས་ནི་ད་ཆར་ཡང་ཡོད་ལ། རྒྱས་པར་ཤེས་འདོད་ན་རྟ་ཤོད་གཞུང་དུ་ཕེབས་ནས་ལོ་ལོན་ཚོར་བཅར་འདྲི་གྱིས་དང་འདི་ལས་རྒྱས་ཙམ་ཡོད་མོད་ཡི་གེ་མང་བར་དོག་ནས་མ་བྲིས་སོ། །

ཀི་ཀི་བསོ་བསོའི་སྐྱབས་ཡུལ་སེང་ཆེན་རྗེས། །

ཤྭ་བ་སྐྱ་ཧྲེང་བརྟུལ་དང་མ་བརྟུལ་ཆོག །

ཡིད་བརྙན་འཆར་སའི་ས་རྡོ་རི་བྲག་ལ། །

སྙན་ངག་མཁན་གྱིས་སྙུག་སོ་སྒུལ་འདྲ་རྨད། །

རྨེ་རུ་དགེ་བསྙེན་དང་གཟིག་མགོ

5 རྨེ་རུ་འགག་གི་གཟིག་མགོ་ངོས་འཛིན།

རང་བྱུང་གི་བྲག་ལ་བཟོ་རྩལ་མཁན་པོས་དངོས་སུ་བཟོས་པ་ལྟ་བུའི་གཟིག་མགོ་འདི་ལ་མིང་འབོད་སྲོལ་མང་དུ་མཆིས（གཟིག་མགོ །སྟག་མགོ །སྦྲུལ་མགོ །ཁྱི་མགོ །）ཀྱང་རྒན་པོའི་ངག་རྒྱུན་དང་རང་བྱུང་གི་བྲག་གཟུགས་ལ་ཡུན་གྱིས་བལྟས་ན། སྒོ་ཀུན་ནས་འདི་ནི་གཟིག་མགོ་འཁྲུལ་མེད་ཅིག་ཏུ་ངོས་འཛིན་བྱས་ན་ལོས་ཆོག་སྙམ་པ་བྱུང་། བྲག་གི་གཟུགས་བརྙན་ཙམ་དུ་བྱེད་དེ་སྟག་མགོ་ཞེས་བོས་ན་ཆོག་མོད། དེ་ལ་རྒྱབ་ལྗོངས་ནི་གང་ཡང་མེད་པ་མ་ཟད་དུས་འགྱུར་སྔ་རྗེས་གང་ལ་ཡང་སྟག་ཡོད་པའི་གཏམ་གང་ཡང་མེད། སྦྲུལ་མགོ་ཞེས་པ་ནི་གཏམ་འཆལ་བརྡོལ་བ་ཙམ་ལས་བྲག་གཟུགས་རང་གིས་ཀྱང་སྦྲུལ་མགོ་མིན་པ་ངོ་སྤྲོད་བྱས་ཡོད་དེ། བྲག་གཟུགས་དེ་ལ་རྣ་བ་ཡོད་ལ་སྦྲུལ་ལ་ནི་རྣ་བ་མེད། དེས་མ་ཚད་སྦྲུལ་མགོ་ལེབ་ལེབ་ཅིག་ཡིན་པས་འདི་ནི་དེ་ལྟར་མིན་པས་མང་པོ་བཤད་ག་ལ་དགོས་ལགས། ཁྱི་མགོ་ཟེར་བ་ཡང་བཤད་སྒྲོས་ཙམ་ལས་བྲག་གཟུགས་རང་གིས་ཀྱང་ངོ་སྤྲོད་བྱས་ཡོད་དེ། ཁྱིའི་གདོང་པ་ནར་ནར་རིང་པོ་ལྟ་བུ་ཡིན་ཡང་བྲག་གཟུགས་ལ་ནི་དེ་ལྟར་མེད་དོ། །ཆེས་ཡིད་ལ་འཐད་པ་དང་། བྲག་གཟུགས་དང་གནའ་གཏམ་གཉིས་ཀ་ཡོད་པ་ནི་གཟིག་མགོ་དེ་རང་ཡིན། དཔེར་ན། རྨེ་རུ་དགེ་བསྙེན་རྒྱལ་འཇོལ་ལ་ཡུལ་གྱར་དུ་སོང་སྟེ་སླར་ཡང་ཕ་ཡུལ་དུ་ཡོང་སྐབས་འཇོལ་བཟའ་བུ་ཁྲིད་མ་ཞིག་དང་། གཟིག་ཅིག་བཅས་ཁྲིད་ནས་ཡོང་བའི་གནའ་གཏམ་འདི་ནི་ཡོངས་གྲགས་རེད་ལ། དེས་མ་ཚད་འཇོལ་བཟའ་མཚོན་བྱེད་ཀྱི་བྲག་རི་ད་ཆར་ཡང་ངོས་འཛིན་ཡོད་ལ། གཟིག་དེ་མཚོན་བྱེད་ཀྱི་བྲག་རི་ནི་འདི་དང་དེ་ཞེས་དངོས་སུ་མིང་སྨོས་མེད་ཀྱང་། དེ་ནི་འདི་ག་རང་ལ་ངོས་འཛིན་བྱས་ན་ཅི་ལ་མི་འགྲིག་ཨང་། དེ་བཞིན་རྨེ་རུ་འགག་གི་གཟིག་ནི་བོད་ཁུལ་གྱི་ས་ཆ་གཞན་པའི་གཟིག་དང་མི་འདྲ་བར་ལུས་ཀྱི་སྟོབས་དང་། སྤུ་ཡི་ཁ་དོག །གཟུགས་པོའི་བོངས་ཚད་སོགས་ཁྱད་པར་བ་ཞིག་ཡོད་པ་རྒན་རབས་དག་གི་ངག་ལས་འབྱུང་བཞིན་ཡོད། ད་དུང་ཡ་མཚན་པ་ཞིག་ལ་དུས་འགྱུར་སྐབས་བཅིང་གྲོལ་དམག་རྨེ་རུ་འགག་བརྒྱུད་དེ་ཡོང་སྐབས་རྫོང་སྣ་ནས་གཟིག་གཉིས་ཀྱིས་ལམ་སྒུག་སྤྲད་པ་ལྟ་བུ་བྱས་ཏེ་བསྡད་པས། དེ་གཉིས་བསད་དེ་གཟིག་ལྤགས་གྱང་སྔོན་དུ་རྒྱོང་ཤིང་ཐོག་ཏུ་བརྒྱངས་ནས་ཡོད་པ་མཐོང་མཁན་གྱི་ལོ་ལོན་ཧ་ཅང་མང་། དེ་ལྟར་རིག་གསར་སྔུན་དུ་རྨེ་རུ་འགག་ལ་གཟིག་དངོས་མ་ཡོད་འདུག་ལ། གསའ་གཟིག་ནི་རྒྱུན་ལྡན་དུ་ཡོད། ལོ་འདི་གར་རྫི་བོ་མང་པོས་ཁ་མཉམ་གྲག་གི་སྒོ་ནས་རྨེ་རུ་འགག་ཏུ་གཟིག་དངོས་མ་འདུག་ཚུལ་མང་དུ་བཤད་ཡ་འདུག་པས། བདག་ཀྱང་ཡུལ་དངོས་སུ་ཉིན་འགར་གཟིག་ཨེ་མཐོང་བསམ་ནས་སྐོམ་པ་ཆུ་འདོད་ལྟར་བྱས་ཏེ་སོང་མོད་ཡིད་སྐྱོ་བ་དགོས་པ་ཞིག་ལ་མཐོང་ལམ་དུ་མ་གྱུར།

གཟིག་དེ་མ་ཁྲིད་དགུ་ཁྲིད། །

འཇོལ་བཟའི་མཉམ་དུ་ཁྲིད་འདུག །

བཀོ་ས་འཇོལ་གཟིག་མཐོ་སོང་། །

རྟ་ཤོད་རྨེ་རུ་འགག་གི་གཟིག་མགོ་རང་བྱུང་།

འཇོག་ས་འཇོལ་བཟའ་དམའ་འདུག །

སྙན་ངག་འབྲི་བར་ཚོར་བ་གཙོ། །

ལོ་རྒྱུས་འབྲི་བར་རྒྱུ་མཚན་གཙོ། །

ཆབ་སྲིད་བཤད་པར་གྱོད་ཚིག་གཙོ། །

གཙོ་གསུམ་དབྱེ་བ་འབྱེད་དེ་གཙོ། །

སྙན་ཚིག་མཛེས་མའི་ལང་ཚོ་འདིར་ངོམ་མེད། །

འཁྱོག་པོའི་ཕྱོགས་ལྷུང་སྐད་ཆ་འདིར་སྨྲས་མེད། །

ཆབ་སྲིད་གཡོ་སྒྱུ་ངན་པ་འདིར་བྲིས་མེད། །

དངོས་བྱུང་ངག་རྒྱུན་ལོ་རྒྱུས་ཇི་བཞིན་བྲིས། །

ཞེས་སྤྱི་ལོ་ 2023/9/23 དང་། བོད་རྒྱལ་ལོ་༢༡༥༠ཐམ་པའི་རབ་བྱུང་༡༧ལོ་སྟེ་ཆུ་ཡོས་ལོའི་ཟླ་༨པའི་ཚེས་༨ཉིན་རྨེ་རུ་འགག་དང་རྨེ་རུ་དགེ་བསྙེན་དམར་འགག་རྟ་ལྷ་ད་དུང་གཟིག་མགོའི་མཐའ་དཔྱོད་སོགས་ཀྱི་ལོ་རྒྱུས་སམ་ངོ་སྤྲོད་ཐུང་ངུ་འདི་ནི་ཤོད་ཆེན་བཅོ་བརྒྱད་ཀྱི་ནང་ཚན་ཁྱུང་པོ་རྟ་ཤོད་གཞུང་ནས་ཟངས་རི་ནོར་བུའམ་བཙན་རལ་གྱིས་རྒན་རབས་ཀྱི་གཏམ་དང་ཡུལ་གྱི་གནས་སྟངས་ལ་གཞི་བཅོལ་ཏེ་མདོར་བསྡུས་སུ་བཀོད་པ་མཇུག་གྲུབ་བོ། ། 

ལྷོ་ཀོ་ཡི་ཡའི་དམག་མི་ཞིག་བྱང་ཀོ་རི་ཡའི་བཟུང་དམག་བཙོན་པར་གྱུར་ནས་ལོ་ལྔ་བཅུ་ལས་བརྒལ་བ།

སྐུ་ཞབས་ལི་ཏ་བོང་ (Lee Dae bong) ནི་ད་ཆ་ལོ་ན་ 92 ལོན་ཞིང་ལྷོ་ཀོ་ཡི་ཡའི་དམག་མི་བྱང་ཀོ་རི་ཡའི་བཟུང་དམག་བཙོན་པར་གྱུར་ནས་ལོ་ལྔ་བཅུ་ལས་བརྒལ་བ་ཞིག་ཡིན། 

ད་ཆ་ཁོང་མལ་ཁྲི་ལས་འབབ་རྒྱུར་དེ་ཙམ་མི་དགའ། ཁོང་གི་བཙོན་ཆས་ཀྱི་ཕུ་དུང་ཁ་ནས་ལག་པ་གཡོན་པའི་མཛུབ་མོ་གསུམ་ཤོར་ཡོད་པ་ཕྱིར་མངོན་གྱི་ཡོད། ཁོང་ལ་དེ་ལྟ་བུའི་རྨས་སྐྱོན་ཚབ་ཆེན་ཕོག་པ་ནི་དམག་འཁྲུག་སྐབས་སུ་བྱུང་བ་མིན་པར་ཕྱིས་སུ་ལོ་ངོ་ 54 རིང་ལ་བྱང་ཀོ་རི་ཡའི་རྡོ་སོལ་གཏེར་ཁའི་ལས་ཀར་བཀོལ་སྐབས་བྱུང་བ་ཞིག་རེད།

སྔོན་མའི་ཀོ་རི་ཡའི་དམག་མི་འདི་ཉིད་ལྷོ་བྱང་ཀོ་རིའི་དམག་འཁྲུག་སྐབས་ཏེ་སྤྱི་ལོ་ 1953 ལོའི་ཟླ་ 6 ཚེས་ 28 ཉིན་མདའ་མོ་རི་བོའི་གཡུལ་འགྱེད་ཀྱི་ཉིན་དང་པོ་དང་། གདུག་རྩུབ་ཆེ་བའི་ལོ་གསུམ་རིང་གི་འཐབ་འཛིང་མཚམས་འཇོག་བྱེད་པར་ཟླ་གཅིག་མ་ཟིན་ཙམ་ཡོད་པའི་སྐབས། རྒྱ་ནག་དམག་གིས་འཛིན་བཟུང་བྱས་པ་ཡིན་འདུག

དམག་འཁྲུག་གི་ཉིན་དེར་ཁོའི་ལྡིང་ཤོག་གསུམ་པའི་དམག་ཚང་མ་བསད་ཤོར་ཡང་ཁོང་དང་སྲོག་ཉེན་ལས་ཐར་བའི་མི་གཞན་གཉིས་བཅས་དངོས་ཟོག་སྐྱེལ་འདྲེན་མེ་འཁོར་ནང་དུ་བཅུག་སྟེ་ཁྱེར། ཁོང་གིས་ཕ་ཡུལ་ལ་ལོག་རྒྱུ་ཡིན་པར་ཚོད་དཔག་བྱས་མོད་མེ་འཁོར་དེ་བྱང་ཕྱོགས་སུ་བསྐྱོད་དེ་ཨའོ་ཇི་ (Aoji) རྡོ་སོལ་གཏེར་ཁ་བསྔོག་སར་ཁྱེར་མི་ཚེ་ཕལ་ཆེར་དེ་ན་བསྐྱལ་དགོས་བྱུང་། དེ་ཤུལ་རིང་ཁོང་གི་ནང་མི་ལ་ཁོང་ལ་འཐབ་འཛིང་ཁྲོད་རྐྱེན་ལམ་དུ་ཤོར་བཤད། ལྷོ་བྱང་ཀོ་རི་ཡ་ཁ་བྲལ་གྱི་གནས་སྟངས་འོག་དམག་མཚམས་འཇོག་རྒྱུར་ཐག་བཅད་བྱས་རྗེས། བྱང་ཀོ་རི་ཡའི་དམག་མི་ཁྲི་5 ནས་8 བར་ཁྲའོ་ཞན་དུ་བཙོན་འཇུག་བྱས།

བྱང་ཀོ་ཡི་ཡས་ཞི་བདེའི་ཆིངས་ཡིག་ལ་བརྩི་སྲུང་གཏན་ནས་བྱེད་མ་མྱོང་བས་བཙོན་པ་རྣམས་ཕྱིར་ལོག་མ་ཐུབ། འོན་ཀྱང་སྐུ་ཞབས་ལི་ལགས་ལྟ་བུ་ཐབས་བརྒྱ་ཇུས་སྟོང་གིས་རང་ཉིད་བྲོས་བྱོལ་བྱེད་པའི་མི་ཉུང་ཤས་བྱུང་ཡོད།

རྩོམ་ཁུངས། BBC: News 

https://www.bbc.com/news/world-asia-66312530